ربما غبائي هو السبب مجابة
عنوان الموضوع : ربما غبائي هو السبب مجابة
مقدم من طرف منتديات نساء الجزائر
ربما غبائي هو السبب
السلام عليكم ورحمة الله وبركاته بالبدايةإنا آسفة لو قللت أدبي أو طولت عليكم بس أبغى تساعدوني لأني والله أتعذب مشكلتي ابتدأت لما كان عمري تقريبا5كنا رايحين لبيت جدتي أم أبوي وكنت جالسه في المقلط(غرفة الأكل)أناوأطفال كثيرمعي اصغرمني واكبرانتظربنات عمتي يجوون عشان نلعب وأمي والحريم بالصالةبعدوقت الأطفال طلعواومابقى بالغرفةإلاأنا وولدعمتي وهواكبر مني(كل الكلام اللي بقوله أتذكره بالنص)قال وش جالسةتسوين قلت استناالبنات قال وشرايك نلعب لين يجوون قلت أنابفرحه طيب بس وش اللعبةقال أول شي خلينا نسكر باب المقلط بعدين أقولك قلت ليه نسكرالباب قال بعد شوي تعرفين قلت طيب ورحناسكرناه قلت له وأنامتحمسة يالله وش اللعبة قرب مني وقال اللعبةأناالمس#وأنتي تلمسين#قلت أنا ياوصخ يع قال لاوالله حلو قلت لا قال طيب جيبي يدك اوريك وسحب يدي وحطهاعلى#ودخل يده تحت ملابسي أناقرفت وكشرت وبعدت يدي وقلت بعدعني قال طيب أنتي لاتسوين كذا بس أناأبي أناماعندي خوات عشان أشوف#(والله انه قال كذا بالحرف الواحدوالله كلامه ونظراته اقسم بالله تقرف وموعلى عمره)وأنابكل غباء وافقت انه يلمسني ومابعدإلا لماحس بأحد يفتح الباب بعد عني ودخلت عليناعمتي وكانت اكبرمنه بخمس سنوات وقالت وش تسوون أناسكت ماقلت ولاكلمه وهوقال نلعب صح يافلانة؟أنامن الخوف إنها تضحك علي والله هذا كان تفكيري إنهاتضحك علي قلت إيه صح قالت أكيدوهي تناظرني قلت إيه بعد كذا نسيت السالفة ومر كم شهربعدهابديت أمارس العادةالسريةوأناماادري وشي وايش اسمهاوأمي ماكانت تخبرني عن شي حتى الدورةماخبرتني لين أخذناه بالتدبير واستمرت أمارس العادة(من برا زي ماسوالي ولدعمتي)لين وصلت صف أول ثانوي وأنا إلى الحين أتذكراللي صاربس مااعرف عنه ومرة في وسط الترم الثاني لقيت مكتوب بموضوع عادةسرية وبحثت عنهاوقعدت يومين أقراءعنهاوعرفت إنها حرام تبت وأقلعت عنهاالحمدلله وندمت ولماجت أيام المراجعة كنت فاتحة روايةأقراها وكان فيها شي اسمه تحرش جنسي ولماقريت عنه بغى يغمى علي شفت كل الأعراض وكل شي صارلي مكتوب قدامي حتى شخصيةالضحيةوشخصيةالمعتدي حاولت اكذب اللي قريت قلت لاأناأتوهم واصلا الكوابيس اللي تجيني لأني ماأقراءالأذكار(كنت احلم بكوابيس)بس فضولي خلاني أقراء مشكلة لواحد تحرش فيه واحدوبديت أقراءبنهم عن كل شي حولين التحرش وعرفت انه الحمدلله اللي صارلي مواغتصاب نصف اغتصاب وتخيلواإني توني اعرف عن معنى انه الرجال يجامع زوجته كنت اسمع من قبل لماتشرح الاستاذة الاغتسال بس ماكنت اعرف إلا انه فيه شي يصير بين الرجال والحرمةولماقريت واحد من المواضيع بغيت أموت قرفت مره وخلاص بداراسي يدوروينعادعلي المشهد ونظرات ولدعمتي وخلاص عقب ماعرفت صرت ابكي وأحس إني السبب لأني أنااللي سمحتله لدرجة انه مستواي نزل وماعرفت أذاكرللامتحانات كل مافتحت الكتاب بكيت ولماجاء أول يوم فالامتحانات أغمى علي بالمدرسة وصحوني ولماصحيت قعدت ابكي وأنا دايخةماأشوف أي شي حولي ولماجت الإجازةكل ماأشوف أمه ودي اقطعهابأسناني ادري هي مالهاذنب بس خلاص وبعدها جتني زي ردةالفعل والله حتى لماافتح لخالي الباب يمسكني من ظهري يمشيني(هو دايم يحضن بنات خالاتي لين يوصل جواالفلةويسولف عليهم)أناغصب عني انكمش وأكشروالله أحاول بس مااقدرصرت أقرف حتى من إخواني وخوالي وأعمامي ومرةتغيرت نفسيتي بهذي الإجازةمرةتعبت وكذا مره أدوخ(كل هذا وصاحباتي وخالاتي يقولون عين)لين جامرةقلت خلاص بقوللامي واللي يصيريصيركنت ابكي زي العادةبس لأني هذي المرةتخيلت جميع الاحتمالات اللي بتصير لماأكلم أمي صرت ابكي بصوت(دايم ابكي بدون صوت)ومرت أمي من غرفتي ودخلت لمادخلت نشفت دموعي من الخوف قالت وش فيك قلت مافيني شي راح كل الكلام اللي كنت بقوله وقعدت تحاول فيني أقول لهاوفجأةانفجرت وقلت لهاكل شي ماعداالعادةلأني تبت منهاأمي قامت تصرخ وتقول ردي علي صارشي ردي وأنا ابكي(أمي تقصد يعني اغتصبك)قلت لا قالت إيه أشوى الحمدلله وطلعت وأنارجعت ابكي أكثرمن قبل يعني ليه ماتحس فيني ليه ماتساعدني أتخلص من اللي أنا فيه.والحمدلله بعد توفيق من ربي أتعديت المحنه بس في شيين ماراحوامني الكوابيس ماراحت بس صارت تجي بعد فترات متباعدة والقرف من الرجال بس صاراخف وصرت أحس إن كل الرجال وصخين لماشفت واحد من أعمامي يناظر جسمي بنظرات وقحةمع إن لبسي ساترلكن الحمدلله رجعت لتفوقي بعد مافقدوا معلماتي وخالاتي الأمل في رجوع التفوق لأنهم كانوا يحسبون إنها عين جاتني لان كل الناس كانوا يقولون لامي بنتك مميزة بالمتوسط كيف بتكون بالثانوي وخالاتي فرحوالماأخذت بثاني ثانوي المعدل100%وتخرجت من الثانوية بعد توفيق من الله ب100%بس اختبرت قدرات وتحصيلي ونزلت بس الحمد لله دخلت القسم اللي كنت ابغاه صيدلةبس في مشكلةجديدةومرعبة مسببة لي قلق وهي من لماتخرجت من الثانوي وأناأنخطب أول واحدرفضته ولماسألتني أمي قلت لها ما أبي واحد بيني وبينه اقل من8سنوات لأني كنت أتوقع انه ماراح يخطبني واحدفيه زي شروطي التعجيزيةوعشان يصيرسبب عشان ارفض الخطاب لأني والله مااكذب أحس بالقرف لماأشوف أي رجال حتى لو كان داخل المحل أماالخاطب الثاني كان ولدعمتي الثانية وهذاأمه من زمان تلمح إنهاتبيني لولدهاورفضته مع إن أبوي عصب وقعد يهاوش يقول أنتي بس تتدلعين وقالت له أمي لاالبنت ما تبي أقارب أصلا مب زين الزواج من أقارب وبعدها جوني خاطبين وكلهم رفضتهم لأنهم واحد كبري والثاني اكبر مني بسنتين وجات الطامة لماخطبني واحد بيني وبينه 10 سنوات وماينعاب ابد ولو خطب أي بنت أهلها بيملكونهم بنفس اليوم لأنه مايتفوت طبعا جاني أبوي وقال هاه جاك اللي تبين وأنتي ماعدتي صغيرة وطلع ولما جت أمي قلت لها ماآبي قالت والسبب قلت أنتي عارفته قالت مافيه سبب ولد عمتك ماسوا لك شي قلت يمه خلاص ماآبي أنا أقرف وأحيانااستفرغ لماأمر ع فلم وأشوف رجال يحضن بنت وأنتي تبيني أتزوج وبعدين أناخلاص أوقات عملي طويلة وراتبي ممتازومااحتاج احد وماآبي أتزوج قالت مب لازم تبين المهم انك تتزوجين وبعطيك فرصة تراجعين نفسك لأننا ماراح نرده والله ماعاد اعرف وش أسوي
>>>>> ردود الأعضـــــــــــــــــــاء على الموضوع <<<<<
==================================
اذا لايوجد اغتصاب فليش ترفضين انت ساعدي نفسك وتخطي هذه المرحلة او اذهبي لعند دكتور نفسي فانت انسانه متعلمه ومثقفة شو خليتي للناس الجاهلين
تنمياتي لك بالتوفيق
__________________________________________________ __________
__________________________________________________ __________
تنآسي انآ متأكده انك مآتقدري تنسي بس حآولي انك تتنآسي
والشعور الي تحسي فيه طبيعي لأنك كنتي وآثقه فيه وطفله والي في بالك كله لعب
هذي ردت فعلك الطبيعيه !
انتي فقدتي بالأمآن النفسي وبالتالي الخوف من كل شيء
اتوقع ان مشكلتك يبي لهآ مختص نفسي انصحك تروحين قبل مآتتزوجين انتي وآفقي ووكلي امرك لله
واشترطي على امك بأنك رآح توآفقي بشرط توديكي لمختصه نفسيه وبإذن لله تتغير معتقآدآتك
بس ابيكي تفكري بشكل مختلف فكري ان الزوج غير وانتي مآعآدك طفله !
وابي ابشرك رآح تتغيري مع الزواج اعرف وحده تحرش فيها زوج امها واخوها و2 من خوالها وكل ماكانت تروح بقاله او منتزه احد يتحرش فيها مع انها طفله ومافيها معالم الانوثه وادمنت ع العاده السريه
ولكنها ملكت وماحصل نصيب ثم خطبت وهيا الان على وشك الزوآج وتغيرت نظرتها تماما
صح فيه خوف بس من خطيبها الان ماتحس بأس خوف بالعكس هو الوحيد الي تحس بالامان معاه
__________________________________________________ __________
ليش ترفضين
__________________________________________________ __________
حبيبتي انا رأيي اعملي استخارة شو ربك يريد رح يصير وكمان رجال مو نفس بعض ، وللنسبة لمشكلتك كنتي صغيرة وكانت نيتك لعب والله بيعرف شو كانت نيتك بس روحي راجعي عند دكتور مختص بيساعدك وان شاء الله رح نسمع انك انخطبتي وعايشة مرتاحة
رد مع اقتباس
