عنوان الموضوع : خطيبي مايحترمني ..!!! وش الحل ..؟؟؟ -تم الاجابة
مقدم من طرف منتديات نساء الجزائر

خطيبي مايحترمني ..!!! وش الحل ..؟؟؟



السلام عليكم


اشكر هذا الصرح الشامخ على الفضفضه المجهوله

وعسى دوم يارب في تالق اكثر واكثر


ببدأ مشكلتي

من خطيبي ,, انا خطيبي مايحترمني ..
يحب يزعلني ويكسر خاطري ..

ليلة الملكه كانت اول مره يشوفني و زعل مني لاني رحت لصالون ( لكوافيره يعني ) وهو يقول زوجتي ماابغاها تروح صالونات وكوافيرات

بعدين طنشني شهر تقريبا ماكلمني ولا عبرني كسر قلبي بين اهلي .!!!!!!

وبعدين لما زارني قال ان فرحنا بيكون في بيت اهلي وعائلي جدا لانه سبق وتزوج وخسر في زواجته الاولى
قلت انا مالي ذنب في زواجتك انا ماسبق وتزوجت وابغى فرح كبير فيه كل اهلي وصاحباتي
و زعل ..!!!!

وطبعا بيت الزوجيه رفضانه يغير الاثاث .. فقلت اوك لكن غرفة النوم ودي انها تتغير يعني ما احب ادخل على غرفه دخلتها وحده قبلي ..!!
ورفض .!!!!

مهري ...............!! يقول مابيدفعه كله وهو اساسا قليل جدا ... !!!!
وبصراحه استحيت اناقشه في موضوع المهر لاني ما احب اتكلم فالفلوس ..!!!
فقلت انا اهلي بيساعدوني واذا نقص عليه شي بيكملون

فستاني الابيض ........... تخيلو يقول خذيه اجار ؟؟؟؟؟؟؟؟؟؟؟
انا افكر من قبل ما اتزوج بسنين كيف بفصله وكيف بيكون
وهو يتدخل حتى في فستاني !!!!!!!!!!!!!!!!!!!!!

السوق والخروج عموما يرفضه رفضا باتا ... يقول خلصي امورك ودبشك بسرعه مو كل يوم تنزلين السوق .... !!!!

تخيلو يزعل اذا خرجت مشوار لازم اعطيه خبر برساله او اتصال ومع مين بروح ومع مين برجع ؟؟؟؟؟
طب انا للحين في بيت اهلي ماجيت عندك ..!!!!

ومواقف كثير صارت بيننا تطلع الشيب فالراس وانا ماتزوجته باقي ..
اجل كيف لو اتزوجه ؟؟؟؟؟؟؟؟؟؟؟!!!!!!!!!!!!

والله انا احس انه معقد جدا وغيور وشكاك لدرجه مو طبيعيه
يعني لو كان يحترمني وويحبني كان قال احس اني اول مره اتزوج وبسوي حفل وفرح كبير واغير لك اثاث البيت كله وابغى حياة جديده و و و و و لكن للاسف جرحني وكسرني وقهرني

وش رايكم ...........!!!!!
انا افكر بالانفصال .. لسا احنا عالبر ومجرد عقد نفسخه وننتهي ؟؟؟؟؟؟؟

>>>>> ردود الأعضـــــــــــــــــــاء على الموضوع <<<<<
==================================


والله أنا أشوف الرجال إذا تزوج وطلق بسرعه ما يغير أثاث البيت لانه توه جديد بصراحه
ف ماله دااعي
وع مهرك خلي ابوك يكلمه ويدفع الباقي لان بعد كذا ما رح يكمله لك
وع مشاويرك للسوق هذا حقك بصراحه لان منتي رايحه السوق للعب والانسان مستحيل يخلص
التسوق في يوم واحد
وع فستانك والله إذا عندك حق الفستان سويه انتي بفلوسك اذا تبين جديد ومن تفصيلك ولا تنتظرينه
يدفع لك
والله يوفقك


__________________________________________________ __________

الله يكون في عونك لازم تتكلمي معاه في كل النقط دي ولو مكنش فيه تفاهم لازم الاهل يتدخلوا ولو انتي مش بتحبيه اوي يبقي مش هتستحمليه بعد كده ويبقي الانفصال اصلح شئ عشان متندميش بعد كده ولو بتحبيه استحمليه وربنا يوفقك


__________________________________________________ __________

الله يعيتك بتتعبين معه ذا معقققد

انا اقول تنفصلين عنه او استخيري ششوفي بترتاحين والا واذا مارتحتي انفصلي عنه والله يرزقك غيييره

واتوقع انه له مششاكل مع طليقته او انها خانته الله واعلم .... واثر ع نفسيته وعموما الله يوفقك ويسهل امرك


__________________________________________________ __________

الله يكتب اللي فيه الخير
امييييييين


__________________________________________________ __________

والله يااختي اتمنالك الخير من كل قلبي
اذاهذي اولها اجل ينعاف تاليها
ومن حقك غرفه النوم عالاقل تتغير لو مكانك بطلب نفس الشي
ومهرك من حقك شنو يعني مايدفعه كله والفرح والفستان كله من حقك

والله اذا بتتنازلي من الحين عن كل شي بتظلي طول عمرك تتنازلي عن كل رغباتك
استخيري واتوكلي على الله هدا ماينعاش معاه
احسن ماترجعي لأهلك لاسمح الله واتني مطلقه الله يكتبلك الي فيه الخير يارب

""لا اله الا انت سبحانك اني كنت من الظالمين""