عنوان الموضوع : أحبه ولكن ......... مجابة
مقدم من طرف منتديات نساء الجزائر

أحبه ولكن .........



السلام عليكم ورحمة الله وبركاته
أنا بنت عمري 17 سنة
لسة صغيرة .. يمكن تقولون مااعرف مصلحتي ..
وياما سمعت نصايح وحاولت أنفذ .. بس رجعت لنقطة البدايه !!
مشكلتي اني حبيت واحد .. حيل اصيح وندمااااانة ..
والله اني على قدر كبير من الاخلاق ماامدح نفسي بس هذا كلام المدرسات لأمي وكلام الناس ..
ومستواي الدراسي حيل ممتاز وكل ماقابلت بنت تقول ( انتي قدوتي ) ..
والله اني اتضايق من الكلمه كيف انا قدوتج وانا اكلم واحد واحبه ؟

هالشاب تعرفت عليه من 3 سنين
ماتعرفت فيه بس هو كان يلاحقني ملاحق وحببني فيه غصباً عني !
ويبادلني نفس الشعور ووالله انه رجال وكفو ومصلي وخايف ربه
حتى لما اكلمه وقت الصلاة يقول لي انا رايح المسجد !!
ويصلي صلواته بوقتها ودايماً ادعي ربي يكتبه لي زوج !!

عقب فترة بعدت عنه وقطعت علاقتنا
بس عقب فترة رجعنا لبعض !!!
وكل واحد يقول ماعرف كيف يعيش حياته
والله اني كذا مره اكلم قريبتي واناا اصيييح لاني خايفه اموت وانا عاصيه ربي !!
وادعي ربي اان اذا ماكان لي فيه نصيب يسهل علي فراقه !

والله انه خوش رجال ومش مقصر علي بشي وشايلني بعيونه
المشكله ان احنا من طوائف مختلفة !!!!!!!!!!
هو ماعنده مشكلة بس الاهل بيتحسسون من هالشي
اهلي واهله
وانا مو متخيلة نفسي مع غيره

انا اكثر بنت انصح صديقاتي في المدرسه دايماً اقول لهم ماينفع تتزوجين عن حب
وانا وقعت في هالمشكله ومن ينصحني ؟!!!!

كلمته قلت له عرفني على اهلك قال مش مشكله بس مش في هالفترة ..

سؤالي هو :
تهقون جد يلعب علي ؟
لان هو دايماً يقول انا ماابغى يصير شي غلط ماابيك تنضرين ..
مااعرف !!
بس شالحل ؟
اتم معاه .. ولا احاول ابعد عنه مره 2 او بالاحرى المره الـ 10
مو عن شي .. بس والله لاني خايفه من ربيي وحيل متضايقه من نفسي !

ادعوا لي الله يلين قلبه علي ويلين قلب اهلي وهله !
باقي لي سنة واتخرج من الثنوية
وانا من عيلة ملتزمة ومحافظة حيل .. بنات عيلتنا من يخلصون الثنوية وينخطبون على طول
اخاف يصير لي نفس الشي !! .. ولو تميت اقول لا اخسر !

ساعدوني الله يرضى عليكم وييسر اموركم

>>>>> ردود الأعضـــــــــــــــــــاء على الموضوع <<<<<
==================================


لو خوش رجال خليه يتقدم اذا كان نصيبك وربك لو هو من ديانه وانتي من ديانه وربك كاتبلكم نصيبَ بتاخذيه وبتتسهل حييييييل

بس لو مايبي يتقدم او تصعبت وتأزمت الامور اعرف انه مافيه خير لكِ وابعدي


__________________________________________________ __________

حبيبتي مشكورة ع الاسلوب الحلو
الله يريحك ويوفقك ويستر عليك دنيا وآخره


__________________________________________________ __________

حبيبتي هذا حرام .. و من ترك شيئا لله عوضه الله خيرا منه .. و هذا كل اللي اقدر اقوله لك .. انا كنت مثلك عشت قصة حب من اول ما نزلت الجامعه .. بس ما مرت 6 شهور و تزوجنا و الحمدلله ..
حاولي معاه يجي يتقدم لك .. اذا راح يتعذر و كذا اعرفي انه يلعب بس ابعدي عنه و قربي من ربك و ان شاء الله ربي يسهل فراقك ..
و استخيري بهالموضوع و ربي يكتب لك اللي فيه الخير قلبو


__________________________________________________ __________

انتي خليه يتقدم واذا جلس يتعذر باعذار مالها اساس تركيه وقطعي علاقتك به نهائي


__________________________________________________ __________

انتي اقريتي ان شغلك معه خطا اذن هذا الشئ خطا
ومثل ماقالو الاخوات كان تقدم وش ينتظر حتى لو رفضو اهله او اهلك على الاقل حسسك انه صادق
وبعدين قلت انه يصلي شفتيه والا بالكلام بس
ياختي مافيه شئ يضمن لك الا الطريق الصح والخطوات الصح

اتركيييييييييه لله ومن ترك شيئا لله عوض الله بخير منه
تخيلي خيرا منه

واذا تركتيه في ذلك الوقت تعرفي صدقه من كذبه بس انت عزمي ولاتترددي

تنهى عن فعل وتأتي بمثله

عااااار عليك اذا فعلت عظيم

موفقه