عنوان الموضوع : خطيبي يغار من ثقافتي ويخلق الحجج
مقدم من طرف منتديات نساء الجزائر

خطيبي يغار من ثقافتي ويخلق الحجج



اسعد الله صباحكم او مسائكم

اخواتي العزيزات ماشاء الله علي انسانه مثقفه احب اقرى الكتب واتعلم في مجالات مختلفه سواء تخص مجالي الدراسي او غيره يعني احب اقرا في كتب الدين العلوم التاريخ الجعرافيا الي تخص بلدي وغيرها احب التقنيات تعلم التطريز الاعمال اليدويه متعددت المواهب
خطبني رائع ماشاء الله دارس تخصص من اندر التخصصات في العالم لكن يستغرب مني اي موضوع يتكلم فيه حتى في شغله يلقى ان عندي معلومات عن الموضوع يسالني في تخصصي ويسالني في تخصصه او معلومات عامه يلقى عندي جواب مو شرط يكون الجواب مثالي كل لكن بدا يتحسس من الموضوع ويقولي انت شكلك تحبي تفلسفي انت ردودك جاهزه انت ما يقدر الواحد يتغلب عليك بشي احب البنت المثقفه المتعلمه بس مو لدرجتك يعني انت بكرا الكتب والانترنت بكون كل حياتك ومارح تأدي واجباتك نحوي *برغم اني مو كل يوم اقرا والا كل يوم امسك كتب وهو يعرف هالشي * بدا ياخذ الموضوع زي اني قاعده اوريه اني انا اذكى واشطر منه وان هو رغم تخصصه قوي ونادر انا احسن منه لكن ربي يعلم اني ما اتكلم بموضوع من نفسي هو الي يسال والي يفتح مواضيع سوى معي موقف من فتره جابلي كتاب علمي هديه و قرات في الكتاب شوي وماكنت فاضيه لاني اجهز فسالني عنه قلت له اني اطلعت عليه وقرات فيه رد برد غريب ليه الكتاب اقل من مستواك

قلت لا بس انا اجهز اخذت اجازه من الشغل عشان اجهز وابي كل شي يكون على اكمل وجه استاء يكلمني من دون نفس الشي الي قاهرني انه يمدحني عند خواته ودايما ان بغو شي يقولهم اسألوها بس ليش يسوي كذا

لكن الي قاهرني اكثر الان انه سوى موقف ثاني ماله داعي قعد يسالني يسالني يحاول يخلني اعجز بعدين سالني كم سؤال ما جاوبته انبسسسسط وضحك من قلب قلت له مو ملاحظ كل ما جلسنا حولت الجلسه الى من سيربح المليون قالي لا بس كذا دامك مسويه مثقفه ليه ما استفيد منك

عاد مزحت معه قلت لها في مثل غريبي يقول الرجل يخاف المرأه الذكيه لانه مايقدر يخدعها عصب
وقالي وش قصدك متى خدعتك والا متى ناوي اخدعك قلت مجرد مثل ومزحه زعل وراح


كيييييييييييف اتصرف معه يعني اسوي نفسي غبيه عشان يرتاح لاوالله هو الي دايما يحتك ويحاول ينرفزني ماعمري استحقرته وبالعكس ان فتح موضوع استمع له واسئله بعد مايخلص كل الي عنده صحيح يهمني الرجل المثقف الذكي بس يهمني اكثر اخلاقه واسلوبه والاهم من هذا كله انه يصلي ويخاف ربه هو ليش بس ينظر للموضوع من ناحيه الثقافه والذكاء يعني هو يتقل اربع لغات اجنبيه انا بس اتقن الانجليزي وهو اشطر مني بامور كثيره ليش مارحت اتعلم هاللغات عشان انافسه ليش ما استقعد له واقوله ابي ادرس ماستر قوي مثل تخصصك ليش يسوي هالحركات وش يستفيد

>>>>> ردود الأعضـــــــــــــــــــاء على الموضوع <<<<<
==================================


يا عييييييييني وربي حاسه فيج
عاد هو من جده خذاها الموضوع من قلب وجلس يستعرض لج انه مثقف وجي وانتي كويس طيحتي راسه
ومن جد انتبههههي تسوين انج ماتدرين لانه راح يعايرج ويضحك عليج هالرجال إلا يبي يسوي فيها العالم المثقف ومحد قده وربي وش يحس فيه ذا
وانتي ماعليج منه خذيها من ناحية المزح ولاتأهبين له وتسوين فيها سالفه خليه بروحه جي وينقهر
وكل مافتح موضوع عن جي انتي صرفيه وتكلموا حق البيت والتزبيطات والزواج والاولاد وشنو راح تسموهم
يعني فكري حق المستقبل لاتضيعون الملكة بالاستعراضات
وفهميه الثقافه مو يعني كل الحياه وخلاص مانهتم ف الجوانب الثانيه والله احس من قلبه ذاا
وعادي جي انتي ملكتي قلبه وعجبتيه مو عشان جي يبي يدخل مثل تخصصج ؟؟
شفتي اشلون هو موقصده اي شي عاد انتي خلج طبيعيه اهو يبي يشوف شنو ردة فعلج يوم قال ابدخل مثل تخصصج ؟ يبي يشوفج تبين تزعلين > واذا سويتي جي راح يفهم انج تتفاخرين فانتي خلج عادي ولاتبيني انه لآ خله يدخل واهم شي لاتطولون بهالمواضيع
وان شاءالله الاخوات مايقصون وياج ويفيدج وموفقه


__________________________________________________ __________

ههههههه اتجننوا انا كمان منت زيك كان دائما يلعبها علي ذكي خخخخخخخ
جاوبيه على قد سؤاله على كل حاجة
الله يهنيكم


__________________________________________________ __________

حبيبتي خليني اقولك على شي جدا جدا مهم
في كل مجموعة من النصايح الزوجية تكون نقطة منهم < لو حكالك قصة مرت عليكي سوي انك سمعتيها أول مرة واتفاعلي معاه
ولو كنتي عارفة تفاصيلها لاتستبقيها
لو قالك نكتة وقد ضحكتي عليها من قبل وصارت ماتضحك < اضحكي علشانه
هدي النقطة استفدت منها كتير الحمدلله
لأن الرجل ياقلبي في الأمور دي زي الطفل
يبغى يحس انه قال شي مهم ولازم تعطيه اهتمام وتسمعيه
دحين لما قالك قريتي الكتاب < كان ردك اطلعت عليه
المرة الجاية قوليله ماشاءالله الكتاب مرة حلو شكرا كتير استفدت منه < أو اكيد راح استفيد منه اخترت كتاب جدا مفيد
الرجل احيانا حساسيتو العاطفية تكون زي الطفل الصغير
ماشاءالله تبارك الله انتي مثقفة ومتعلمة وتعرفي تتكلمي في كل المجالات < خلاص اعطيتيه الفكرة الأساسية عنك
لاعاد تردي عليه برد أكبر منه يحسسه انه صغير في نضرك < دا اعتقاد منه فقط
ردي عليه على قد علمه هو
علشان مصلحتك في الآخر علشان تعيشي معاه بدون منافسات من شأنها تخلق فجوة بينكم كبيرة
بحكم إنك أعلم منه أو إنه يشوفك متعالية عليه
الله يوفقك ويزيدك علم.


__________________________________________________ __________

لاتسولفون بالثقافه ابدا سولفي بالحياة العامه واتفاقيتكم على الحياة المستقبليه وشكرا


__________________________________________________ __________

ردي عليه على قد علمه هو

سوري انا موصاحبة الموضوع بس حبيت استفسر عن هذا الشي
شلون ارد على قد علمه لو مثلا ماتعمقنا او ماقالي قد ايش تفكيره وكيف اكتشف ذا الشي؟
وسوري مرة ثانيه