عنوان الموضوع : لعبت على بنت وراح تنتحر بسببي "( -لصحتك
مقدم من طرف منتديات نساء الجزائر

لعبت على بنت وراح تنتحر بسببي "(



السلام عليكم ورحمة الله وبركاته



اولا انا بنت عمري 17 سنة قبل سنة تقريبا لما كان عمري 16 كنت داخله بلياردو باسم ولد وتعرف على بنت واخذت الايميل حقها قلت اطقطق عليها واغير جو

المهم استمريت معها واللي بيني وبينها صداقه بس ووهي تحسب اني ولد وكنا نسولف ونفضفض ونتهاوش وكذا زي الاخوان ما كان بيننا اي كلام ثاني

بس انا تعلقت فيها مرة واستمريت معها حوالي اككثر من 6 شهور يمكن وهي مرة تعلقت فيني لدرجه انها قالت لي سر لها مرة مرة حساس مو كل بنت تقوله

وتمنيت اني ولد عشان اتزوجها لاني مرة تعلقت فيها واحسها تفهمني وكل شي

باختصار هي نصفي الثاني وتوأمي

وارسلت لها صورة ولد على انه انا

استغفرالله ياربي عارفه انه حرام بس كانت تصر علي تبي تشوف شكلي وكانت كل بياناتي كذب في كذب والفت قصه عن عائلتي كذبببب كلهاااااااااااا

المهم كنت افكر بيني وبين نفسي عن العلاقه اللي بيننا وقلت ليش انا كذا ؟؟ حرام استمر مع البنت تتعلق فيني وبس

المهم ذاك اليوم قلت لها ان انا باسوي عملية ويمكن اموت وخذي الايميل حق اختي وصيروا صاحبات رفضت وقالت لا انك انت ان شاءالله ب تقوم بالسلامة وكذا :

غبت فترة بعدين دخلت من ايميل ثاني واضفتها على اني بنت لاني ابي تكون علاقتنا وصداقتنا صادقه مافيها اي كذب وغش

وقالت انتي اخت طلال قلت لا اني شفت الايميل حقك عند جهات الاتصال اللي عنده وكان دايم يتكلم عنك عندي واضفتك باشوف كيف انتي ؟؟!

المهم مشت عليها اللعبه وصدقتني وبعد فترة فكرت بالصور وقلت ابغاها تحذفهم ودخلت من ايميل ولد غير اللي تعرفه وارسلته بريد الكتروني وقلت لها احذفي صور ولد خالتي اللي هو انا هي رفضت قالت ماراح احذفها لين هو يقول لي

جيت انا دخلت من ايميلي الللي تعرفه وقلت لها ابيك تحذفين صوري وكذا

وقالت طيب اهم شي انت اللي قلت لي وحذفت الصور وقلت لها ان انا بخير وباتركك لان انا باترك البنات وتبت ورجعت لربي قعدت تحاول فيني استمر معها بحدود الصداقه لكن رفضت وطلعت واليوم دخلت من ايميلي اللي هو ايمييل البنت اللي اضفتها فيه من قبل وكنت اسولف معها اول يعني صداقه سطحيه واليوم دخلت علي وقعدنا نسولف بعدين قالت انتي تعرفين شي عن فلان قلت لها انا لا ليش قالت انا احس الموضوع فيه إن قلت لها لا لا إن ولاشي وبعدين ليش هو هامك ومن هالكلام ؟ قالت انا اصلا ماقد نسيته دايم افكر فيه اشتقت له وابيه يرجع وابي افضفض له واكلمه مرة محتاجه له وواني واثقه فيه وابيه يكلمني وكذاا

وقالت انها ماتقدر تنساه وانها تصيح عشانه وانها الحين قاعدة تصيح وقالت انو مرة بغيت انتحر عشانه انا هنا تروعععععت وخفت :|

قعدت اصيح قلت في نفسي اخاف تنتحر والسبب انا ..؟؟

قالت ابي اعرف اخباره على الاقل بس ؟ قلت لها ان هو بخير قالت وش دراك انتي تعرفينه قلت من بعيد مررررررررررررة قالت تكفين قولي لها يكلمني بس يقولي انه بخير ابغاها منه

قلت لها مااقدر وكذا بس اصرّت علي ورحمتها وقلت باحاول بس مااوعدك

المهم طلعت بعدين من المسن

قلت لأختي السالفه قالت :: هاتي انا ادخل بايميلي واقولها ان انا اخت فلان وان البنت هذي قالت لي عن السالفه وانا اقولك ان اخوي يقول مااقدر اكلمك اني تركت البنات نهائي ماابي ارجع وانها كانت فترة طيش لااقل ولااكثر

...

ولا تقولون لي اعترفي لها اخاف تدعي علي

والله يا بنات انا تبت ومتحسفه على الصور اللي اخذتها

تكفووون وش اسوي انا تبت ورجعت لربي واتمنى يغفر لي تركت السوالف هذي وتركت اللعب ع الناس وتركت الصور وكذذذا



* اذا نتحرت يصير السبب أنا ؟ هل اتحاسب وانا ندمت وتبت ؟

* هل اكلمها ولااسحب عليها ؟

* انا ندمت وتبت ورجعت لربي هل راح يغفر لي كل اللي سويته وانا تبت توبة نصوح ومارجعت للاشياء اللي سويتها هل راح يغفر لي رغم كل اللي سويته ؟



اسفه اذا طولت عليكم بس حبيت افضفض واشوف ارائكم



بليز نزلوه بسرعه

>>>>> ردود الأعضـــــــــــــــــــاء على الموضوع <<<<<
==================================


همممممممم
برآي تصارحيها .. عشان ما تفكر تنتحر بسبب شي مو موجود ..
و قوليلها انك حابة صداقتها
و انك انتِ كمان تعلقتي فيها و لما تعلقتي فيها ما قدرتي تقوليلها انك بنت عشان ما تجرحيها
بيكون لها درس ما تثق بأي شخص على النت
انا كدا رآيي و الله اعلم


__________________________________________________ __________

يازين كسر الاب ع راسك ببالله عليك من وين لك وقت هالفراغ عشان تتنقلين من مسن لمسن صدق فضاوه


__________________________________________________ __________

حياتي كبري عقلج ،، وانتي مصدقه انها بتنتحر،، هذي تخاريف مراهقات خخخخ العمر غالي يافديتج وياروح مابعدك روح،، هذا اولا .. ثااانيا انتي من وين لج وقت تسوين كل هذا،؟؟ يعني اهلج مايحاسبونج على طول مقابلج للنت ؟؟ ولا يستنكرون طول وقتج على الجهاز؟؟ ياعمري مو زين عليج ،، لا انتي اللي ساعدتي في شغل بيتكم الوالده،، ولا انتي اللي قابلتي صلاتج ربع وقتج في مقابل هالجهاز،، شوفي اذا فعلا تبتي وتبين تبيضين صفحتج وتمسحين ذنوبج،، روحي للبنت وقوليلها الصج واطلبيها تسامحج واتوقع مهما كانت صدمتها بتفرح لانها بالنهايه قالت سرها لبنت مثلها وانها ما طاحت تحت ايد ولد .. يمه منج شنو انتي ؟؟ من وين لج هالمخ يخرب عقلج شو مدمر!!! خخخخخ هذا جيلكم ياجيل النت كله افكاره سوده ومدمره الله يستر.. روحي ياغلاهم وتسامحي من البنت وقللي من مقابل النت فديتج قابلي سجادتج واميمتج ابرك لج ياعمري.. موفقه.


__________________________________________________ __________

هههههههه لاخت داهيه الله يصلح اعترفي لها او اسحبي عليها شهر بعدين اصمني عليهاا


__________________________________________________ __________

ياويلك من الله لعن الله الكذب حتى لو كان مزااح انتي الحين خبري البنت وتاسفي منها بس لازم تصدقك عشان تنسى الحكايه وهي مو متعلفه فيك هي متعلق بصور الشاب ياللي بعتلها اياهم الحين فهمينها الموضوع زييين و لا عااد تعديها فهمتي