عنوان الموضوع : طالبة مشورتكم حبيباتي -تم الاجابة
مقدم من طرف منتديات نساء الجزائر

طالبة مشورتكم حبيباتي



السلام عليكم ورحمة الله وبركاته
كيفكم يا سيدات .. إن شاء الله كلكم بخيرات
حبيت أخذ رآيكم ومشورتكم بخصوص موضوع لصديقتي
هي للأسف مايجونها خطاب ابد .. مع انها حليوة وكشخة وأنيقة
ومشهورة بهالشي بين جماعتهم .. بس للآسف ماحد دق بابهم
فهي قررت تشترك بمواقع الخاصة بالزواج .. طبعا صادفت كثير
لقت اللي يبون بس تعارف وصداقة ولقت بعد اللي
يبون طلعات ومقابلات المهم الين تعرفت على شخص
تقريبا مناسب من نواحي كثير لها .. بس هي اللي مستغربة منه
انه ابد ماطلب منها مثل طلبات اللي قبل .. يعني لا صور ولا صوت
ولا حتى طلب رقم جوالها وقالها ماراح أطلبه إلا اذا صار كل شي بينا
رسمي .. يعني علاقتهم فقط مسنجر .. لا وبعد مرة مستعجل قالها
شهر أو شهرين وأتقدم لأهلك لاني جاد وما ابي أطول بفترة
التعارف .. وهي متخوفة من هالشي وحاولت معه انه بعد
رمضان يتقدم لها يعني
يكون لهم 4 شهور تقريبا وهو يبي قبل رمضان .. وهي ارتاحت له
كثييير واستخارت ومرتاحة له شخصيا .. وبعد قالت متفهم وناضج
وكلامه جدا محترم .. فهي تبي تآخذ رايكم .. انها تخليه يتقدم بعد
شهرين لان بهالفترة ماراح تكون تعلقت فيه كثير يعني لو ماصار
لهم نصيب بيكون عادي وخيرة من ربي .. وبنفس الوقت تقول
اختصر على نفسي وقت وأكون عرفت النهاية سواء ايه أو لا .. !!
لانها قالت لو ماصار نصيب خلاص بيكون أخر شخص وبتترك هالمواقع..
وبعد لو طولت فترة التعارف بتضطر ان فترة الخطوبة والزواج تكون
قصيرة .. آمآ لو كانت فترة التعارف قصيرة فـ راح تطول فترة
الخطوبة >> وهي هذا اللي تبيه عشان تقدر تجهز نفسها ..
أو انها تخليه يصبر لبعد رمضان بس تخاف تكون خلاص تعلقت
وتعودت عليه أكثر ومايصير نصيب اذا ربي أراد وتتعب نفسيتها ؟! ..
و قلت لها اني بنزل موضوعها بمنتدى سيدتي .. البنات مابيقصرون كعادتهم ..
ورجاءاً بدون تجريح الله يسعدكم .. وأدري كثير بيقولون مافي أحد
صادق بالنت بس هي قالت تعرف شخصيا كثيير تزوجوا عن طريق هذي المواقع
ومرتاحين ومبسوطين كثيير .. يعني بالأول والأخير توفيق من ربي
ونصيب .. وبعد يعتمد كثير على شخصية وجدية الطرفين ..
آسفة عالإطالة بانتظار ردودكم ربي يسعدكم ..

>>>>> ردود الأعضـــــــــــــــــــاء على الموضوع <<<<<
==================================


أسأل الله أن يوفق صديقتك لما يحب ويرضى ويختار لها الزوج الصالح اللي يسعدها ويحافظ عليها الموضوع ما يقلق كثير طالما إنها استخارت أولا وتعرف بنات كثير تزوجو عن طريق الموقع وسعدوا بحياتهم لكن لازم تسأل عليه تمام يعني تسأل عن عمله فين يشتغل وعن عنوانه فين ساكن وترسل أحد يسأل لها عنه في العمل والبيت وتخلي مين يسأل إمام المسجد اللي في الحي اللي ساكن فيه وانشاالله يقدر لها الله ما فيه الخير


__________________________________________________ __________

والله انا رأيي الشخصي انها تترك هالمواقع ومتى ما الله يكتب لها الزواج راح تتزوج بس الى الان مابعد يجي نصيبها


__________________________________________________ __________

ياحبيبتي خليه يجي لأهلها افضل عشان لو ماكتب ربي نصيب تعتبره انسان جاء وراح بس لو طولت الفترة راح تتعلق فيه والله العالم اصلا اذا كان صادق ولاكذاب فخليها تلحق نفسها وتضرب الحديد وهو حامي حللللللللللللللوة عجبتني
ربي يوفقها ويبعد عنها الشر يارب


__________________________________________________ __________

الله يوفقها ان كان صادق يتقدم بسرعة لان لوطولت ماهو احسن
وموقع عفاف فية ناس كثير تزوجوا وان شاء الله يوفقها وتعيش سعيدة


__________________________________________________ __________

طالما الرجال وعدها انه راح يتقدم خلاص ..يتقدم وش فيها يعني لو اعطت نفسها فرصه..بعدين وش فرق النت عن غيره في وقتنا الحالي في طريقة التعارف للزواج..تعددت الاسباب والموت واحد<<<من صجج انتي خخخخخخخخخخ..المهم على قولت اخوانا المصريين خليك ورى الكذاب لباب الدار<<جابت العيد هههههه...واذا هو جاد راح الايام تكشف الشي هذا...ياما ناس اقارب ومع بعض سنين وخانوا بعض وضحكوا على بعض في نفس هالمواضيع..تستخير ربها ابرك منا واذا ارتاحت تواصل ربي يوفقها ويستر عليها ويعطيها الزوج الصالح المالح<<وش تحسين فيه خخخخخخخ....موفقه انتي ويا صديقتج يعني كل ابوكم...