عنوان الموضوع : طلع براسها قرون هالمهبول مجابة
مقدم من طرف منتديات نساء الجزائر

طلع براسها قرون هالمهبول



السلام عليكم ورحمة الله وبركاته

اخواتي العزيزات وكل من يدخل لقسم مشكلتي ويقدر يعطيني حل سليم لايقصر جزاكم الله كل خير ،، المشكله في زوج بنتي او بمعنى اصح خطيبها ،، لانها بس متملكه عليه مابعد دخل عليها وزواجها بعد كم شهر،، خطيب بنتي كان زي الفل معاها وجدا اسلوبه راقي وطاير فيها مو مصدق متى تصير زوجته والولد مايعد تخرج لساته طالب ويدرس برا ،، من كم يوم انقلب حال الرجال ولاحظت بنتي دايم تبكي وانعزلت عننا وبس تمثل انها نايمه ،، ولما سألتها عن السبب صارحتني ان خطيبها يشك فيها وقاعد يحط اشياء من خياله فيها ويقول عنها كلام لايحتمل،، ويتهمها بالخيانه وانها على علاقه برجل اخر وانها تحبه ومتواصله معاه ،، انا قلت اذا عادي اتدخل او كيف بتتصرف قالت لا ابغاك تدخلين لاني ماعاد اتحمل،، وفعلا حاولت افهم الموضوع ولا بطول عليكم بعد نقاشات مطوله طلع كل اللي فباله وهم ولا له اساس من الصحه وكل شكوكه مجرد شك مبني على ارقام ماتخص بنتي واشخاص اصلا ماتعرفهم وانا ماقول كذا عشان بس ابرئها فعلا انا ظليت معاه لحد ما بينت له ان بنتي بريئه ولا قد خانته او عرفت حد غيره ،، قال خلاص مافيه مشكله،، رجع بعد كم ساعه ويحقق معاها ويقول لها يا تعترفين بالحقيقه او خلاص كل واحد يروح بطريقه،، انا ماتحملت رحت وخبرت امه وامه قالت كلام يبرررد القلب ولا كانت راضيه عن تصرف ولدها ابد وفزعت مع بنتي وصارت تحلف على اخلاقها وتربيتها ،، والحرمه راعية امراض وخفت تموت فيها وهي ماتستاهل الاذيه وربي لانها تخاف الله وتحب بنتي وتحبني بقوه، رجعت كلمته وقام يحلف انه خلاص بينسى الموضوع ويكمل زواجه،، ثاني يوم رجع اتصل وقام يسب عليها وخذيت انا التلفون منها وقام يسب علي انا بعد راحت بنتي خذت مني التلفون لما غلط فيني وقالت خلاص قفل وروح استخير وتعوذ من ابليس وقول لا اله الا الله وانا بعد بستخير وارجع كلمني وقفلت وراحت استخارت وقالت لي انا ماعاد ابيه الورقه اللي ل شوي يهددني فيها خل يرسلها ،، وفعلا اتصل وقالت له خلاص الوجه من الوجه ابيض وربي يستر عليك بستره ويرزقك اللي احسن مني ويرزقني انا بعد ولهنى خلاص ماعاد اقدر اتحمل ارسل ورقتي وطلقني،، قال ابشري وقفل ،، واتصلت على ام زوجها واعتذرت منها وهي تبكي وقالت لها سامحيني بس خلاص ماعاد اقدر والحرمه بغت تنجلط بس وش تقول ولدها فشلها بقوه وقالت ما اجبرك يابنتي هذي حياتك انتي ولازم تكونين مقتنعه تماما باللي راح يكون زوجك .. والله ياناس بعد ساعه حرق جوالي اتصال ورسايل ولما كلمته كان منهار ويصيح وجدا ندمان على اللي سواه ويعتذر ويقول انا اتصلت على شيخ وبراجع نفسي وبرقي نفسي وانتي بعد ارقيها احنا محسودين ومن هالكلام قلت الحين وش تبي قال ابي اكلمها وفعلا خليته يكلمها وصار يعتذر وطيرها بالكلام وطلب انها تسامحه وتعطيه فرصه وسااامحته وع اساس بيرسل لها المهر عشان تجهز واستانسنا ان ابليس ولا وراح وانهم بيكملون زواجهم ،، اليوم رجع اتصل وعقله مشقلب وبنتي الان تصيح تقول وش هالحظ اللي علي وفعلا قررت تنفصل وبتخليه يكلم ابوها لانها من الاول ماحبت ابوها يتدخل لان الموضوع جدا كبير وعارفه ان ابوها بينهي كل شي لا محاله وكانت حابه تعطيه فرصه لكن الان هي مفكره فعلا تنهي كل شي وابي منكم اجابه تريح قلبي ياناس شوروا علينا شلون ممكن نتصرف او نسوي والله خراب البيوت مو بالشي السهل ومادري كيف اتصرف وبنفس الوقت خايفه على بنتي وانتم عارفين الناس ماترحم واخاف بعدين تندم على قرارها اعطوني حل يريحني ويريح بنتي الله يوفقكم ويبارك فيكم وبانتظار ارائكم جميعا بوركتم .....

>>>>> ردود الأعضـــــــــــــــــــاء على الموضوع <<<<<
==================================


اللي يشك في بنت الناس بدون دليل ولا اساس هذا مريض
واحسن شي تنفصل عنه دامها ع البر
والله يرزقها اللي احسن منه مليون مره وهو الله يشفيه


__________________________________________________ __________

وعليكم السلام والرحمه والاكرام .. يا اختي حسستيني انه اخر رجل بالعالم !!! هذا انسان شكاك مريض بالشك واذا متأكده بنتج مو غلطانهوهو اللي قاعد يتحجج الله معاه خليهم من الان يتخذون قرار وينفصلون احسن ماتروح عنده وترجعلج بعد فتره وبرضو مطلقه طالما بعدهم على البر تتسمى فسخ ملكه لانه ما دخل عليها .. والله فعلا الطلاق مو شي سهل بس هم اللي قاعد يسويه مو شي سهل وحرام توها مخطوبه وفي بيت ابوها تعاني بالشكل هذا مع انسان مريض شك ،، خليها تسوي اللي يريحها احسن لا تندم بعدين والافضل خليها تستخير وتسوي اللي شايفه انه احسن لها ترى ماخلصوا الرجال يا غلاهم .. وربي يوفقها ويستر عليها امين ...


__________________________________________________ __________

والله يا اختي يعني كل شيء ممكن يتعالج الا الشك .. الشخص الشكاك فيه طبع وما راح يتغير ... واذا هو يشك من اشخاص ما تعرفهم كيف باللي راح تعرفهم بعد الزواج من اقارب واخوان ومعارف ...

من الافضل انها تنفصل الان قبل ما يصير زواج فعلي وبعدين تكعدين تندبين الحظ ويمكن تحبل والمشكلة تتعقد اكثر ...

والدليل انه يصير زين ويرجع ثاني ...

لو بنتي انا اسوي كذا ... ومو مشكلة يعني ورقة الطلاق ... ياما في ناس تطبقت وعندها اولاد وتزوجوا ... وهي لسة بنت ... يمكن يكون هذا الشي صعب في البداية لكن مع مرور الوقت .... كل شيء يسهل ...

ربي يوفقها ويخلصها من هذا الانسان المريض ...


__________________________________________________ __________

هي لسه على البر تنفصل الحين احسن من بعدين تتورط بعد الزواج .. وخلها تستخير .. الشك مرض صعب يتعالج منه هو لانه عايش براء ويشوف البنات كيف هناك لكذا شكاك وبيبقى كذا كل حياته لانه عاش برى .. واذا فيه خير لها ربي يتمم لها واذا في شر لها ربي يبعده عنها ..


__________________________________________________ __________

الله يهدي النفوس