عنوان الموضوع : مشكلة صديقتي -تم الاجابة
مقدم من طرف منتديات نساء الجزائر

مشكلة صديقتي



السلام عليكم

الله يخليكم ساعدوني , مشكلتي اهي صديقتي

صديقتي تكرهه الحياة واحس انها خلاص يائسه
الحين عمرها 15 سنه , ولما كانت صغيره تعرضت لتحرش من واحد من اقاربها
دائما تقولي انا مالي قيمه عند احد ومحد يفكر فيني
ومحد يحبني تقول حتى امي وابوي يكرهوني
تكره الحياة ودائما تقولي انا اصلا مالي حظ
ومرات من غير سبب تبكي واذا قلتلها وش فيك !
تقول مدري !!
لله يعافيكم ابي حل لها خايفه عليها

* ادعو لها

>>>>> ردود الأعضـــــــــــــــــــاء على الموضوع <<<<<
==================================


اللي موجود يرد علي طلبتكم...


وشكرآ...


__________________________________________________ __________

حبيبتي هذي صديقتج والان تبين قيمتج في حياتها ،، اوقفي جنبها وانتي حسسيها بقيمتها وطبيعي بالعمر هذا تحس بالاحساس هذا عشان لخبطة الهرمونات واشرحيلها هالشي.. كلميها عن المستقبل وان قدامها باذن الله حياه غير ومستقبل ولازم تجتهد عشان تحط لنفسها قيمه ومكانه بالمجتمع وتعتمد على نفسها .. روحي لامها واشرحيلها اللي قاعد يصير مع بنتها وانها تحتاج منها شويت حنان وتحتويها ،، صدقيني الام لما تحضن بنتها غير عن كل الناس .. حاولي تخلين لها هوايه تسويها وخليها تتحرك وتعيش حياتها ،، مو بس قاعده وتفكر،، قوليلها خلينا نسوي بينا مسابقات ،، ياتحفظون سور قرآنيه وكل وحده تسمع للثانيه او مسابقه مطبخيه في صنف حلى او طبخه من تحت دياتكم في هالاجازه ،، خليها تغير من نفسيتها تروح تقص قصه شعر جديده تصبغ تشتري ملابس او اتتي هاتيلها هدايا وحسسيها انها غاليه عندج،، الحياه حلوه ليش تضيع احلى ايام عمرها بالحزن والفتره هذي احلى فتره تمرون فيها لانكم بديتوا تصيرون ليدي وتتغير حياتكم،، وبعدين حتى التحرش اللي تعرضت له انتي فهميها ان الله يحبها وابتلاها ولا تقنط من رحمة ربي اكيد لها اجر ان صبرت واحتسبت الاجر ياغلاهم،، خليها تسجل بالمنتدى هنيه وتدخل وتشوف مشاكل الناس ساعتها بتهون عليها مصيبتها .. خليها تنسجم مع الناس وتكون صداقات لاتنطوي مع نفسها وتعقد امورها ،، واهم شي انتي خليج دايم معاها وجنبها وربي يحفظكم ويخليكم لبعض ويبعد عنكم كل شر ويصلح حالكم امين.. موفقه غلاي.


__________________________________________________ __________

خليها تقرى قران........


__________________________________________________ __________

الله يساعدها اصعب
ما تتركيها ضلك جنبها


__________________________________________________ __________

الله يعينها يارب ............
إنتي صديقتها إنصحيها ووقفي جنبها وقولي لها الحياة ماتوقف على موقف صار في الطفولة الحياة ماشيه وإحنا ماشيين معها لا تخليها توقف حياتها على موقف صدر من جبان وهو الآن يكمل حياته بطولها وعرضها وهي جالسة تندب حظها وهي في أجمل مراحل حياتها ....................
والحظ مو كل شيء ولكل مجتهد نصيب ........ والناس كيف تحبها إذا هي ماتتفاعل معهم البنات في سنها لازم تصادقهم وتتجه للمواضيع اللي يحبوها زي رسم الانمي وتعلم طبخات جديده وتعلم المكياج هذا السن لازم تطور نفسها فيه حتى تصبح إمرأة رائعه

ودعيها تلجأ إلى الله في الثلث الأخير من الليل

ولازم تنتبه لدراستها لأنها أهم شيء ...........

أتمنى ماطولت عليك والله يوفقها يااارب


وإذا تغيرت وصارت للأحسن أتمنى ترجعي وتخبرينا عن تجربتها الجديده ..........

والله يوفقك إنتي كمان لأني أحب روووح الصداقه التي فيك ..............


تقبلي ودي : بعثرني الحنين ............