عنوان الموضوع : زوجي طلقني .. و بموت و ارجعله الطبيب يجيب
مقدم من طرف منتديات نساء الجزائر

زوجي طلقني .. و بموت و ارجعله



بسم الله الرحمن الرحيم



السلام عليكم و رحمة الله و بركاته ..
انا و زوجي تزوجنا عن حب لمدة سنه .. و في الاخير تطلقنا لاني دايما اصرخ عليه و اعلي صوتي قدام الناس .. و كل مره نتخاصم بهالموضوع و نتزاعل و اوعده اتغير .. و كنك يا ابو زيد ما غزيت .. بس نرجع يرجع كل شي مثل ما كان ..
ما عندنا عيال .. و الحين انا ففترة العده لي شهر .. و انا احبه و اموووووت عليه .. و احنا الحين ندرس فنفس الجامعه .. و كل يوم اشوفه .. و كل زمايلنا يقولون انه مشتاق لي موت و يموت و نرجع .. حاولت اكلمه .. قال اننا حتى اذا رجعنا بنرجع نتخاصم بنفس السبب و هو مو مستعد يدخل بنفس الحاله اللي دخل فيها اول ما تركنا بعض .. و مو مصدق اني اتغيرت لاني كل مره بوعده اني بتغير .. بس هالمره و الله العظيم تغيرت و حلفت له و هو مو مصدق ..
ما ادري شلون اصالحه .. و الله ما اقدر اعيش من غيره .. حتى اذا كلمته بالتلفون يكلمني كأني زميله عاديه .. و لا كأننا كنا متزوجين .. و لا كان في بيننا حب اصلا ..
ما انام الا بمنوم و قرآن .. و حتى بالمنوم و القرآن اصحى نص الليل و انا اصيح و اناديه .. ما اكل و لا اشرب .. و لا عندي نفس اعمل اي شي بالدنيا .. و لو بيدي ما اروح الجامعه حتى .. كل يوم اصحى و انا تعبانه اكثر و اتمنى لو ما اصحى ..
الايام تروح و العده بتنتهي .. و يوم كلمته و قلت اننا لازم نحسم موقفنا قال ان موقفنا اتحسم اصلا يوم تطلقنا ..
ارجوكم دلوني على طريقه ارجعه فيها .. و لا تقولون لي انساه لاني بكل هذا الشهر و انا احاول انساه و مافي فايده .. بحاول اشغل نفسي بكل طريقه ممكنه .. بحاول اقرب من ربي و بعد ماني قادره انساه .. شي فيني يقوللي اننا بنرجع و انه بعد يحبني .. و راح بنكون لبعض ..
هو يمثل انه ما يهتم .. في حين اني كثير بناظره و بمسكه يناظرني .. و مره تكلم مع صديقتي بالموضوع و حلفت لي انه بكى اكثر من مره قدامها و هو يتكلم عني .. بس هو مصر انه ما يصدق اني من جد تغيرت ..
هو انسان من جد مره محترم و حنون و رومانسي و ابن ناس .. و كل الناس تطراه بالخير .. و يتكلمون عنه بالخير ..
ارجوكم دلوني شسوي .. و شلون نرجع

>>>>> ردود الأعضـــــــــــــــــــاء على الموضوع <<<<<
==================================


الله يهديك ليش هالاسلوب مع زوجك يااختي الرجال حتى لويموت ع زوجتةهوحاسس انها ماتحترمة صدقيني ماعندة مانع انة يطلقها لان اهم شئ الاحترام بين الزوجين اختي اذا فعلا تحبية حاولي تتغيري لان هذي مسئلة حياة وعشرة لازم لاحترام والوداساس حياتهم اختي الله يريح بالك ويرجعة لك يارب عليك بكثرة الدعاء والاستغفار وعندلك نصيحة اذا تحبي اخذي فيها واتوقع انها بتجيبة لك ركض حاولي ماتتصلي بة ابدا ولاتقولي انا تغيرة خليك طبيعية ادري انة صعب بس حاولي وروحي لجامعتك عادي واذا شفتية اعملي نفسك ولاكانك شفتية ولاتتكلمي مع صديقاتك عنة ولاتسئليهم عن اخبارة واذا وحدة جابتلك كلام عنة حاولي تسكري الموضوع صدقيني هذي الحركة راح تجننة وتخلية يموت عشان يعرف اخبارك ويعرف اذا فعلا تغيرتي وخصوصا ان المصدرالي هم صديقاتك الي يقولة اخبارك ماعاد عندة اخبارة يوصلها ولا لالالالالالالالا


__________________________________________________ __________

ان شاء الله ترجعوون لبعض يارب


__________________________________________________ __________

اذا كان لازال يحبك راح يرجعك قبل ما تنتهي العدة وحتى لو انتهت ممكن يرجع لك ممكن هو بس يبغى يصحيك وممكن كمان هو مثلك يتألم بس لازم يكمل هالدرس عشان تتغيري ... اننننصحك اكثري من الاستغفار وادعي الله انه يرجع لك لان امر الرجعة بيد زوجك فاكثري الاستغفار وبإذن الله قريب نبارك لك الرجعة لكن هااااااااااااااااااااااااا .... توبه بعد كذا انتي لازم تكوني انثى بمعنى الكلمة امامه وهذا يعني انه صوته هو اللي يعلى مو انتي ... مثل ما قلت لك استغفري كثير الف مره واكثر باليوم وربي يهديه لك ويهديك له ويسخركم لبعض


__________________________________________________ __________

ولله مو عارفة شو احكيلك
الله يرجعكم لبعض قريب


__________________________________________________ __________

خلي بينكم وسيط يصلح الامر بدون مايعرف انك راسلاه له والله يرجعكم لبعض ويهديكم