عنوان الموضوع : خطبني و تركني وعندي امل بيرجعلي ! مجابة
مقدم من طرف منتديات نساء الجزائر

خطبني و تركني وعندي امل بيرجعلي !



السلام عليكم

انا مستاءه جداً

قبل ثلاث سنوات تقريباً خطبني شخص كان معجب فيني و مقتنع فيني تماما ويبغاني زوجه له ،
انخطبنا سنه ونص وكانت احلى فتره
شوي شوي قبل الزواج بكم شهر بدى يتغير وكلامه يتقلب
فجأه اعتذر و قال انا ما اقدر اتزوجك !!
و فسخ الخطبه و قال شوفي نصيبك ( كان ع اساس حنسافر برا نكمل دراسة ، فقرر يكمل دراسته لوحده)

خلال هالفترة .. انا ماقدرت اني اكرهه فعلياً
لاني كنت مقدره و عارفه ليش ما قدر يتزوجني
و بالعكس اشوفها شجاعة انه قرر يتخلى عني ولا ياخذني معه لانه سافر و اكتشف انه ما يقدر يعيشني براحه هناك.

بين فتره و فتره يرسل لي ايميل يتطمن علي
احسه حريص ع مستقبلي
ع الرغم اني طول الوقت اونلاين بالمسنجر لكن ما يدخل ولا يكلمني

لكن ما ينساني بالمناسبات يعايدني

احس اني صايره مهوووسه احسه بيرجع لي !
ماني قادره اسأله ولا شيء
بس احس اني اتصرف وعايشه حياتيةانه بيرجع لي !

هالفتره يتقدمون لي خطاب بس ما يصير نصيب

احس بس ابي الايام تمر و تعدي
ابي اطفي الحرقة اللي بقلبي
انا اثق فيه و احبه
واثقه انه يحبني !
واثقه انه بيرجع لي !
بس تعبت انتظر
و خايفه بنفس الوقت انصدم ولا يرجع لي ويصير كل هالشيء خيالات في بالي
احس بقهرر
ابي اعرف هو من نصيبي او لا
هو لي وانا له او لا
تعبت من كثر ما افكر بهالشيء


بنفس الوقت انا مقهوره لما كنت مخطوبه له
كان كثير يخطبوني لدرجه يقولون لامي نبي بنتك
اذا هالشخص مو جاد احنا نبيها
وكانوا ميتين علي !!!!!!
و يوم انفصلنا والله ما حولك احد !!!

ليه وش هالحظ يعني !
هل هذا يعني انه هو بس نصيبي !
واني ابنتظره هو بس !

احسني صبرت كثير و المفروض خلاص كلها 6 شهور واتاكد
واحس اللي صبرني كل هالمدة بيصبرنيوهالفتره
بس احسني مقهورهوو مشتاقه له
احس ابيه بحياتي !
اخاف اتهور و اروح اقول له شيء
وانا ابداا ابي الوضع طبيعي

و مرات اقول وش فيها ! ليه ما ارجع له انا بنفسي !
فيها شيء ان البنت هي تروح للرجال ! طيب احبه !
واخاف من اني احبه ! واشتقت له


ما اتخيل اني اعيش مع شخص ثاني غيره احس حياتي هو !

يارب صبرني

>>>>> ردود الأعضـــــــــــــــــــاء على الموضوع <<<<<
==================================


اختي اذا كان نصيبك بيرجع لك
لا توطين نفسك امامه

صدقيني لو يحبك ما كان تركك لاي سبب من الاسباب

ربي يوفقك باللي يستاهلك...


__________________________________________________ __________

لا انتتتبهي تكلمينه
خليك على الثقل اللي انتي فيه
وهذا اللي مخليه للحين يبيك
ومتمسك فيك صدقييني كذا
بتكسبينه نصيحةة مجرب
كل الرجال كذا يحبون يركضون
وراء البنت واذا حصلت لهم
قاموا يدورون غيرها


__________________________________________________ __________

الله يكون بعونك


__________________________________________________ __________

مسكينة أنتي لأنك عايشة على وهم وحب في خيالك , وعايشةعلى أمل ضعيف جدا, بس متى تصحين من هالوهم , لما تشوفينه راجع ومتزوج ومستقر , بعدها أنتي كم صار عمرك ؟؟؟

لاتضيعين عمرك وفكري في مستقبلك والحياة قصيرة , وهو جنى عليك يوم وقف نصيبك فترة , تدرين ليه مااحد خطبك , لأنهم سألوا نفسهم ليه خطبها تركها بعد سنة ونصف , هذا الحقيقة الناس مالها الاالظاهر .

ووإذا كان ودك تحافظين على ماتبقى لك من كرامة , لاتتصلين عليه ولاتتواصلين معاه أبدا , مثلا تخيليه كان زوجك وطلقك طلاق بائن يعني مافيه أمل ترجعون لبعض.

أما مسألة أنه مايقدر ياخذك تعيشين معاه برى , سبب مش مقنع أبدا, أن كنتي سعودية فالملحقية تصرف مكافأة للطالب وزوجته وأولاده وأن كانت تدرس راح يعطونها مكافأة .

نقطة ثانية لايشوفك دائما على الماسنجر أون لاين , حتى لو أفترضنا أنه مازال يحبك فوجودك 24 سنة أونلاين , خلاص يتطمن به عليك , وممكن ينتقدك بسبب وجودك المستمر .

كيف علاقتك بربك قوية ماعندك مخالفات , لو كان عندك أخطاء كاأغلبنا تجاوزيها واتركيها لله , غيري حياتك للأفضل .

أدعي ربك وأنتي محسنة الظن بالله , الحياة بقرب الله تعطينا دائما الأمل في بكرة , أسأليه زوج صالح تقي نقي , أسأليه الأنس بقربه ,

ولاتنسين الأذكار والأستغفار .

أصلح مابينك وبين الله يصلح مابينك وبين الناس .
أمممممممم لاتزعلين من ردي , تأكدي أني أحبك لو ماأعرفك لأنك أخت لنا في الإسلام .

لو تزوجتي بشرينا .


__________________________________________________ __________

حبيبتي عليكِ بالصلاة اخر الليل والدعاء ان الله يعجل بنصيبك واذا كان فيه خير لك يقدمه واذا فيه شر يبعد عنك وعن قلبك

والله يوفقك ويرزقك