عنوان الموضوع : المنطقة بعد الولادة كسيفة -لصحتك
مقدم من طرف منتديات نساء الجزائر

المنطقة بعد الولادة كسيفة



السالم عليكم ورحمة الله

ندخل بصلب الموضوع
قبل الولادة كنت اشيل الشعر من المنطقة الحساسة بالشيرة او المكينة شلع مو حلاقة واذا عل مستعجل كلش فبالموس قليل ما جنت استخدمة ومجان عندي اي مشاكل
لكن بعد الولادة طلعت عندي مشكلة الله لايشوفها لاحد
وشوية الموضوع مزعج هواي هواي مزعج بس ما دعرف شنو الحل ولهذ سألت هنا
لمن اشيل الشعر بعد اسبوعين تطلع حبة ومخزنة خراج وتكبر لحد ما تصير بكد عقلة الاصبع او مرات اصغر وراها تنفجر
وخلال هذه الفترة ما اكدر المسها اذا اكعد تموت من الوجع صراحة جبت طبيعي هذا وجعها اكثر ومؤلم صلاتي صعبة وعنايتي لطفلتي اصعب بالقوة احرك نفسي واغير ها حفاظاتها وابجي من الوجع
رحت للدكتورة سالتني اذا شلت شعر بالموس كتلها لا ونسيت اني قبل اسبوعين لانه هي الحالة انتبهت عليها ورة اسبوعين تصير عندي يجي عشر مرات رحت للدكتورة قلتلي مناعتج نظافة بالمنطقة تعقيم اني اصلا جنت دائما اسويها بعد ما اشيل الشعر استخدم ماء وملح للتعقيم وقطني البس ومرات اغيره مرتين باليوم بالعكس ناحية النظافة معتنية بيها انشف بعد الدخول للحمام بالنسبة للمناعة انطتني حبوب علمود احسنها والصراحة التزمت اول شهرين بس التزاماتي وية العائلة متخليني احك شعر راسي وهو تقصير مني اعترف
المهم كل الطرق جربتها اذتني حتة اشيل الشعر
ونهاية قررت اشيلة بمكينة حلاقة تشبه عمل الرجالي وهذا الشي لمن استخدمته الحمد لله بعد ماطلعت لكن اني اضوج منها لانه ثاني يوم يخشن ويطلع الشعر يعني مال يومية استخدمة فشنو الحلول اني ما شوف حلو انه اكو شعر بهذه المنطقة بس الظروف خلتها هيج

هذا سؤالي الاول
والثاني هو لمن اشتغل واتعب تصير اكو افرازات صفراء مهبيلة فاتحة عادي هذا الشي لو مو صحي وصرت من هذي السالفة استخدم دائما كلينس هذا النشاف الي يستخدم بالمطبخ حتة لايسرب ولايوصخ الملابس الداخلية

وشكرا على الاجابة

>>>>> ردود الأعضـــــــــــــــــــاء على الموضوع <<<<<
==================================


ان شااء الله يجاوبوك صاحبات الخبرة


__________________________________________________ __________

الله يساعدج يعني عبالي اساعدج لكن انتي استنفذتي كل الوسائل عندي اني مشكلة اسمرار المنطقة بعد الولادة ما اعرف هاي الها حل لو لا


__________________________________________________ __________

انتي طيب استني لحتى يروحو كلهم وجربي تشيليه بالحلاوه او الشيره وشوفي بترجع ولا لا
ايوا
في شي اسمه المر كانت امي بتستخدمه على طول بعد الولاده يعني تنقعه بمويه ولما تغسل تنظف بمويه عاديه وبعدين تغسل منه هو معقم ومطهر
جربي تستخدميه يمكن يشيلها
لانه حتى انا بستخدمه لما بيطلع فيه حبووب بحط منه بحسه يسحب كل الي فيها وتختفي باسرع وقت
والله يوفقك


__________________________________________________ __________

حبيبتي ودي انصحك بس ما عندي خبرة الله يخليك تسامحيني ونشاء الله تلقي الحل لمشكلتك


__________________________________________________ __________

انتهبي تستعملي المناديل اللي تقولين عليها ممكن تدخل الى الرحم قطع صغييييييييره الى ان تصبح كتله مؤذيه لذلك فيه بالصيدليه فوط الاستعمال اليومي تجي رقيقه جدا يعني نش سميكه مثل فوط الدوره واستعملي غسول للمنطقه وحاولي تتركينها تتهوى بدون ماتلبسين شي واتوقع ما جبت جديد بالنسبه للحبه مالك الأ الدكتوره