عنوان الموضوع : فضفضة + مشكلة حياتي الطبيب يجيب
مقدم من طرف منتديات نساء الجزائر

فضفضة + مشكلة حياتي



السلام عليكم
ابغى اشتكي لكم عن مشكلتي
طبعا كم مرة فكرت اني انزل مشكلتي لكن دائما اتراجع لكن هالمرة قررت اني انزلها واتوكل على الله لان فعلا احس اني متضايقة و وحيدة
آعرفكم على نفسي عشان تحكمون علي انا الحمد لله جميلة و عمري 13 سنة متفوقة بدراستي ولله الحمد

طبعا ابغى احكي لكم مشكلتي بحياتي باختصار من اول ابتدائي الى اول متوسط

انا كنت باول ابتدائي شخصية محبوبة جدا كنت اجتماعية احب الضحك والسواليف كان الفصل كله صديقاتي وكنت مرحة فعلا لكن كنت اتعب كثير لان مناعتي ضعيفة وصرت اكثر غياب وهذي النقطة اللي خربت حياتي لاني بكذا صرت غير اجتماعية =(

ثاني ابتدائي كان الفصل هذا مو مرة اصدقائي كنت بعض الاحيان اطلع للفسحة لحالي و نظرات الفصل لي استغراب و انصدام ماكنت ادري ايش السالفة وكنت طفلة بريئة واعطي نفسي اعذار بريئة واقول [ يمكن هم يشوفون احد ثاني ] [ يمكن آنا اخطئت الظن اكيد كذا ] [ يمكن مايقصدوني ]

ثآلث آبتدآئي كآن فعلآ شي رآئع كنت متميزة ورجعت لتفآعلي معهم وثقتي بنفسي وآجتمآعيتي وكآنت الاستاذة تحبني طبعا مع مرور الايام كانو يبعدون عني واقربهم مني من جديد ويرجعون يحبوني واكثر لكن اخر شيء اكتشفت ليش هم يسوون كذا ...
تدرون ليش ؟
فيه بنت تغآر مني وكآنت تكرههم فيني وتقول اشياء غير عني وربي حتى انا سمعتها
وذاك اليوم كنا اخذنا درس علوم والاستاذة جابت مسبح لنا عشان نحس بالماء وكذا طبعا كانت بتسلينا بعد بس انا ما سبحت لاني كنت موسوسة بالنظافة >.<
تدرون ايش قآلت لهم ؟ قآلت آني ماسبحت معهم عشآن فيني قمل ؟؟
ما اقول الا حسبي الله ونعم الوكيل جتني اعز صديقة لي وقالت لي مع آنه مآ كآن فيني شوفو الكذب وين وصل اه بسسس وصآرو يكرهوني يوم عن يوم

رآبع آبتدآئي آسوء تجربة جتني في حياتي آلناس كلهم يكرهوني كنت ذابلة بشرتي بآهتة شعري يتساقط بشكل مو طبيعي كل الناس يسئلون [ فلآنة ليش كذآ آيش صآير لهآ ] وكنت آسكت بس وتخيلو رابع كله بحياتي نمت وانا مابكيت مرت علي فترة نفسية شديدة وكانت امي تهديني وابوي وهو نايم امي تقوله ويجي يهديني ماتصدقون كنت ابي الموت كنت خلاص بانتحر بس اذا تذكرت امي و ابوي اقعد اصيح بشكل مو طبيعي تخيلو طفلة وكذا
كآنو يكرهوني كثير وبنآت خآلتي بعد ما ادري ليش وآنآ برآبع بلغت طبعآ كانت تجربة صعبة علي لاني كنت صغيرة وكانت بنت خالتي تستخف فيني بعد وكنت ما اقدر ارد عليها باختصار صارت شخصيتي ضعيفة وبقوة افضل شيء صار لي بهذي السنة امي وابوي اللي فعلا قدرت احس بمحبتهم لي ووقوفهم معي

خآمس آبتدائي كنت ضعيفة آيضآ كانو يستهبلون فيني ويكتبون على دفاتري بس كنت اقاوم وارد لهم بس مو بقوة وكانت معي صديقة تعرفت عليها بخامس ماتصدقون كانو يحاولون يخلونها تكرهني كل شيء في الحياة قالو لهآ عني بآلرغم آن مآكآن فيني ولآ شيء ممآ قآلو مآ آقول آلآ حسبي الله ونعم الوكيل طبعا هي لما تعرفت علي شافت شي عكس مآقآلو تمآمآ صرنآ افضل صديقات بالمدرسة بجد كانت صديقة وفية ووقفت معي كانو يغارون من صداقتنا ودايم يحاولون يفرقون بيننآ طبعا كانت قوتي يوم عن يوم تزيد كآن هذآ كله بفضل الله ثم امي وابوي وصديقتي اللي وقفت معي طبعا كان الفصل هذا كله محآولة لآسترجآع قوتي

سآدس آبتدآئي هآلصف صرت أقوى وحدة ولله الحمد بفضل الله ثم امي وابوي ثم صديقتي الوفية آذآ احد قآلي شيء آرد عليه ومآسكت آبد وصرت آحب آلآهتمآم بنفسي آكثر من اي شيء صرت جميلة فعلا اظهرت نفسي طبعا بعد كذا صارو كلهم يحبوني واللي تغار مني كانت تحاول تهدمني بأي شكل كان بس ماكنت اسكت لهآ وصآر الكل يحترمني ويحبوني ومافي اي احد يقدر يغلط علي الكل رجع صار صديقي طبعا كانت عندي صديقة برابع ابتدائي مرة آنآ ويآهآ بس افترقنآ بسبب ظروف وآلحمد لله رجعت وصرنآ شلة مكونة من ثلآثي

آول متوسط بعد مآ آرتحت نقلنآ بيت جديد و [ مدرسة ] جديدة =(
طبعآ كل وحدة من صديقآتي رآحت لمدرسة ثآنية وكآنوآ يسألوني آمي وآبوي آذآ كنت ودي استمر بمدرستي القديمة ولا اروح الجديدة كنت ادعي ربي انه يكتب لي اللي فيه خيرة والحمد لله رحت لمدرسة اخرى صعب علي جدآ آني ماعرف احد طبعآ فيه كثير جدد بس كنت احس بالوحدة بس كنت واثقة من نفسي واللي يتكلم علي ارد عليه وبعد كذآ مآيقدر يقولي شيء وكنت آول آلآيآم آقعد لحآلي بس مع مرور آلآيآم تعرفت على بنآت وصرت آقعد معهم بس كل مآتعرف على آحد مآيصير من نوعي يصيرون مختلفين عني تمآمآ آلى آلآن مآلقيت آحد مثلي آحس آني وحيدة آحس آني كئيبة شوي ومضغوطة وبقوة خآصة مع آلآختبآرآت هآلآسآبيع صرت من جد مضغوطة آكثر و آكثر آحب آبكي عشآن آطلع آللي بقلبي ^.^
و بآلمدرسة هذي فيه وحدة تغآر مني وتحآول تضحك الفصل علي بس اخر شي تنتهي آلسآلفة بآلضحك عليها هي وتحآول آنهآ تستهبل علي بس دآيمآ آقلبهآ عليهآ بس فعلآ تعبت منهآ دآيم تسوي كذآ بس آذآ صرت امشي مع احد البنات تخآف وتهرب مآدري ليش آلحمد لله والشكر
آلبنآت كلهم يكرهونهآ ويقولون نفسية مآدري يمكن عشآني جديدة بتفرض شخصيتهآ علي قبل مآ آصير معهم وآسميهآ نفسية خآصة آن مكآني عندهآ بس لمآ بعدت عنهآ ورحت مكآن ثآني صآرت ماتجيني تخآف ؟؟ بس كذآ آريح بس ولو تحاول تلقآ آي فرصة تعبتني وربي

آلنآس كلهم تعبوني آحس مآفي آحد يوقف معي احس اني لحالي بآلعآلم هذآ خاصة مع الانتقال ما اعرف احد اتضآيق كثير رجآء ريحوني و وآسوني =(

آلكل يشوفني من آلخآرج قوية لكن آنآ من آلدآخل حسآسة كأي فتآة >.<

طبعآ كلمة اخيرة مآ آبغآ تجي وحدة تقولي آنتي كذآبة و مآدري آيش دآيم آذآ كتبت كذآ وقلت عمري 13 يقولون لآتكذبين عمرك 18 ليش مآدري رجآء لآ آحد يجي يسوي كذآ آللي فيني مكفيني =(

>>>>> ردود الأعضـــــــــــــــــــاء على الموضوع <<<<<
==================================


يعني انتي الان بصف سادس ؟

!
حاسسة ان عمرك 18 !
هههههههههههههه
امزح ي حلوة
موفقة


__________________________________________________ __________

مشاء الله تبارك الله كتاباتك وسردك وعقليتك توحي بأنك إبنة 20 ربيعا
ربي يوفقك ويسعدك


__________________________________________________ __________

اقسم بالله نفس مشكلتي ..

نفسي اتواصل معاكي عشان احكيكي وتحكيني اذا تبغي


__________________________________________________ __________

Uuuuuuuuup


__________________________________________________ __________

مع اني ماقريت كل المششكله اللون ما يسساعد......!!

المهم بس اغلب الي مريتي فيه صار لي ولا آثار فيني اهتمي بدراسستك وماعليك من احد ترا مايقهرون الا نفسسهم ....

موفقه حبي