عنوان الموضوع : قصة زوجي وبنت اخته الي حرقت قلبي الطبيب يجيب
مقدم من طرف منتديات نساء الجزائر

قصة زوجي وبنت اخته الي حرقت قلبي



السلام عليكم...
ارجوكم اًجوووكم كل اللي تقرون الموضوع تساعدوني في مشكلتي
السالفه ومافيها اني متزوجه لي 6شهووور وبداية القصه كانت من ثاني شهر بزواجي اكتشفت ان زوجي يراسل بنت اخته ويكلمهابدون ماادري ومواي رسايل يعني بنت اخته ويعتبرخالها وعادي مافيه مشكله بس المشكله ان الكلام اللي بينهم حياتي وقلبي وروحي واشتقتلك ويناديهاباسم دلع ويقول لها حياتي وينك محتاجكوالله العظيم ع مااقول شهيد وانا كنت من اول اشوف ان عليه حركات زي انه جواله الثاني ف السياره مايجيبه البيت ومره كنت جالسه جنبهوهويراسلها واناماادري بس بعدين عرفت ولما شفت اسمها قلت عادي بنت اخته بس مافتحت المحادثه من ثقتي فيه المهم بعدما اكتشفت كل هذا هاوشتهوسمعته كلام زي يالخاين يالوسخ اقلب وجهك انا ماابيك وزي كذا والله ثم والله كان يبكي ويتوسلني اسمعه يقولي صدقيني السالفه مو كذا افهميني بس انا ماقدرت وبعدها هديت نفسي وقلت له وش عندك اخلص كان مرتبك ونظراته فيهاخووف كنه طفل جلس يقول اعذار مادخلت راسي ويحلف وانالاني احبه مااقدرت اخليه سويت اني مصدقه اعذاره بس منعته منهاوسبيتهاقدامه وهو قال الله ينعل فلانه وينعل كل اهلهامعهاوكسر جواله الي هي بنت اخته انا حسيت نفسي بردت شوي المهم حاولت طول عالمده انسى بس ماقدرت مره كنت جالسه ع لابتوبه لقيت حافظه باسم صور فلانه الاهو اسمها الدلع وكل مره احس انه باقي يكلمهاتعبت ماقدرت اتحمل صارحتهبتعبي وواجهته قال ليش تحرميني من انسان اعزه ويعزني والله العظيم مابيننا شيء وانتي زوجتي ومن هالكلام بس انا متاكده وتاكدت انه بينهم شيء والله ع مااقول شهيد انا الحين تعبانه كل يومين اتذكر المواقف اللي صارت وابكي والله حاسه انه بيجيني الضغط والله تعبتانا احب زوجي وزوجي يحبني ومدلعني واي شيء اطلبه يجيبه وسفرات اسبوعيه اي مكان ابيه والهدايا كل يومين واسلوبه معي عسسسل ويقلب الدنيا اذازعلت رغم افعاله اللي اعتبرها خيانه بس ماانكر اني عايشه معه اميره يفضلني ع نفسه ويبديني عليه وكل ساعه يسال عني اذا كنت بعيده عنه ماانكر حتى الطبخ والملابس وغرفة النوم يغسلها هو مايخليني امس حاجه لاني مااحب اكل من طبخ الشغاله ولااحب احد غريب يغسل ملابسي انا ماابي اخسره ولااخسر الحب اللي بيننا بس تعبت اوقات اقرر انفصل عنه واوقات احن عليه واحس انه بيتعذب بعدي بس بنت اخته حسبي الله عليها خربت حياتي ووناستي ابيه يبتعد عنا وابيه ينساها مدري وش اسوي واخليه يبعد عنها ...
معليش طولت عليكم بس والله ماعندي غيركم افتح له قلبي

>>>>> ردود الأعضـــــــــــــــــــاء على الموضوع <<<<<
==================================


احس انك كثيييير مبالغه برد فعلك


ليش الشك هذا كله

كل اللي قلتيه بقصتك شي طبيعي

انا خالي محتفظ بصوري ومايناديني الا بسم دلع ودايم اقله اشتقنالك وينك ومن هالكلام وانا متزوجه وهو متزوج وعنده بنات ومرته من اعز صاحباتي وزوجي عمره ما اتضايق من هالاسلوب

و الموسصوع جدا برئ لكنه خالي واحبه وطبيعي يحبني انا بنت اخته


__________________________________________________ __________

وضعك يختلف عن وضعي كثيييير لاتخلطي الامور صدقيني انتي لو مكاني كان حسيتي حتى انا علاقتي مع خوالي طبيعيه وحلوووه مره بس بنت اخته كنت اكلمها وكانت من اقرب الناس لي وكانت تنكر انهاتكلم خالها وتنكر كل شيء يعني ابي اعرف ليش والاهم من كذا ان العايله فيها مشاكل يعني مايبون زوجي وبنت اخته يجلسون مع بعض ليش اكيد ان فيه حاجه ومره قالت لي بنت اخوه ترا خالي يكلم فلانه ويراسلها انا قلت عادي وش فيها خالها قالت اجل سوووري كنت حابه اعطيك معلووومه بس .....والله العظيم انامتاكده ان بينهم شيء


__________________________________________________ __________

شوفي سالفة ياقلبي ياعمري عادي انا اولها لاخواني وخوالي وينادوني باسم الدلع يعني لو على هذا عادي لاتكبرين السالفه لكن لو انتي واثقه ان فيه شي بينهم اكبر من بنت وخالها كلمي امها وقولي انتبهي لبنتك اسلوبها مع خالها فوق الطبيعي وقوليلها بهالزمن كثر زنا المحارم الله يكفينا شره بس تاكدي لاتظلمينهم الظلم شين ولايلعبك الشيطان


__________________________________________________ __________

شوفي يا حبيبتي انا بقولك نصيحه ترى الناس ماراح تنفعك
ما ينفعك غير الي خلقك ادعي في سجودك تصدقي وروحي انتي وياه مكه خذو عمره تصدقو قومي في اواخر الليل صلي وادعي ربك انه يفرج همك
هذا الي اقدر اساعدك فيه لاني لسا ما تزوجت واسفه على القصور
والله يفرج همك ويسعدك يارب


__________________________________________________ __________

الله يعين الحمولة عليك ...
هذي بنت أخته وغلاته من غلات أخته وأنتي شكووووو!!!!!!
زوجته على العين والراس بس تمنعينه خيييير¡¡
المهم تعوذي من بليس وأستهدي بالله...