عنوان الموضوع : عمتي بتجلطني ! مجابة
مقدم من طرف منتديات نساء الجزائر

عمتي بتجلطني !



السلام عليكم ورحمة الله وبركاته

باختصااار شدييييد وبدون مقدمات
يا ناس انا وحدة اعيش مع حماتي وبنتها
وعيشتنا الحممممد لله ولا احسن منها

بس مشكلتي هي عمتي ( أخت ابوي )
بتجلطني والله

عمتي هذي حرمة كبيرة في السن ( أكبر من حماتي )
وما أقدر أقول لا لا تيجيني عيييب في حقي !!
بس الحرمة يا انها مخرفة وبتجلطني
يا انها تستهبلني وهذا الي بيجلطني اكثر !!!!!

شوفوا ايش تسوي فيني

الصبح تقوم من النوم .. تقومني من فراشي مع زوجي ..
( حاولت أقفل الباب بالمفتاح، بس أبو الشباب يعصب بحجة انه ما يقدر يقوم الليل ويفتح الباب بالمفتاح .. يقول أنا أقوم مدوخ مافيني أفتح بالقفل )
قلت ما عليه .. صرت أحط المنبه على الساعة 4:15 وأصلي بعدين أقفل الباب بالمفتاح وأرجع أنام

الساعة 5 تقوم المادمازيل من النوم ..
طررررررررررراااااااااااخ تددددق الباب علي من اصبحنا واصبح الملك الله

ايش فيكي يا حرمة ؟؟ ايش صار معاكي ؟؟

مافي بس أبغي شاي


أضربها هذي ولا أفلعها ولا أقلعها من جذورها وأرميها ؟؟



طيب يا عمتي يا حبيبتي .. عيب تدقي الباب .. زوجي بيقوم بعدين بيصارخ .. وانتي تدرين ان عليه دوام الساعة 7 وانه يرجع البيت الساعة 5 العصر !! ( زوجي مدرس )

قولي للشغالة تسوي لك ؟؟

ولا لأفنان ( أخت زوجي عمرها 18 سنة )


يوم يومين .. بعدين ؟؟؟؟؟؟؟
لا ترجع الحلوة زي أول !!!!!!!!!!!!!!!!!

تقول يسوو لي رين بو .. وأنا ما أشرب الا نستل وانتي تعرفين !!!!
( متى أعرف ؟؟؟؟؟؟ )






الثاني ..
أنا بيتي صغير .. غرفتين وصالة ومجلسين وحمامين ومطبخ

المجلس الي برع بعيد شوي .. وصعب أحد يروح هناك لأن فيه بابين واحد داخلي من الحوش والثاني خارجي من الشارع

ف كان لااازم أنا وزوجي في غرفة ( الصغيرة )

وعمتي والشغالة وحماتي الله يطول لي بعمرها وبنتها في غرفة وحدة
تيجي بدر البدور الساعة 3 الفجر تطق علي الباب بقووووووووووة

ايش فيكي ؟؟؟ ايش صايير ؟؟؟؟؟

شوفي مني هذي الشغالة الكلبة تسبني وتضربني وقالت بتعطيني سم وبتموتني ( في داخلي والله يارييييت بزيد لها معاشها لو سوتها )

اهدي شوي يا عمتي شوي على نفسك هونيها شوي شوي

أروح أسأل حماتي ( أقول لها يمة )
يمة صدق الي صار ؟؟
تقول ايش يا بنتي ؟
يمه عمتي تشتكي من الشغالة وتقول ...............
صدق ؟؟؟


هآآآآآآآآآآآآآآآآآآآآآآآآآه .. ايش مالك يا ............. متى صار هذا الكلام
الشغالة مسكينة من الصبح وهي تشتغل .. كيف تقولي عنها كذا ؟؟
والشغالة تحلف بالله انها ما نزلت حتى الحمام .. وأفنان تحلف ان ما صار شي وأهم شي أمي وحماتي .. تقول ما صار شي

وهي تصرررررررخ .. يعني أنا كذاااااابة ؟؟؟؟؟؟؟؟؟؟
الحين تصدقو هذي الاندنوسية الوسخة علي أنا ...

الشغالة انصدمت مررررررررااااااااااا من الكلام وقامت تبكي ..

هديت الوضع .. وطلعت زوجي ينام برع .. وجبت عمتي عندي ..
ايش اسوي بالله عليكم ؟؟؟؟؟؟؟؟؟؟؟؟

أفنان حبيبة قلبي .. رسامة .. وتكتب وكتابتها مررراااا حلوووة
ومرات تسجل كتاباتها بصوتها
وتعرفوا البنات .. يكتبوا عن الحب وهما ما يعرفوه أصلاً
تيجي الحلوة تفتش تليفون البنت .. وتسمع كلام ..
تشل التليفون وترويه زوجي ..
ومن باب انها كبيرة عيب يقول لها عادي خليها على راحتها
يقوم يسوي نفسه يصرخ عليها ..
وهي تبككككككككككي وأنا أهدي فيها .. وأشتريت لها تليفون جديد الحماية فيه قووية ( آيفون 4 )
وهذا كلوو عشان ما تزعل الصغيراا ..
وبعدين لعبت براس البنت وشلت التليفون وباعتوو من ورايا


وغييرووو كثيييييييير !!
وآآآآخر شي ..

راحت بيت بنتها .. ورحت أزورهاا
الحلوة تشرب حليب رين بو .. ولا أبشركم .. تشرب الصبح والظهر والمسا وبنص الليل ..
وعندي مسوية الصبح حليب نستل .. الظهر أحمر .. المسا شاي أخضر ونص الليل حليب بارد !!

وتنام في غرفة مع الشغالة والعيال الصغار ( بيبيات ) وطول الوقت صراااااخ ..

وتاكل رز باكستاني .. وعندي ما تاكل إلا رز مصري .. ولا براتا .. ولا خبز ايراني

وغيروووو كتييييييييييييييييير





المشكلة انها نشبت فيني وبترجع لي بعد بكرة

ايش اسووووووووي معااااهاااااااااا

>>>>> ردود الأعضـــــــــــــــــــاء على الموضوع <<<<<
==================================


ههههههههههههههههههههه الله يعينك نشبت عليكي بجد , خذيها على قد عقلها و اعملي لها 3 ترامس حليب رينبو و شاهي احمر و غيره و هي تصب و باذن الله ما تطفشك ,بالنسبة لتدخلها بالبنوتة الصغيرة خليها تخبي اغراضها او تقفل بابها بالمفتاح , و انا احس انه عمتك حاسة بالوحدة و الفاضي يعمل قاضي يعني دوري لها شغلة تشغل بيها نفسها و يملا عليها وحدتها يمكن هي تبغا اهتماام و ناس يراعونها لانها تحس بالوحدة او كانها خلاص كبرت و محد مستفيد منها شيء او غير مهمة وجودها مثل عدمه عشان كده بتعمل كده , يعني اصبري عليها بتاخذين اجر ان شاء الله ما اظن انها تقصد تزعجك لانك بنت اخوهاا , بس يمكن ما ترتاح الا عندك , حاولي تلاقي حلول بسيطة للامور الي تطفشك يعني ترمس بغرفتها مجهز او انك تحطين عازل صوت بغرفتك يعني لو تدق من اليوم لبكرة ما ينسمع ,< حطي عازل او حاجز بين بابكم يصير لازم الشخص يعدي الحاجز عشان يوصل لبابكم و خلي الحاجز بقفل . و كلميها بهداوة قوليلها لو سمحتي لا تسوين كذا و امدحيها هما يحبوا المدح , بتاخذين اجر لو صبرتي اصبري و ربي يعينك


__________________________________________________ __________

زوجك هوا الي لازم يتصرف مع عمتك يمكن تستحي ولاعاد تجي عندك الازيارات خفيفه اوانك تفهميها انها بتصرفاتها هاذي راح تطفش زوجك وتصير بينك وبينه مشاكل تكون هيه سببها وانك بعدكذا ماراح تسامحيهااوكلمي احدمن اقاربك يكون عمك اوابوك اواخوك لعل وعسى ينفعك والله يهديها


__________________________________________________ __________

ههههههههههههههههههههههههه ياحليلها حاولي تبينن لعمتك انك مهتمه فيها وقربيها لك وعطيها من ذا الكلام الحلو اتوقع انها محتاجه لهتمامكم ورعايتكم ويمكنها صادقه مع الشغاله لاني كثير بسمع قصص مثل هاذي حبيبتي انتبهي لعمتك وحطيها في عيونك لانها في اخر عمرها واكيد انها تخرف واحتسبي الاجر عند الله
ماتدرين يمكن بكره تصيري زيها
واذا على موضوع انها متخليك تاخذين راحتك مع زوجك صارحيها باسلوب المداعبه
وان شاء الله ربي يعينك
تقبلي مروري


__________________________________________________ __________

يا لطيف حطيلها سم بالحليب وخلص اف اما لزقه

هههههه بمزح الله يصبرك


__________________________________________________ __________

المشاركة الأصلية كتبت بواسطة عشيقه الالم
يا لطيف حطيلها سم بالحليب وخلص اف اما لزقه

هههههه بمزح الله يصبرك

ههههههههههههههههههههههه بسويها صدقيني


شكراً حبيباتي .. هذي ما بينفع معاها شي

بس حبيت أفضفض