عنوان الموضوع : عدم اهتمام زوجي دبحني........... -تم الاجابة
مقدم من طرف منتديات نساء الجزائر

عدم اهتمام زوجي دبحني...........




ياريت تنزلوا موضوعي قريب لان هاي تاني مرة انزله

بصراحة ما بعرف من وين ابدا كلامي .. انا متزوجة من 3 سنوات عمري 23 وزوجي 26 وعندي ولد عمره سنتين والحمدلله كل شي بحياتي بخير..زوجي رجل ماشالله عليه مثابر وعارف هدفه وبحبني .. بس انا مشكلتي اذا ما بشوف اهتمامه فيي او اسمع كلام حلو منه ما بقدر امشي امور البيت بحس انه لس بدي اضل قاعدة مكاني وما اتحرك بصير اطبخ بدون نفس والاعب ابني بدون نفس .. انا بصراحة ما كنت محافظة عالصلاة بس الحمدلله الله هداني وتبت توبة نصوح باذن الله نصوح اني ما اقطع بالصلاة وصرت اتقرب من الله بكل الطرق اللي بقدر عليها لاني توقعت انه الغلط اني بعيده عن ربي .. ادعولي الله يثبتني.. المشكله كل ما احكيله بحكيلي الحب بالقلب ومش ضروري الكلام الحلو .. بحس انه بس بيحب يجاكرني يعني لو قلت شي دايما انا الغلطانه وهو الصح ما بحاول يفكر ابدا باي كلام بطلع من تمي دايما بس انا اتكلم هو بصير في وضع الاستعداد للهجوم مو ضروري يكون عصبي حتى عن مزح بس بحب يقهرني .. اذا بتعرفوا شعور لما تكوني مع طفل صغير دايما انتي الشخص او المدرسة الجدية ومهما بنفسك ما بتحبي انك تمزحي مع الطفل عشان شخصيتك ما تنهز قدامه هاد يمكن هو الموقف يلي احنا فيه هو بحس انه صورته بتنهز لو انه دلعني او شي من هالاشياء.. مع اني دايما بدلعه لابعد الحدووووود بكل الاوقات وبحاول قد ما اقدر ما ازعله حتى لو هو زعلني انا براضيه بس لاني ما بتحمل يكون زعلان مني .. لدرجة انا بس يكون نفسي يحضني انا بحكيله احضني وبمسك ايديه وبحضن حالي فيه وكتير اوقات بحكيله احضني ما بحضني او بتحجج بشي تاني .. اخر مرة حاولت اتناقش معاه بالموضوع مع اني جبته عن طريق مزح رح انفجر وصار يصرخ ويحكيلي انا قرفت وعيشتي صارت مقرفة وندمان اني تزوجت وانا هيك عاجبك اهلا وسهلا مو عاجبك وسكت .. والله قهرني اكتر وقتها انه فتح لعبة عالانترنت وصار يلعب ورق ويناقش حتى البنات اللي باللعبة فيها وبكل اريحية ولو بكيت بحكيلي دموعك ما عاد تاثرفيني .. قرأت كتييييير انه كيف الرجل بحب تكون زوجته وقرأت بالسنه وبالدين كيف لازم الزوجة تعمل زوجها وحاولت اطبق كل شي بس ما بشوف منه اي نغيير .. كتير ناس كاتبين كوني كذا معاه معاه بحس وبتغير بس ما في امل .. انا بصراحة كل يوم بموت مية مرة نفسي يتوددلي نفسي يسمعني كلام حلو او حتى يحضني لحاله بدون ما انا اطلب .. انا كتبت هالشي بس لانه بتمنى اي حد يحكي شي يريحني يمكن ما بستنى نصائح على قد ما بستنى كلام يصبرني ويقدرني اني اعيش مرتاحة .. انا كتت هالكلام كمان لانه نفسي افضفض لانه خلص حاسة حالي رح انفجر لو ضليت على هلحال .. جربت كل النصايح يلي ممكن حدا يلاقيها عالنت او بالكتب او تجارب زوجات.. مااااا فيه امل .. والحمدلله على كل حال

>>>>> ردود الأعضـــــــــــــــــــاء على الموضوع <<<<<
==================================


حبيبتي يبغالك شخصية جديدة
مش شريرة ولا غير مطيعة ولا خبيثة
ولاكن ذكية وكيد المرأة عظيم
مهما زعلك أوعك تراضيه
خلاص جربتيها ومانفع
ماجاك لوحده وحضنك لاتحضنيه
جربتي ومانفع خلاص غيري طريقتك
انتي حنونة كتير وعاطفية ودا شي طبيعي انا كمان زيك بحب الحضن والحنية والكلام الحلو
بس دائما الرجل الجاهل يردك
وادا ردك جرحك
وكانك في كل مرة تنبهيه وتقوليلو نحن هنا
افتحيلو عالنت محاضرات الدكتور ميسرة والله والله ان فيه كلام بياثر في الرجل كتيييير
لو انك قلتي لزوجك قلي بحبك الف مرة في اليوم < طبعا بس حكي عاطفي منك
ايش حيكون رده
الحب بالقلب والأفعال
لأنه جاهل مش فاهمك
حاولي تخليه يفهمك على قد ماتقدري
سمعيه محاضرات زي ماقلت لك
مش بس انتي اللي تقري
يعني لو انتي اتثقفتي راح يتعلم تلقائيا؟
أكيد لا
خليه يقرا زيك ويتعلم زيك
فيه طريقة من النسوان ادا زوجها زعلها تروح ركض تنضف البيت وتنشغل فيه عنه
هو مابيشوفها منشغلة عنو بيشوفها خادمة مشغولة بشغلها الواجب عليها
ادا حابة تحسسيه انك مشغولة عنو ويبدأ يدور وراكي
انشغلي بنفسك انتي مش بالبيت
هدا اللي قدرت أوصلو من كلامك الغالب تنشغلي عنو اهم شي لما يشوفك يشوفك بكامل حلاوتك وبابتسامتك
بطبيعتك الناعمة والحنونة
بس مشغولة بنفسك عنه
ادا اتصل فيكي وهو برا لاتردي من اول اتصال خليه التاني والتالت وادا رديتي قولي كنت باخد حمام دافي
علميه كيف يقرب منك من حالو بدون تصريح منك.
الله يلين قلبو عليكي ويزيدكم علم.


__________________________________________________ __________

حبيبتى انتى حكيته معه كتير وما لقيتى نتيجه

حقك انه يهتم فيكى ويدلعك لاكنما صار اللى بدك اياه ما تخربى بيتك بهل مشاكل كونى اذكى منه

اشغلى حالك باى شى وما تطلبى منه كلام حلو لانك حتى لو طلبتى وحكالك كلام حلو ماله قيمه لانك طلبتى ما اجت منه يعنى كلامه ما اله اى قيمه

كونى زى ما انتى اهتمى فى حالك بيتك باولادك ما تقصرى بشى لاكن غيرى اسلوبك معه اوقات التجاهل لبعض الامور نعمه وانتى تجاهليه متل ما بيتجاهلك بس بطريقه تحسسى انك تغيرتى عليه وحسسيه انك مبسوطه دايما وخلى الى بلقلب بلقلب
ومتل ما قالت الاخت الى فوق كمان
ولو زعل منك وانتى مش غلطانه ما تروحى تعتريله وتقللى من قيمتك سيبى الامور تمشى ادى انتى مش غلط ليش لتروحى

بتمنالك حياه حلوة والله يهدى زوجك ويقربه منك

علميه كيف يقرب منك من حالو بدون تصريح منك.


__________________________________________________ __________

من اختك لؤلؤه
شوفي هو بيحب ايه واعمليه معاه حتي لو انت لابتحبي هذا الشئ
ممكن يكون حاجه متضايق منها ومش قادر يصرحلك بيها
تقربي انت منه حكي معه شوفي ايه الغيره اكيد مكنش كده اول الزواج
غيري روتين يومك هيفيدك كتير
عليك بالدعاء في قيام الليل له فوائد عظيمه عن تجربه معي


__________________________________________________ __________

انا عندي رائي ثاني

لاني اريد نشوف كل الحلول ونخرج عن نطاق كلامك

يمكن في شي انتي ما اخذتي بالك منه

يمكن زوجك من النوع الخجول الي ما يقدر يبين مشاعره

ويطلعها للخارج

شوفي كيف حياته السابقه مع اهله

هل هو عاطفي ويحب الاشياء الي تسويها

ولا يدفنها داخله من زمان

اما كلامه انه مل وهذي الاشياء

ردت فعل منه على اشياء ما يقدر يصرح فيها او عجز من المسؤلية

بعد ماكان سابقاً حر

و اشتاق لأيام العزوبية

خذيه بسياسه عشان تعرفي شو الي داخله


__________________________________________________ __________

ادا اتصل فيكي وهو برا لاتردي من اول اتصال خليه التاني والتالت وادا رديتي قولي كنت باخد حمام دافي
علميه كيف يقرب منك من حالو بدون تصريح منك.

اشغلى حالك باى شى وما تطلبى منه كلام حلو لانك حتى لو طلبتى وحكالك كلام حلو ماله قيمه لانك طلبتى ما اجت منه يعنى كلامه ما اله اى قيمه

خذيه بسياسه عشان تعرفي شو الي داخله

ب إختصصآر شدييييد ،،
والله يوفقكم