عنوان الموضوع : زوجي اختي الله ينتقم منه مجابة
مقدم من طرف منتديات نساء الجزائر

زوجي اختي الله ينتقم منه



السلام عليكم ورحمة الله وبركاته
اخواتي انا جديدة في المنتدى بس متابعيتكم من زمان رح ادخل بالموضوع مباشرة
احنا اربع بنات في البيت وولدين اختي الكبيرة تزوجت شخص رائع لكن كان عنده صعوبات مالية والحمد لله تجاوزها وبحياته ماضربها او اهانها بالرغم انه بتحصل بينها وبينه مشاكل زي اي بيت
وبعدين انا تزوجت من شخص رائع ومرتاح ماديا ووبحياته الحمد لله ماضربني او اهاني بالرغم من وجود المشاكل احيانا
المشكلة باختي الي اصغر مني تزوجت وياريتها ماتزوجت بفترة الخطوبة كان خطيبها لئيم وبخيل جدا دايما يصرخ عليها ويحاول يعيشها بكابه لاتفه الاسباب وكان شكاك جدا
على اي بيعمل مشكلة لما جابت فستان العرس نكد عليها لما جابت الشبكة نكد عليها على اي شي بيخلق مشلكة
طبعا انا واختي الكبيرة كان رأينا انها تتركه ولكن ماما للاسف كانت تخبي عن بابا المشاكل وتقنع اختي انها تصبر وانه رح يتغير بعد الزواج
تزوجت وصار احقر انسان على وجه الارض من اول اسبوع زواج يتركها ويسهر مع صحابه ولما تساله بكل هدوء ليش تاخرت انا عروس وقاعدة لحالي بدأ يضربها بوحشية وبعدها يبكي ويعتذر
اختي جميلة جدا ورقيقة ورومانسية حاولت معه بكل الوسائل تحببه بالبيت بس اكتشفت انه معه ضعف جنسي لهيك مو فارقه معه الرومانسية يعني مع الحبوب ويادوب
المهم استحملت الضرب والاهانات لمدة 4 اشهر بدون ماتخبر حدا لدرجة كان يتف على ايده ويمسح بوجها!!!!! خبرت اهلي بابا عصب كتير ورفض عودته اله ورجع عند اهلي يترجى ويوعد اهلي انه مارح يكررها وبابا هدده انه لو كررها رح يكون الطلاق هو الحل لانه بعيلتنا كلها بحياتنا مامرينا بهيك مشكلة
حملت منه واستمر بضربها وهي حامل وصار يوخد تلفوناتها ويحبسها بالبيت حتى ماتخبر اهلي يحسبها 10 ايام وبعدها يبكي ويراضيها وهيه بغبائها وبطيبتها الزايدة تسامحه

عملها مشكلة لانها بتراجع طبيبة مابده يدفع فلوس للطبيبة,مابده تشتري ادوية للحمل يتهمها انها مادية لانها بتشتري ادوية الي بتوصفلها اياها الطبيبة بالرغم انه من راتبها عاشت حياته اشبه بالجحيم طبعا كان يوخد كل راتبها وما يخلي معها مصروف بحجة انتي مش بحاجة للمصروف وانا بشتري اغراض البيت؟؟
يخليها هي وطفلتها بالبيت بدون اي فلس لانه المصاري حسب رائيه بتخلي المره تنحرف!!!!
كانت عايشة مدلله عند اهي عز ودلال وبحياته مابابا او واحد من اخواني مد ايده علينا فجأة عاشت مع وحشّ!!
المهم حردت اكتر من مرة عند اهلي وتدخل خالي وبهدلوه ووعد انه مارح يعيدها وحط الحق عليها انها بستفزه بالعلم انه بخلق المشاكل خلق
اختي فصلوها من شغلها لانها قطاع خاص مافيه تجديد (مدرسة بمدرسة خاصة)هون انجن وصار شخص عنيف جدا وبعايرها اذا طلبت اي غرض للبيت مثل سكر او رز بانها كل همها الاكل وانها بدها شخص يصرف عليها!!!
اخر مرة طلب منها تشتغل بمؤسسة كلها رجال واختلاط للساعة 6 المسا وهي رفضت لانا عيلة محافظة يحاول يخنقها وكانت رح تموت بين ايده وبنتها من الخوف قطعت نفس
حبسها 10 ايام كان يجي يضربها وهيه نايمة وبنتها بحضنها وقعت عن السرير وطبعا ماعندها وسيلة اتصال لانه ماخد تلفوناتها
منعها من الاكل الا باذنه ولازم كمية محددة هو بحددها منعها تنام على سريره او تضوي الضو لانه املاكه !!!!!
اخر اشي طلعت على البلكون نادت جارتها مشان تتصل باهلي بتعرفو شو كانت ردة فعله؟؟هددها انه رح يذبح ابوها واخوانها غيرت رايها وخافت عليهم وحكت لجارتها مشكلة بسيطة وانحلت
حاولت تنتحر!!!!!اختي حبيبتي الي بتخاف ربنا ادب واخلاق وجمال كانت رح ترمي حالها من البلكون !!!! اخخخخخخخ يابنات قلبي رح يتقطع
مسكها وصار يبكي انه بحبها!!! استغلت دخوله على الحمام بعتت مسج لبابا استنجاد الحقوني موتني انا رح اموت
بابا كبير بالسن راح هو ماما ورفض الحقير يطلعها معهم اتصوا بخالي الي هو مسئوول كبير وخاف منه وراحت معهم
هلا اختي محطمة نفسيا ,راحت الضحكة من وجهها طلبت من اهلي يعرضوها على طبيب نفسي بس انا اقنعتها انه الصلاة والدعاء رح ينسيها كل اشي
بابا راح على المحامي ورفض المحامي يرفع طلاق على طول لازم نفقة بالاول والمحاكم بابها طويل
يابنات ساعدونا شو احسن طريقة انه نطلقها منه تتنازل عن المؤخر ولا تستنى حتى تاخد حقوقها منه مشان بنتها بالعلم انه معنا تقرير طبي بالضرب
ورفع على اختي لحماية الاسرة اهمال شكوة كيدية واتاكدوا انه كزاب
وشكى على بابا وماما وكمان تاكدوا انه كزاب
يابنات شو اسرع طريقة انه نخلص من هلاانسان ارجووووووووووووووكم ساعدوني واسفة على الاطالة
انا كل يوم بكوبس فيه وخايفة عل اختي
ارجووووووووكم ادعوا معي عليه
اللهم انتقم منه شر انتقام واره عجاااااائب قدرتك ,اللهم خذه أخذ عزيز مقتدر يارب

>>>>> ردود الأعضـــــــــــــــــــاء على الموضوع <<<<<
==================================


اب اب اب


__________________________________________________ __________

اعطونا ارائكم يابنات ربي يسعدكم


__________________________________________________ __________

لا حول ول قوة الا بالله
الله ينتقم منه مادري بس ماحبيت اطلع بدون ما اكتب لك
رد الله يوفقها ويخلصها منه ويحميكم


__________________________________________________ __________

اختي وكلو عليه محامي راح ياخذ حقها وقبل كل شي ادعوا ربنا ياخذ حقها لان الظلم ظلمات يوم القيامة وكل شي يدوم الا الظلم حسبي الله ونعم الوكيل


__________________________________________________ __________

انا لله وانا اليه راجعون عليها بدعااااآ ودعوة مظلوم ليس بينها وبين الله حجاب وهاي حيوان وبستاهل معاملة الحيوان ولازم تاخد حقها وماتستغنا عن بنتها لو شو ماصارالله يفرج همها وياخد حقها يااارب