عنوان الموضوع : مشكلتي امي وخوفي من الله -لصحتك
مقدم من طرف منتديات نساء الجزائر

مشكلتي امي وخوفي من الله



السلام عليكم ورحمه الله

اسعد الله اوقاتكم بكل خير

باختصار مشكلتي من لما كنت صغيره

طبعا انا لي عدد من الاخوه والاخوات لكن عمري ماحسيت اني مثلهم من حيث قربهم لامي وابوي كان عندي احساس اني غريبه مب بنتهم طبعا ولابعمري حظنت امي ولاهي بادلتني بيننا حاجز كبير ممكن انا كنت انطوائيه ازودمن الازم وكنت ابدا ماتكلم قدام الكبار سوا امي ابوي او غيرهم مادري وين كانت المشكله مرت الايام وكبرت وصرت اجمل واعقل بنت في بيت ابوي طبعا تقدموا لي كثير ومن ضمنهم عيال عمي وبعض اقارب امي وانا كنت راضيه بيني وبين نفسي لكن امي كانت تعارض بشده وكنت كل مره اشيل بقلبي عليها تخيلو لاكانت تعاملني زين ولا خلتني اتزوج حتى الدراسه ماكنت اقدر اكملها بسبب الحروب ايام التسعينات كنت مراهقه وشخصيتي كانت لاتخلو من العلل
المهم اصبحت بعمر 16 عام وسبحان الله شكلي كان يوحي اني اكبر
لما وصلت لهالعمر شخصيتي بدت تتغير للاسوء اصبحت عنيده واعصب بسرعه وكله حاسه بقهر وكنت لما اسمع كلمه من شخص بسرعه اتعلق واجلس افكر فيه وللعلم اهلي ناس محافظين حيل لكن انا لا تمردت على نفسي وعلى اهلي وتعرفت علئ شاب وعدني بالزواج ونصب علي الحمدلله ماصار بيننا شي كبير واكيد بدون علم الاهل
بعدها بالصدفه شفت رجال كان بالاربعين من العمر ماغير يناظرني كان معجب بس انا ابدا مافكرت بشي اتجاهه لجل فارق العمر وماكنا ادري ايش يبي مني كل يوم كنت اشوفه بطريقي لما اروح للمدرسه
الين دخل قلبي وحبيته هو ماصدق اني اعجبت فيه على طول تقدم لي وخطبنيً وطبعا كالعاده اهلي رفضوا هالمره السبب انه كبير ومطلق
لكن انا اصريت على موقفي كنت احبه بجنون مب مهم العمر ولا انه متزوج ومطلق عاندت اهلي وتزوجته وابتدت مشاكلي من اول يوم اكتشفت انه مدمن وانسان مريض موب اللي شفته وحبيته وقلت ماعليه يابنت اصبري اهم شي خلصتي من بيت اهلك وتعنت امك وفعلا صبرت وتغير زوجي للافضل ولو بشي بسيط ورزقني الله بعيال وفارقت اهلي سنوات طويله ومات ابوي وانا بعيده عنه وبعدها بكم شهر امي ماتت
طبعا ابوي ذبحت عمري عليه كان غااالي حيل وامي لما ماتت تاثرت بس مب كثير كاني ماهتميت
كثير احس اني ماحبها حتى لما ادعي اتذكر ابوي اكثر وكله اذكر الشي اللي ضايقتني منه واحرمتني وهي سبب اني اتزوج هالرجال واخلص عمري بقهر حرمتني من عيال عمي اقلها كنت ماتغربت لو هي مارفضتهم
انا خايفه اني اتعاقب بعيالي بسببها والصراحه ماكنت اقولها اللي شايلته بقلبي ابد يعني هي ماتدري اني ماعتبرها امي
تخيلوا لوشفت حرمه كبيره مع بنتها والله قلبي يوجعني اتذكر قسوتها وانها تفرق بيني وبين اخواتي مره وحده كنت معصبه وعاتبتها على كل اللي كان جلست تبكي ماردت على بكلمه للحين اتذكر دموعها وانكسارها يوم سمعت الكلام مني
قبل فتره رحت لمكه واعتمرت لها وادعيلها حتى لو مااحس بشي اتجاه ذكراها
مشكلتي الحين خايفه لاتجيني عقوبه من الله مهما يكون هي امي
على العمووم هذي مشكلتي واسفه على الاطاله

>>>>> ردود الأعضـــــــــــــــــــاء على الموضوع <<<<<
==================================


ماادري حبيبيتي ايش اقولك غير الله يرحم والديك
وربي يغفرلك وان شاءالله تكون راضيه عنك


__________________________________________________ __________

الله يرحمها ويغفر لها

تصدقي عنها ودايم إدعي لها

هي محتاجه للدعاء بكل وقت لاتنسين إنها أمك

ومهما سوت ماتطلعين من جزاها الله يرحمها

خلي نيتك صافيه إتجاها هي مو موجوده معك ألحين

الله يغفر لك اختي


__________________________________________________ __________

حبيبتي كفري عن الاشياء اللي صارت لك
بالدعاء والصدقه لها مثل ماقلتي هاذي امك جنتك ونارك
وهي يمكن ماكانت قاسيه كثر ماكانتي انتي حساسه وشايله بقلبك
والله يحفظ لك عيالك ويهديهم لك

الله يرحم والديك وجميع موتى المسلمين


__________________________________________________ __________

الله يرحم والديك
وربي يغفرلك وان شاءالله تكون راضيه عنك


__________________________________________________ __________

الله يهديكم لاتفكري بالزواج الان وانتبهي لنفسك وامك وصحتها وارضي امك