عنوان الموضوع : والله اني جالسه اموت من داخل مجابة
مقدم من طرف منتديات نساء الجزائر

والله اني جالسه اموت من داخل



بسم الله الرحمن الرحيم
السلام عليكم ورحمة الله وبركاته

مشكلتي هي
أنا عمره 21سنه و عندي خوات اكبر مني وحده متزوجه وثنتين مخطوبات
وا وحده اصغر مني
قبل سنه قبل لا ينخطبن ويتزوجن خواتي جا واحد بيخطبني و ارسل امه و أخته
علشان يشوفني لأن مرت ابوي مدحتني لهم
ويوم جا طلعت انا و ختي الكبيره
ويوم شافوني رفضوني يقولون اني موب حلوه و كانو بيخطبون اختي الكبيره بس طلعت اكبر من ولدهم و أخذو اختي الوسطى وتزوجت
و بعدين جت حرمه و شافتنا و خطبت اختي الثانيه بالكبر و نفس الشي قالت اني انا موب حلو
و ذلحين جا رجال عمره 47سنه و يوم اخته شافتني نفس الكلام قالته قالت اني موب حلوه و خطبو اختي الكبيره
وربي نفسيتي صارت عدم مع العلم اني والله موب ناقصني شي بس في تقدم بأسناني ومركبه تقويم وذلحين تعدلن و عيوني كبار وحنطيه و طولي وجسمي مناسبين و تعاملي مع الناس بحدود اخلاقي وماتربيت عليه
و عمري صغير بس ما ادري إذا فيني شي مني عارفته
وذاك اليوم بعرس اخوي كل الحريم يأشرن على اختي الي اصغر مني و في بعض الحريم كلمن امي علشان يبونها لعيالهن
و انا لسى محد تكلم عني وكل الي تقدمو لي مارجعوا
ادري بتقولون نصيب و الله عارفه
بس ليه الناس ماتقدر شعوري يوم يكونون مايبوني لعيالهم

وربي تعبت وكل ما اسمع احد يقولي الله يرزقك وتزوجين احس اني ابي ابكي
ليه الكل يحسني بليده ما احس
و الله اني ساكته واحس اني ابي انفجر
بعمري ما فكرت اني بقول لحد إلا بعد ما صارت الي اصغر مني تنخطب ماسبق و اني بحت بمثل هالموضوع لأحد ولا فكرت احسس احد ان مثل الكلام الي ينقال يهمني
بس و الله والله اني جالسه اموت من داخل


>>>>> ردود الأعضـــــــــــــــــــاء على الموضوع <<<<<
==================================


خلي عقلك اككبر من كذا هذولا ناس جهله ماتقدر شعور الناس انتي حلوة وامورة
وانا برضو وقسم بالله حصلي مثل كذا مرة من المرات ايام العيد تخيلي قلت بدق على عمتي اعييد عليها
المهم دقيت قلت سلام وردت علي قلت كيفك قالت تمام بعدين تخيلي قالت ميين
قلت لهافلانه. معقوله ماعرفتيني .. سمعتها تكلم اختها الي هي عمتي الثانيه وتقولها
الشكل ووين والصوت وين قصدها صوتي احلى من شكلي

وقتها بكيت وندمت وتووبت ماعاد ادق عليها ..

انتي طفشي وكل شئ وكلي امرك لله ربي كاتب نصيبك من انتي ببطن الماما
طنشيهم تري الله يأخذ ويعطى ممكن فاقدين اشياء ربي عطكي هيا
لاتتحطمممين والله حاسه فيك لاني مريت بموقفك اهتمي ببشرتك وجسمك
سوي خلطات اهتمي بنفسك تري الاهتمام له دوور ف الجمال مو بس الشكل
انتي حلووة حلوووة وقمر اعطي نفسك محفزات ايجابيه طلي بالمراية قولي انا حلوة
ينعكس على نفسيتك ..لاتعطي لاحد مجال يحطمممك خليكي قووية وطنشي اذا فضلتتي كذا تتعبي اككثر واككثر

انا ياما اكلت كلام كذا ومن اهلي كمان واممممي خاصة بس اطنش واقول كل شئ بيد الله وكل شئ ربي كاتبه لي وكل شئ ربي مقدرة لي اكيد خيير
خلي اممملك بالله كبير وطنشي الناس هذولا لاتعبي نفسك عشانهم تري محد يستاهل

اهم شئ الثقه بالله
ولاتهتتتمي وتعبي حالك

ومعليش عالاطاله


__________________________________________________ __________

وعليكم السلام ورحمة الله وبركاته
ياعمري انت .. هذا الكلام اللي يقولوه الخطابه عنك انك مو حلوه هو مجرد سبب .. مو كلامهم اللي مانع نصيبك .. وانما ربنا الى الان ما أمر .. يوم يجي نصيبك راح يشوفوك اجمل بنات الكون .. مو مشكله باسنانك ولا طولك ولا عرضك .. بس هم الناس الله يسلمهم قليلين ذوق .. يعني مو المفروض يقولون انك مو حلوه .. المفروض يختارون ملافظهم ..
وايضا اشوف خطأ صغير من اهلك
يوم يجون ناس يريدون يخطبون المفروض تطلع وحده منكم بس .. ويشوفوها .. يعني اذا انت مرشحه للخطبه المفروض مايشوفون اي وحده من اخواتك الاخريات..
انت بس ادعي ربنا واستغفري والباقي على ربنا

ربي يسعدك ويبعثلك نصيبك اللي يسعدك ويهنيك

تحياتييييييييي


__________________________________________________ __________

ياقلبي فاهمه شعورك وقولك شي حطيه خرص بإذن اقسم بلله الزواج مو بلحلى الزوج قدر مكتوب عند الله فلان لفلانه بيوم كذا يتزوجون ادري خاطرك مكسور بس الحياه منتهت والعمر قدامك ولسا صغيره ، أقلك شي صحبتي نفس قصتك وربي عوضها قبل فتره بشاب طيب احسن من ازواج أخواتها كلهم ومشاء الله طيب ويموت فيها لاتستعجلي نصيبك مجاء اهم شي اقري ع نفسك الاذكار وجتنبي الذنوب والأغاني وصلاتك لا تاخريها لجل لا يتاخر رزقك وعليك بصلاه ودعاء وحطي كم من بنات وربي مو حلوات ابد وربي رزقهم الزوج لا تعقدي نفسك وانتي لسا صغيره وش تقولي ع الي وصلت 35 و40 وراضيات ، الله يزوجك الرجل الطيب ويسعدك **


__________________________________________________ __________

يارووحي انتي ناس تافهه ان شاء الله ربي يكتبلك زوج كل وحده تتمنه بس انتي
لاتحطمين رووحك انسى الموضوع وربي صرفه عنك ويارب يرزقك بالي احسن وافضل منه
الي يحبك ويصونك ويرزك ويعزك

لاتهتمي لكلامهم طنشي عشان راحتك عشان نفسيتك
استانسي لسى العمر قداممك والزواج لاحقه عليه

اهتمي بنفسك وبمستقبلك الدراسي اتركي سالفه الزواج والشكل والكلام الفاضي الي لايودي ولا يجيب
كل شئ بأمر الله دام ربك بجنبك وبقربك لاتخافي من اي شئ بحياتك

كل ماتقلقي او شئ بس قولي اللهم اني وكلت اممري اليك
وارتاحي بأذن الله ربي يككون معك لايحطمونك ناس تافهين

انتي مثل القمر اككيد في ناس والله اعرفهم والله انهم مو حلوات من جد
ورازواجهم يمموتون عليهم ومايشوفون بالدنيا غيرهم ماشاء الله
وهذا دليل ع ان الشكل مو شئئ اساسي للزواج

اني خلي ثقتك بنفسك كبييرة
ربي صرفهم عنك عشان يرزقك بالي افضل منه بأذن الرحممن

فدييت روحك ياعسووله


__________________________________________________ __________

هوني عليك ليش شايله كل هدا الهم لسه نصيبك ماجا وممكن احسن من كل اللي تقدموا ليك قبل وسنك لسه صغيرة خليك تتعلمين الدنيا كيف قصة انك مو حلوة مو صحيحة لان الجمال مو معيار كل بنت جميله بشي ممكن انتي احلى من اخواتك بس هم نصيبهم يتزوجون قبلك مو نهاية العالم خليك طبيعية ومتفائلة وان شاء الله تفرحين وتستانسين