عنوان الموضوع : مشكلتي مع زووجي يحسبوني بنته سنة كاملة ماقلت لاحد مجابة
مقدم من طرف منتديات نساء الجزائر

مشكلتي مع زووجي يحسبوني بنته سنة كاملة ماقلت لاحد



السلام عليكم انا ماطرحت مشكلتي هنا الا اني جدد اعاني وحاسة نفسي مو ام ولازوجة واحتاج مشورتكم لانكم بحسبة اخواتي الكبار وبعضكم بمثابة امي
انا تزوجت من سنة عمري الحين 19 وزوجي عمره 35 اهلي اقنعوني فيه لانه مايتفوت رجال عاقل ومتزن ومن عائلة زينة بيني وبينه 15 سننة وهذي هي المشكلة فارق السن موتر العلاقة بينا

هو مررة ثقل وجدّي في الأمور كل شي ياخذه جد وعقله كبييير لما اسوي اي شغله ماتعجبه يستحقرني مع انو شي عادي يقولي بطلي حركات مراهقين انتي بعدك مراهقة وصغيرة مدري كيف بتربين عيالي يقولها عن طيب نفس واني كاسرة خاطرة مايدري انه يحطمني كذا

يخاف علي بشكل مبالغ فيه وينصحني وسوي كذا ولاتسوين كذا كأني بنته مو زوجته وانا عندي ولد عمره شهرين لما اشيله يقول انتبهي لراسه امسكيه لايطيح منك مو كذا تشيلينه انتبهي وانتي ترضعينه اوووف مجنني للعلم انه كريم وحنوووون وقلبه طيب مو مخلي علي قاصر لاكنه مايبين مشاعره ولايقول كلام حلووو يمكن اكون صغيره شوي بالعمر مقارنة بعمره لاكن حمدالله عقلي كبير وانا الكبيرة ببيت اهلي وكنت متحملة مسؤولية اخواني واخواتي

والله اني اصيح وانا اكتب لكم اعذروني حتى بالعلاقة الخاصة بيني وبينه لما البس له واتدلع وكذا يقول خلاص كذا كفاية سكري الليت بنام وحقه الشرعي ياخذه مرة بالاسبوع او مرة بأسبوعين واحيانا انا الي اطلب منه يارب بنجججن منه

والله يابنات اي حركة اسويها او ردة فعل يستغربها مني ويعصب طيب ايش اسوي بنفسي انا كذااا والله اني مااتدلع حيييل بس يعني اذا جلسنا بروحنا عادي امززح معاه وكذا هو يبيني بعمر ام 40 سنة مستحييييل يعني اهتماماته غير عن اهتماماتي مافي توافق فكري بينا جيلي غير عن جيله سوالفي ماتعجبه وسوالفه ماتعجبني حتى اذا طلعنا مكان عام الناس يحسبوني بنته

حاسة اني ندمانه اني اخذت واحد كبير علي مرة مع اني احبببببه والله وعندي منه طفل بس لما اسمع صاحباتي وسوالفهم ازواجهم بالعشرينات وكيف علاقتهم معاهم اندب حظي

طولت بزيادة بس والله شي بقلبي من سننة ولاقلته لاحد اتمني ماتحجبون موضوعي لاني احتاج نصيحتكم ومتاكدة لو بقول لامي السالفة بتطلعني انا الغلطانة مهما صار
يااااااارب سسسساعدني

>>>>> ردود الأعضـــــــــــــــــــاء على الموضوع <<<<<
==================================


مدري وش اقولك حبيبتي بس للمعلوميه فيه شباب بالعشرينات وجديين بالمره ونادرا الي ع كيفنا وترا في ميزه في الحريم وهي ان الوحده تبالغ احيانا اوتحسسك ان زوجها معيشها ملكه فلا تصدقين كل السوالف وربي اكتشفت ان كل بيت فيه مشاكل وحريم كثير مفتقدين الكلام الحلووو واشياء كثير لو نسمعها نحس اننا بنعمه واحمدي ربك ان زوجك كذا صدقيني هو من النوع الي يحب بس بصمت لان الحياه علمته اشياء كثيرهويصير يفكر بعقلانيه ونادرا ينتبه لاشيا زي كذا بس مع مرور السنين بيصير يعشقك ومايستغني عنك انتي بس شوفي رغباته وسويها وحاولي تبينين له لمى تلاقي فرصه عن اي شي بخاطرك وادعي بصلاتك بالي تبين ولاعاد تدققين بتصرفاته واذا نسيتي وانشغلتي بولدك بيصير يفتقدك ويجيلك
والله كلها مسألة وقت والحب يجي من عشرة سنين مو زي الافلام والقصص والخرابيط هذي


اوكي قلبي؟؟؟
ترا قلتلك عن تجربه شخصيه مو كذا من راسي

الله يوفقك حبيبتي ويحقق مرادك


__________________________________________________ __________

الله يسعدك يارب ويكون في عونك

اهتمي في نفسك ولبي رغباته وعيشي حياتك دام قلبه طيب وحنون وكريم اصبري على عقله وتفكيره

الله يسعدك حبيبتي


__________________________________________________ __________

بس 35 لسه شاب

وانتي 19 سنه ما اقدر اقول صغيره بس بالنسبه لك تشوفينه كبير مع انه مش كبير

بس حاولي تغيرين فكرته عنك


__________________________________________________ __________

ارجوكي لا تفسدين حياتك بسبب تافه
انتي معلق في راسك انه اكبر منك انتي لا تنتظرين ردوده انحن مشكلتنا نبيهم يستانسون واحنا ماله لازم
حبيبتي شوفي المرايه وكلمي نفسك انك طموحه وتحبين بيتك وزوجك وركزي على امور كثيره الطبخ وش يحب فاجئيه وسعي صدره بقدر طاقتك واي شي مايعجبه لا تقولين ليش وتحسسينه انه رايه مهم قولي دايم انا مقتنعه فيه ومعجبني في اي شي وشوفي النتيجه
وبعدين الف وحده تتمنى زوج حنون وطيب وكريم ويخاف عليها والعلاقه الحميميه انتي حاولي تطبخين سمك وربيان واكلات بحريه ترفع الطاقه وايضا اللحم الطازه وخل منقع فيه بصل مدة نص ساعه تقريبا وارجو انك تفكرين في النعم الي عندك قبل المشكله واقهري الشيطان ولا تسمعين وسوسته وحبي زوجك وبيتك وتقبليه بعيوبه وحاولي تصلحينه بشكل غير مباشر


__________________________________________________ __________

حبيبتي لاانتي صغره وايد ولاهو كبير وايد انتو الاثنين بالسن المثالي للزواج وبالنسبة لفارق العمر ماهو بشرط انة يكون تفكيركم غير ! اختي بينها وبين زوجها 11 سنه وبسم الله ماشاء الله قمة التوافق الفكري والعقلي لاشفتينهم تقولين من نفس السنه
انتي مزوده الموضوع حبتين وممكن صديقاتك مكبرينلك الفكره براسك انو كثير كبير عليك ومادري شنو
بس صدقيني هالحكايه منها بمشكلة كبيره خصوصا انك قلتي انه متفاهم وحنون وطيب
خلاص هده اهم صفات بالزوج وبالنسبة انو حريص ويخاف عليكي واايد هده مفروض تفرحك مو تحزنك
اعتبري انه دلع منه زايد يعني بيدلعك وبيدللك في احلى من شدي !!
استمتعي حبيبتي بحياتك ولاتحكين كل شي لرفيقاتك