عنوان الموضوع : رمضان والرعب اللي اعيشه -لصحتك
مقدم من طرف منتديات نساء الجزائر

رمضان والرعب اللي اعيشه



السلام عليكم ورحمة الله وبركاته
في البد\اية أسأل الله العظيم رب العرش الكريم ان يبلغنا واحبتنا رمضان غير فاقدين ولا مفقودين اللهم امين.. بطول عليكم شوي بس الله يخليكم تحملوني واقرو مشكلتي
اخواتي انا نزلت مشكلتي العام الماضي لكن ماتذكر العنوان بالضبط.. المهم اخواتي تكاد مشكلتي تتكرر معي هالسنه الله يبلغنا رمضان ياكريم.. اجازة زوجي السنويه في رمضان ياخذها حتى يجتمع بأهله واخوانه وبقيت اقاربه .. وطبعا والده في هذا الشهر راح يكون عندي في البيت لانه طول السنه يتنقل بين بيوت اولاده ودور زوجي في رمضان وهات ياكرف وشغل وفطور لانه طبيعي يفطور كل اولاده عند ابوهم ليست المشكله هنا فأنا أحاول الإحتساب لافطار صايم بالرغم من ان زوجي عمله في منطقه شبه نائيه وانا موضفه في نفس المنطقه وليس لي وقت ارتاح فيه غير الاجازة ولايوجد عندي خادمة في الاجازات يقضيها عند اهله الله يعين ع الكرف بس هنا ليست المشكله المشكله اخواتي بان والدي زوجي يتحرش في والله العظيم بأني صادقة فيما أقول هو رجل سبعيني او ثمانيني شبه عاجز بفقديه احد رجليه بسبب غرغرينا سكر لكن عوض عجزه برجل صناعية وعكاز غير كذا لايعاني من شي .. يابنات رمضان الماضي عشته في رعب لا يعلم به غير الله تعالى .. في البدايه كنت ع نياتي لا اعلم شي وفي مرة كنت جالسة معاه في الصاله اطالع التلفزيون قالي والله اني احبك واذا شفتك احس بالعافيه تعالي اسلم عليك يعني ابوسك وانا من حسن نية ذهبت عنده بإعتباره رجل كبير ومن الاحسان أن اكون متواجدة معه حتى لا يشعر بالوحدة وفجاءة اجدة يبوس رقبتي واكتافي ويتحسس صدري وبطني كدت اجن ونزعت نفسي من بين يديه بقوة .. وبدات معاناتي مع هذا الانسان ومع الرعب مثلا انا واقفة في الصاله مع ابنه وانا مقابلة له وابنه معطيه ضهرة يعملي حركة انه بوس يده ويرسلي البوسه لان يعرف ان ابنه لا يراه ..اعتزلت بيتي وصالتي صار اغلب وقتي في غرفتي ومقفله علي الباب حتى في المطبخ مقفله علي الباب وانا مرعوبه من مفاجاءاته ولو اضطر ان امر من امامه لاذهب للحمام اكرمكم الله او المطبخ يظل يأشر لي تعالي احظنك بينت له باللين وبالكلام واني لا حب الاحضان لكن مصر ولا يرتدع ولا يحس بدون كرامة مستمر في الخرف ..اذا كنت في غرفتي يدق علي الباب ولا كأني اسمع وأنا اموووت رعب في غرفتي وانتظر الساعات حتى يذهب ينام وينتظرني بالساعات وهو جالس ف الصالة ينتظر خروجي وانا مستحيل اخرج عنده لو اموت ينتظر بالساعات ولا كأنه مسن يجب أن يرتاح بعد عناء طويل من الانتظار والرعب يذهب لينام من الساعه ال12 ووراء بعدها اشعر بأني بدأت اتنفس واخرج من غرفتي ومع هذا ابقى ع اعصابي انتظر ان يخرج علي بحركاته في اي لحظة والله تعبت العام الماضي .. وفي مرة من المرات ذهب احد ابنائه للعمرة وجلس اسبوع باكمله بالعامي يابنات اعذروني - - وجا حتى يسلم ع ابوه طبعا دخل هو وزوجي حتى يسلم ع ابوه وانا في غرفتي اسمع كل شي بعد ماسأل عنه ولده وسلم ع ابوه وشوي الا هو يقول يلااه امشورحو يم عزبتكم قالوا نبي نجلس معك قال لا انا باقوم انام يلااه قوموا ويصر عليهم طبعا انا فاهمه ليش يقول كذا ولمن نزلوا عياله الا هو يدق الباب علي ويقولي افتحي وانا بأموووت خوف ورعب وقاعدة ارجف مارديت عليه ولا كاني اسمعه و مقفلة غرفتي علي الله لا يوفقه والله يابنات انه قعد يمكن 4 ساعات وهوينتظر برا الله يكفيني فيه بمايشاء طاح من عيني وكل ماشوفه أسأل الله لي الثبات لوبقيت لارذل العمر.. ويوم اخبر ولده ماهو مصدقني ويقولي ماهو معقول ابوي يسوي كذا ولا يناقشني في الموضوع ولا يكلم ابوه ابدا طبعا متفشل وش يقول كل الا قاله البسي روب بيت اكمامه طويله وخليك بالشرشف ع راسكوالله العظيم يابنات اني طول رمضان وانا بالطرحه ع راسي حتى وانا في المطبخ اشتغل والله تعبتقدام ولده وبناته واي احد يزورنا وانا قاعدة معهم وهو معنا رسمي ومحترم وبس يفضا له الجو يبداء خرفه يطلع الله لا يوفقه .. مره يابنات يمكن قبل شهرين رحنا زياره له وكان عند واحد من عياله ودخلنا نسلم عليه انا وزوجي طبعا ماكان في المجلس غيري وزوجي انا كنت ماشيه قبل زوجي وهو وراي ورحت اسلم عليه بس في راسه وبسرعة وبشكل رسمي بس حشمة زوجي وشوي الا يمد يدينه ويحضني ويسلم علي بطريقه مقززة وأنا مستغربة ليش يسوي كذا وولده موجود واسحب نفسي بسرعة واطالع ابي زوجي يشوف الا سواه ابوه وكانت المفجاءة انه زوجي اصلا ماهو وراي زي ماكنت احسب اثاريه راح دورة المياه بعد مادخلنا يعني كنت لحالي معة السؤال ليش يتصرف كذا معي لو كنت وحيدة مامعي احد وبإحترام في وجود الاخرين ؟؟؟!! وطبعا اغلب وقتي لحالي لان ولده لاهي مع اخوانه وقرايبه طبعا اجازة يبي يستمتع فيها وانا في رعبي لحالي وبي هم يابنات مايعلم فيه غير رب العباد .. وش اسوي ساعدوني الله يخليكم المشكله بيني وبين زوجي مشاكل واخاف لو اعانده هالاجازة واقعد عند اهلي اخسرة وبرضه امي ماراح تتطاوعني تقلي عيب هذا عمك ماشافت اللي شفته ماهو كل شي اقدر اقوله لها لانه متفشله اقولها بفعايله .. حسبي الله وكفى اجتمعت علي من كل مكان تكفون ساعدوني يابنات وش اسوي والا ماتقدر تساعدني تدعي لي بظهر الغيب

>>>>> ردود الأعضـــــــــــــــــــاء على الموضوع <<<<<
==================================


وعليكم السلام ورحمة الله وبركاته

للرفع ..


...


__________________________________________________ __________

اختي عندي طريقه حلوووووووووه
وهي اذا جاء عندك لاتتزينين بالمره ودوري اخس ثيابك والبسيه وكمان حتي العطر لاتحطينه


__________________________________________________ __________

السلام عليكم ورحمة الله وبكاته
اي عزيزتي اتذكر هذه المشكله .. واقدر حتى ابحث عنها في قسم مشكلتي ولكن راح استغرق ساعات في التصفح وقراءة العناوين ومحتوى المواضيع .. ولكن ماعلينا .. الان طرحتي المشكله بشكل واضح ومفصل
شوفي عزيزتي
هناك احتمالين خليهم ببالك واتصرفي على اساسهم مادام زوجك رافع ايده من الموضوع سواء كان غير مصدق لكلامك او انه يصدقك ولكن محرج ولا يعرف كيف يتصرف مع والده.
الاحتمال الاول ان يكون والد زوجك خرفان وفاقد جزء من عقله ورزانته ..واتمنى ان لايكون هذا الاحتمال هو الصحيح والوارد لان بهذه الحاله مالك حل الا تستحملين وتعيشين على اعصابك طول الشهر
والاحتمال الثاني ان يكون الاب مستغل لاحترام ابنه له واحترامك له وبذلك يمارس عليك ضغوطه ويستغل خجلك وهو يسميه ضعفك .. هنا الان الكره بملعبك .. تختارين وقت تكونون لوحدكم ولا احد يسمعكم ولا يكون هناك شاهد او دليل تتركيه وراءك وتكلمين والد زوجك كلام قوي وكبير وتتخذين موقف حدّي منه وتنهرينه او حتى ان اقتضى امر تهدديه باهلك ** لاحول ولا قوة الا بالله العلي العظيم .. والله العظيم اكتب وانا منزعجه من داخلي وقلبي يوجعني وصدري ضايق اشلون راح تواجهين هالكبير بالسن وانت بعمر بناته الصغار وتنهريه وتأدبيه ** ولكن ما باليد حيله .. مابقى امامك الا هذا الحل .. مشكلتك انت لوحدك وضروري تخلين لها حد وحل ..
راح ابقى اتابع هذه الصفحات ان شاء الله حتى في رمضان ولكن اطلب منك غاليتي ان ترفعي الموضوع فقط .. فالبحث عنه يتعبني .. احفظي هذه الصفحه في المفضلات وتعالي ارفعي الموضوع في رمضان من اجل ان تطمنينا على حالك واش عملتي .. وهل الحال مستمر على ماهو عليه ؟؟ ام ان الرجل قد اهتدى وتاب واصلح نفسه ؟؟
اتمنى ان يكون كذلك

تحياتي لك غاليتي


__________________________________________________ __________

الله يساعدج و ان شاء الله ما راح يعيد اللي سواه فـ الرمضان اللي طاف
و ان شاء الله الرجال يكون ناسي هل اشيا او يكون تائب


__________________________________________________ __________

مرحبا اختي
انا عندي حل يخلي زوجك يصدق انه ابووه يسووي كذا
حطي جوالك سجلي الكلام اللي يقوله ولا حطي كميرا تصووره واهوو يسووي شي بس حاولي تخبين ماتبينين لشايب عشان تنكبينه
الله يعيينك بصراحه الوضع لايحتمل لو انا منك ماقدرت اعيش كذا