عنوان الموضوع : ياناس ياعالم طقت تسبدي من العرسس مجابة
مقدم من طرف منتديات نساء الجزائر

ياناس ياعالم طقت تسبدي من العرسس



السلام عليكم
مساء الخير عزيزاتي
الله لايحرمكم الاجر دايم اضع مشكلاتي وتعطوني حلول
قبل كانت مشكلاتي عائليه وحلوه
واليوم مشكله زوجيه يازين مشكلات العزوبيه وقسم بالله طقت تسبدي من ذا الرجل
المهم ياحلوات انا صار لي  شهور متملكه وطبعا خطيبي يكلمني يابنات قسم بالله طول الفتره اللي راحت وحنا مكالماتنا نكد في نكد ياناس ياعالم زوجي زعوووول درجه اولى
كل مره يزعل والسبب تافه جدا استخدمت معه جميع الطرق التطنيش مانفع معه يزعل اكثر ولو راضيته نجلس ساعتين يالله يرضى واقترحت اننا نوقف المكالمات وزعل من جد تعبت تعبت تعبت ماادري كيف اتعامل معه
لدرجه وصلت معي لطلاق مع انه رجال تبارك الله ماعليه كلام في مرجلته ودينه بس هالامر عقدني عنيييييد وزعوووول ويفهم كلامي غلط واحاول افهمه مستحيييل يفهم خلاص يركب راسه اللي فهمه مايتغير
انا طفشت ماادري وش الدبره مع هالمخلوق دايم اسمع ان ايام الملكه احلى الايام وانا اشوفها اتعس الايام
بجد ايام نكد ودايم الرجل يركض ورا المرأه ويحسسها بالحب والحنان هذا العكس تماما قلت بطنشه لعل وعسى يركض وراي والله ماشفت الا مسجات العتاب والزعل اللي تم اسبوعين وانا اصريت اني مااتنازل واراضيه مع ان الحق معي اخر شي كلمنا وتناقشنا وتراضينا
انا عندي كرامه وعزة نفس مااحب اتنازل كثير
المهم ابي نضيحه حل اي شي تكفوون لاتخلوني من نصايحكم اللي تثلج الصدر
والا خلوني عليه بحوس امري وامره <وصلت معها

>>>>> ردود الأعضـــــــــــــــــــاء على الموضوع <<<<<
==================================


لا اختي انتي لا اتعوديه انك اتصلاحيه او تعتذري له .. حددي نقاط معه مثلا قولي له انت ازعلت من ايش بالزبط واشرحي له قصدك فهم كيفه ما فهم هوا حر بس اهم شي اثبتي وجودك وشخصيتك ل لاتكوني ضعيفه امامه .. اتمنى لك التوفيق يا رب ..


__________________________________________________ __________

تطلقي الان قبل ان تتطلقي وانت معاك عيال والا سوف تعيشين حياة كلها نكد في نكد لان من الظاهر ان خطيبك عنده ادمان نكد


__________________________________________________ __________

ياحبيبتي ادخلي على النت وعلى شخصيات الرجال وكيفية التعامل مع كل رجل ولا اكتبي رجل يزعل من زوجته بدون سبب كيف التعامل معه والله يسهل امرك ياقلبي


__________________________________________________ __________

الله يكون بعونك بس فعلا انا خبري في الرجال وقت الملكه يركض ورى خطيبته مو هي الي تركض الله يصبرج عليه ...اختي لا تعودينه على ان انتي دايما الي تراضيه بعدين يتعود


__________________________________________________ __________

طلقيه ابرك لتس