عنوان الموضوع : ازواج اخواتي ... والحل يعني ؟!! -تم الاجابة
مقدم من طرف منتديات نساء الجزائر

ازواج اخواتي ... والحل يعني ؟!!



السلام عليكم .. ارجو من الاداره ان تنزل موضوعي لاهميه القصوى
اول شي انا عندي اثنين من اخواتي متزوجات وحده منهم اكبر مني والثانيه اصغر مني.. اختي الكبيره متزوجه من ولد عمي اخلاقه زفت والصلاه ما يركعها وللمعلوميه عسكري ومعاملتو مع اختي مرره زفت والي صبر اختي عليه بنتها وهو بعد كل مشكله يندم ويجي يبكي عندها معنو ضربها وهانها وكمان صابره لانو في بنات بعدها ماتزوجو وعايلتنا كثر فيها حالات الطلاق بعد الزواج بسنه اوسنتين وهي مامضى على زواجها الا 3 سنوات مع انها ليل نهار تدعي عليه تقول لو اجلس ارمله احس لي من العيش معاه ..طيب .. زوج اختي الثانيه توهم متزوجين مالهم اسبوعين عايلة الولد مررررره طيبين ومطاوعه اهم شي عندهم الدين اما الولد
مو مطوع زي اهلو بس يصلي واخلاقه تمام ومرررره رجال بمعنى الكلمه واهم شي مره يحترم امي ويقدرها بعكس زوح اختي الكبيره مايطيق امي وللمعلوميه هو كمان عسكري ...طيب .. المشكله ايش لما زارتنا اختي الصغيره مع زوجها سوينا عشا وعزمنا اختي الكبيره مع زوجها بعد العشا عزم زوج اختي الكبيره زوج اختي الصغيره لاستراحه هو دايم يروح لها وصارت علاقتهم تمام ويكلموا بعض بالدقيقه وصار زوج اختي الكبيره يشوش زوج اختي الصغيره ويقول عن مشاكل صارت في عايلتنا .. انا ابوي متزوج حرمتين امي الاولى والثانيه بنت عمه وامي مصريه تخيلوا يقول له عن المشاكل الي كانت تصير بين حرمه ابوي وبين اختي .. وصار زوج اختي يسئلها ليه عمي اتزوج على امك مع انو امك طيبه ؟!! وتغير الرجال 180 درجه وتغيرت معاملتو مع اختي وكل مايكلم زوج اختي الكبيره يروح عند اختي الصغيره ويسئلها ليه كذا وليه صار كذا ؟! والصلاه صار مايصليها ! وحالو انعدم وحتى ام الولد قالت لاختي وزوجها فين الصلوات تدقها على انو زوجها صار ما يصلي بعد الزواج ومعاملته مع اختي اتغيرت .. واختي الصغيره اشوي وتبكي زوجها اتغير وما تعرف كيف اترجعه زي ماكان وتبعدو عن زوج اختي الكبيره ؟؟!
معليش عارفه طولت عليكم بس والله اختي حايسه ومو عارفه ايش تسوي بزوجها وكيف اترجعه وتبعده عن زوج اختي الصغيره ؟!!!!!!
الله يسعدكم نزلوا موضوعي وخبروني كيف تسوي وايش الحل ؟!!

>>>>> ردود الأعضـــــــــــــــــــاء على الموضوع <<<<<
==================================


الله يهديهم


__________________________________________________ __________

و الله لو كنت مكان اختك الكبيرة ما اقعد معاه ولا يووووم
لا ع شان بنتها ولا ع شان القرابة
الله هو الرزاق يمكن يرزقها بانسسان قمة في الاخلااااق و التعامل و الدين
بسس الله يعينه
اختك الصغيرة سهل امرها يا رب لان قلبه حتى لو فيه قلبه شوية قسسوة يلينها بالقرااااان
تقعد معاه و تحكيه و تذكرهه عن الصلااااة و ان الى صااار مع امك خصوصية ما لزوج اختك حق يقوله له و ان سالها مرة ثانية تقول له ان هاي اسرار عائلتي ما اقدر اقولها حتى لزوجي متل ما اسرار بيتي ما اقولها لاهلي
او خليها تقول له ان يآم فيها حلول كثيرة و ان ما نفعت تهدده بالطلااااق و الله حزينة عليه


__________________________________________________ __________

الله يعينها ويصبرها على مابلاها


__________________________________________________ __________

لا حول ولا قوة الا بالله

الله يهدى لكم الحال

بس اعتقد انه حال مؤقت وكلها ايام ويعرف زوج اختك الصغرى ان عديله غير محترم وغير ادمى

ومن راىء انه لما يجى زوج اختك الصغرى يقول لزوجتهليه كذا وليه كذا ؟؟

تقول قدر الله علينا ... وبعدين هل شوفت منناشىء سىء او خلق بغيض ؟؟

طالما ابوى تزوج بالحلال ولا فيها شىء وطالما احنا متربيات وما قصروا اهلنا فى تربيتانا ولا مصاريف جهازنا ولما نزورهم يضايفونا احسن ضيافة ويعاملوك كابنهم

خلاص مالنا شىء فيهم غير كدا وربنا يقدرنا نطيع الله فيهم و نبرهم


موفقة حبيبتى والله يرزقك الزوج الصالح ويهدى ازواج اخواتك


__________________________________________________ __________

خلي ابوكي يكلم زوح اختك الصغيرة
اكيد اذا الرجال طيب وولد ناس بيرجع لاصله

واختك الكبيرة لازم تفكر وتختار حل لحياتها
اذا من3سنين تعبانة كدا. كيف حتقدر تكمل باقي عمرها
نصيحه اذا بنتها بحضنتها تسحب بنتها وتخرج