محتاره مادري اللي سويته صح اوغلط الطبيب يجيب

[aksachli]

عنوان الموضوع : محتاره مادري اللي سويته صح اوغلط الطبيب يجيب
مقدم من طرف منتديات نساء الجزائر

محتاره مادري اللي سويته صح اوغلط



بدخل بالموضوع على طول الله يسلمكم المشكله صارت امس وللحين زعلانه بقولكم المشكله ادري يمكن تقولون تافه بس ابي اقولها وشوفو مين الغلط انا ولا زوجي المشكله هي كنت جالسه افطر بعد المغرب وجا زوجي ومسك جوالي وقعد يفتش فيه لين قال بس هذي عوايده وانا مازعل وبعدين قالي احلفي انك ماتكلمين شباب وتخربطين انا نزلت الملعقه من يدي وقعدت ابقق فيه وبعدين قلتله لامابحلف واحسن لي ولك سكر على الموضوع قبل ماازعل قام والغا الرقم السري حق النت وانا ماعرفه عشان الوتساب انا طنشت ورحت جلست على الكنب وجلست اقرا مجله وبعدين قالي تبغين افتح لك النت قلت لامشكور انا اعرفه وبعدين مسكت جوالي وقعدت افكر وشهو الرقم وبعدين قالي هاتي الجوال بسرعه ولاتلمسينه انا كنت على الاسماء ورجعته على القائمه وعطيته هو قالي وين كنتي قلت له كنت على الاسماء ووريته الاسم للحين انا مازعلت وبعدين قالي انتي كذابه وملعونة ومدري ايش انا عصبت قمت خذت جواله وقلت والله لاكسره وش سويت انا عشان الفلم هذا كله قام هو واخذه مني وانا رحت طلعت حرتي على اللابتوب وهو بس يطالع وبعدين سكتت ورحت المطبخ وقاعده اشتغل وانا معصبه جا هو وقال ابي جوالك قلت مااااافي قعد يزن على راسي قلت بعطيك بس مره ثانيه اذا عندك دليل علي شي تعال تكلم وقتها اما اللحين مالك حق ورحت بعطيه هو عشان يبي يشوف اذا عرفت الرقم ولا لا جيت بعطيه قال انا عارف حركاتك عارفته بس ماتبيني اعرف وقعد يقرقر انا هنا عصبت خذيت الجوال ورميته عند رجوله وهو جالس وقلت شوف هذا الجوال فتش واذا خلصت علمني هو حط الجوال عنده وقعد يكلم بالتلفون وبعدين انا رحت اكمل شغلي بالمطبخ وجالسه ابكي هو يوم شافني ابكي يقول انتي باقي بزر ومنتي حرمه ومدري ايش وانا دموعي اربع باربع وبعدين انا قفلت المطبخ وجلست فيه ومن ذالك الوقت للحين ماكلمته هو جا اليوم يحاول يصفي الجو انا ماعطيته مجال وناسي اللي صار امس يبيني ارجع ارضى من نفسي وانا مصممه اعطيه درس اللحين هو راح عند زميله بمنطقه قريبه وعارف اني زعلانه بس هو مااعتذر مني وهو شكاك واذا قلت له ليش تشك فيني يقول انا احبك واغار عليك ومابي يسير لك شي اقوله هذا شك مو غيره بليز ساعدوني وش اسوي مدري اسامحه ولا اجلس زعلانه ولا شنو

>>>>> ردود الأعضـــــــــــــــــــاء على الموضوع <<<<<
==================================

انهي الشك الي بداخله لان هاذا شك مو غيره ولاسمح الله يكبر هالشك مع الايام .. اقرائي القران والتزمي بالصلاه والاستغفار واكثري من الدعاء بصلاتك ان ربي يهديه لك ويسعدكم ويزيل الشك من قلبه .. وربي يسعدك ويوفقك بحياتك

__________________________________________________ __________

بس كتير شكاك وانتي ضلك هيك زعلانه وما ترضى بسرعه ادللي خلي يتعلم

__________________________________________________ __________

اعوووووووووووووذ من اشكال هذا الشكاك الموسوس المريض
وربي يشفيه ويكفيه شرك
عليك بالدعاااء

__________________________________________________ __________

شوفي موضوع الشك ما ينسكت عنه
والرجل الشكاك من اسوأ انواع الرجال اللي ممكن تتعاملي معها
ما تدري بكرة عقله شو يصورله انك مسوية وممكن لا سمح الله يؤدي لفضيحة
عشان هيك
خذي موقف صارم وحازم
وازعلي زعلة قوية اوك؟


بالتوفيق

__________________________________________________ __________

المشاركة الأصلية كتبت بواسطة غريبة فكر (العنود) شوفي موضوع الشك ما ينسكت عنه والرجل الشكاك من اسوأ انواع الرجال اللي ممكن تتعاملي معها ما تدري بكرة عقله شو يصورله انك مسوية وممكن لا سمح الله يؤدي لفضيحة عشان هيك خذي موقف صارم وحازم وازعلي زعلة قوية اوك؟ بالتوفيق