عنوان الموضوع : وعدته ان لا انسى اذيته.... مجابة
مقدم من طرف منتديات نساء الجزائر

وعدته ان لا انسى اذيته....



بسم الله الرحمن الرحيم

اخواتي العزيزات سأدخل بمشكلتي وارجو ان اجد لديكم النصيحة الطيبه .. فهذا والله من النار التي بداخلي..
انا متزوجه من خمس سنوات عندي طفل والان عندي اخر...
قبل سنه ونصف حدثت بيني وبين زوجي مشكله وصلت حد ضربه لي فاضطريت ان ادخل اهلي بالموضوع ولانهم وقفوه عند حدة شال بقلبه عليهم ومن يومها وهو نفسه ماهي طيبه عليهم مع انهم رجعوا معاه افضل من قبل ونفسهم طيبه جدا لكن هو يالطيف قلبه اسود ماهو راضي ينسى الماضي..
لما يزوروني اهلي مايقابلهم باحترام واكثر وقته يقعد ساكت خصوصا مع والدي والله والله من دون اي مبالغه لما يزورني الوالد يقعد معانا على الصامت وعينه على التلفزيون يحرجني جدا اقوم اداري احراجي بان اجلس اتكلم وافتح مواضيع حتى تخف حدة السكوت ..
الان انا انجبت طفل اخر وفي فترة النفاس جات الوالدة الله يعافيها عندي .. وهو بدل مايرحب ويسهل فيها جايه تخدمنا وتشيل حرمته وولدة .. عاملها بكل برود ماكان يهرج يدخل غرفته اغلب وقته ولو جلس يجلس ساكت مايهرج يبغى يحسسها انها ضيفه ثقيله هذا الاحساس الي جاني..
حرق قلبي على امي .. وبكيت كثير .. وانا احاول اغطي النقص الي يجي منه .. وكلمته اكثر من مرة ولا فيه فايده..هو يقولي ما ابغى اهلك يزورنا كثير انا ما احب احد يزورني..

امه من منطقه اخرى وراح تجي تزورنا وتجلس عندي .. وانا اتفاهم معاه قلتله ما ابغاك تحب اهلي بس احترمهم لجل عين تكرم مدينه قالي انا محترمهم قلتله اسلوبك هذا احترام مستحيل ..لكن والله العظيم الدنيا دوارة وانا راح اشربك من نفس الكاس وراح اعامل امك زي ماعاملت امي قالي اذا انتي ناويه على هذي النيه لاعاد احد من اهلك يزورنا قلت له عجيب انت تعامل اهلي ذي المعامله وزعلت لما قلت لك حعامل امك كذا..ليش تحلل لنفسك وتحرم عليا..

الان خلصت فترة نفاسي ... وامي شايله بقلبها عليه من معاملته السيئه لها .. وعدم احترامه لسنها وهي بمثابة امه..وراحت من عندي وقلبي محروق عليها وهي تقولي يابنتي لاتكلميه ولاتسوي مشاكل معاه مشي امورك واحنا ربنا ينصفنا منه احنا ما اذيناه لكن ربي شايف ومطلع ...

حسبي الله ونعم الوكيل فيه .. اسألكم بالله ايش اسوي معاه وهو مقلل قدرهم مع حبهم له وسؤالهم الدائم عنه واستغرابهم من عدم وصله لهم ..ويبغاني بالمقابل اشيل اهله وما اسيء لهم .. مع العلم اني طيبه جدا معاهم وخجوله لكن هو الي ربى الحقد في قلبي ..وماصرت طايقتهم..
بانتظار ردودكم اعزائي,,

>>>>> ردود الأعضـــــــــــــــــــاء على الموضوع <<<<<
==================================


السلام عليكم ورحمة الله وبركاته
ياعزيزتي
مشّي حياتك بهدوء واتركي موضوع معاملته لأهلك .. وخلي يكون تواصل اهلك معاه قليل جدا .. على قد تأدية الواجبات وبس .. وعاملي اهله بما يرضي الله .. هم ايضا ضيوف عندك .. واكرام الضيف واجب .. وان كان هو تعامل معامله سيئه مع اهلك فكوني انت افضل منه .. حتى لو مو من اجله .. انما من اجل صفو حياتك .. خلي المركب يمشي حبيبتي واعملي بنصيحة والدتك .. ربي يطول بعمرها ويرزقها الصحه والايمان

تحياتيييييييييييييييييييي


__________________________________________________ __________

السلام وعليكم ورحمة الله وبركاته
أختي صاحبة المشكله بصراحه الله يعينك على مشكلتك لان أصعب شي اذا زوجك علاقته بأهلك مؤ كويسه سواء منه او منهم وانتي الله يعينك على تحمل هالمشكله . بس أنا إنسانه صريحه ولا احب المثاليات ولاتعتبرين كلامي تشويش مني أنا اذا عارفه أهلي طيبين مع زوجي ويحبونه وأشوف تعامله معهم مؤ كويس فمستحيل اكون طبيعيه أكيد بعصب وبتكلم معه كم مره وبخلي أهلي يوجوني وهو مش موجود عشان مااهينهم خاصه اذا هم دارين عنه شوفي ياحبيبتي الرجال مايبي احد يوقفه عند حده ويبي يهين ألحرمه على كيفه يعني زوجك يبغى يضربك وأهللك يسكتون مستحيل من الأهل اللي يرضون على بنتهم ماله حق أبدا وأهلي غالين عندي ولاسمح لأي احد يهينهم قدامي
وانتي كلميه مره واثنين صعبه الحياة تمشي بشد أعصاب وقولي له لو أهلي يعاملونك باهانه فانا نفس الشي ماراح أرضى وبيضايقني هالشي لان كل الطرفين غالين عندي وانتي ذكريه بان عنده اولاد والزمن دوار وهل يرضى على نفسه يكون انسان مرفوض ومهان في بيت ابنه او بنته ؟ الله يسخر لك ويصفي القلوب بينهم


__________________________________________________ __________

الله يهديه ويسخره لك
اغلب الرجال كذا ماينسون بسرعه لكن مع الوقت بينسى ان شاء الله وانت كمان حاولي انك تقولين امي تمدحك وانك رجال والنعم فيك يعني من هالكلام صدقيني بيتغير للأحسن
وامه اذا جاتك قومي فيها واستقبليها احسن استقبال وخليك بشوشه معاها هو بنفسه راح يستحي من حركاته مع اهلك والله يكتب لكم الخير


__________________________________________________ __________

حبيبتي لو انا مكانك اشربه من نفس الكاس امه مالها ذنب تعامليها بنفس ما عامل امك بس هو عامليه بنفس مايعامل اهلك يعني خليك شوي جدية معاه في الاسلوب وش ماصار معاك في البيت لا تقوليله خلي عندك اسرار وكمان لا تسايرينه وتتفرجي معاه على التلفيزيون او تسهرين معاه خله يحس بغربة في بيته ساعتها يولي ويحس بقيمتك


__________________________________________________ __________

اساس الغلط انك تدخلي اهلك بمشاكلك مع زوجك
وهذي النتيجة خليتي زوجك يكره اهلك واهلك يتحسسون من هالموضوع وةاكيد يتضايقون بقلوبهم
حبيبتي الحل انك تعامليه كويس هذا زوجك واهلك ان شاء الله مع الايام بيتغير معهم ولاتخليه يشوف اهلك كثير احسن
ولاتصلحي الغلط بغلط بتجيك مشاكل ما لها اول ولا اخر مثال انك تعاملي امه بالمثل ليش

امه شكو او انك تعامليه نفس المعاملة او تزعلي منه او تعاندي كمان غلط ارضي زوجك واتركي الناس عنك واهلك زورهيم وزورنك وخلااااص ماهي مشكلة
تقبلي مروري