ابي دعوة منكم وكلمات تريحني -لصحتك

[aksachli]

عنوان الموضوع : ابي دعوة منكم وكلمات تريحني -لصحتك
مقدم من طرف منتديات نساء الجزائر

ابي دعوة منكم وكلمات تريحني



السلام عليكم

راح ابداء علطول وتقدم لخطبتي شخص من العائله من بعيد وابوي وافق عليه بس اخوي الكبير رافض وسبب الرفض غبي بس وش سوي حتى ابوي لم اصرا جاء لمي وضربني ضرب والله ماقت من السرير تزوج والحمدالله انتقل للمنطقه ثانيه علشان عمل زوجته وانا عمري 29 وراجع نفس الشخص اللي خطبني وافق ابوي والشخص هذا مافيه شي يعيبه وافق ابوي بدون علم اخوي وتم كل شي وسوينا ملكه وخوي ماعرف المهم امي وابوي راحو يحضرون عرس بمنطقه ثانيه انا مارحت وجاءت لمي بنت عمي تجلس عندي ومادريت الا وتلفوني يرن والرد ومرت اخوي تقول ان وحدة دقت على اخوك وقالت له انك ملكتي عليه وان اخوك بطريق جاء والله تجمدالدم بعروقي مادري وين اروح بنت عمي راحت وانا دقيت على خطيبي علشان يجي وياليت مادقيت عليه جاء راح دق علي ابوي وقاله كل شي وقال تسمح تروح معي لااهلي ابوي وافق انا مانعت اروح بس غصبني وقال بسررعه راحت وماودني لم اهله وداني لم بيتنا وقال لاتخافين انا مابي اهلي يدرون وبعدين يكثر الكلام وانا ماراح اجلس عندك وخلاني بالبيت وطالع وصل اخوي ودق علي قالت انا رايحه مع اهلي للعرس سكت ماقال شي ولم صارت الساعه 1 جاء ومت من الخوف وجاب معه اكل وعطني لابتوب حقه قال وسعي صدرك فيه وقال لم يسالك ابوك انتي وين لاتقولين انك بالبيت قولي عند اهله لاني اخاف ياخذ عني فكرة شينه وقال انا بنام بمجلس لاني ماقدرا اروح وخليك لحالك لم جاء الصبح وصالو اهلي دق هو على ابوي وقال حنا بطريق توى طالعين من بيت اهلي وينك انت اتفقنا نلتقى بشارع معين لم ركبت مع اهلي بداء الاسئله وش قالو سواللك شي لم وصلنا للبيت ابوي قال لخوي هي الحين زوجته اذ قدارت راح طلقه منها وسكت جاء قالي لاتاخذينه انا سكتت مرت الايام وخوي عندنا وراح سواء مشاكل مع خطيبي وصار فيه الشرطه
كان الحال اني استقر في بيت خطيبي بمنو زوجي واذ سوى شي راح يكون شي ثاني حتى امي فرحت قالت روحي يابنيتي احسن لك وكلن يقول روحي راحت وانا الدمع بعيوني مابي كذا ابي افرح نفس الناس ولم وصلنا البيت قال ترى اهلي مايدرون خلي الناس يحسبون دخلتنا بيوم العرس لاحد يدري وانا لا شعوري جلست ابكي قام قالي لاتبكين انا راح يكون جلوسي كله بمجلس وراح تلبسي الفستان وراح اجيبلك كوفيرة لايضيق صدرك حتى اني ماراح اجلس معك علشان مانخرب روعه الليه وفعلا سوى كل اللي قال ومالمسني ولاحتى ناظرني وربي احمد ربي عليه احس انه يعيشني بعالم ثاني بس الحين انا لي 2 سبوعين من يوم الزواج واحس انه شعورة معي باارد مادري ليش احس انه يكرهني
واحس انا السبب لو مادقيت عليه يوم يجي اخوي كان احسن حتى لو يطلقني ماله ذنب لانه تزواج مشاكل مو مراة خواتي ادعوالي الله ييسر امري تتوقعون راح يطلقني والله كل ماقال لي كلمه ارجع اعيدة الف مررة اخف يكون شي ثاني

>>>>> ردود الأعضـــــــــــــــــــاء على الموضوع <<<<<
==================================



ياعمري الله يعينك
ولكن الحمد الله تزوجتي وورحتي بيت زوجك
ليه عاد توسوسين .؟؟
ماشاء الله عليه لو احد ثاني كان طب عليك من اول ليله هههه
الله يسعدك لا توسوسين وتقولين بارد ومادري وشو
اكيد مشغول باله من المشاكل خاصة وان اخوك حطه بباله
خلي عنك الوساوس وانتي بعد عطيه كلمتين ترفع روحه المعنويه الحين زوجك
قوليله الله لا يحرمني منك ياسندي ..
يابعدي اكلت ؟؟ ولما يروح ينام قوليله حبي تلبس كويس اخاف عليك
من البرد بالليل تبرد وتتعب
ولا تزعل من اخوي مع الايام راح يتقبل زواجنا وخاصة لم يعرفك
انك اجودي ونشمي ومن هالكلام ماتدرين قد ايش هالكلمات ترفع الواحد للسما
وتعطيه دفعه للامام
بس ليه اخوك مااخذ موقف عنيف منه ؟؟؟
كان بينهم موقف عدائي من اول ؟؟؟



__________________________________________________ __________

لاحولا ولاقوة الا بالله
الله يعينك

الله يسخره لك يااارب
لكن لو يتصالح مع اخوك يمكن ينحل وضعكم
لان زوجك اكيد ماتوقع ان الامور تطور لهدرجه؟؟

__________________________________________________ __________

السلام عليكم ورحمة الله وبركاته

واخوك وشوله متسلط عليك بهالشكل

ابوك حي وعلى وجه الدنيا

اخوك ينجب ويسكت

ولا يفتح حلقه بحرف طول م ابوك عايش

وانتي بعد وشوله خايفه وترجفين منه

عسى ماشر ترى الرجل حليل بشرع وبموافقة الاب

يعني اخوك ي يقول خير ي ينرفس برا ولا يدخل بحرف

يقبل الحين تتصلين عليه وتقولين له : طلق زوجتك مابيها والا لاتزوجها؟

واجهي اخوك وبالعين القويه

قوليله انت وشوله محاربني على حلال رب العالمين

وابوي ولي امري راضي وهو مزوجني

يعني انت بتجي احن واحرص علي من ابوي؟!

قولي اخوي على راسي وعيني على الحشيمه والاحترام

اما تجاوز حدودك عليّ وعلى ولد الناس هذا خطا والخطا مردود

رجل مابه شي يعيبه وانا الي بعيش معه مهو بأنت

هذا بدل مايشوفك الرجل ساند ظهري ولاف ذراعك بذراعي

يدري ان وراي رياجيل وسنايد

جاي تفرج علي الرجل وخلق الله وتخليني سالفه ماجرت

ي ابن الحلال تراه حليل في شرع الله وقدام خلق الله

ماجيتك بصديق والا حبيب من الشارع

والا جيتك بقضية شرف والا شي يكسر الوجه تحاربني

حدوه حد انتي واهلك ولو لك عمام والا خوال

وخلي والديه يعرضونه الرضا

خليهم يصكون عليه لين ينوخونه للحق

ويحط لكم عشا ويعتذر منكم ومن رجلك اول الراي

بعض الامور تنحل بالمواجهه مو بالهروب


الله يصلح شانك يارب والمسلمين اجمعين

__________________________________________________ __________

المشاركة الأصلية كتبت بواسطة نبض قلبي والعيون ياعمري الله يعينك ولكن الحمد الله تزوجتي وورحتي بيت زوجك ليه عاد توسوسين .؟؟ ماشاء الله عليه لو احد ثاني كان طب عليك من اول ليله هههه الله يسعدك لا توسوسين وتقولين بارد ومادري وشو اكيد مشغول باله من المشاكل خاصة وان اخوك حطه بباله خلي عنك الوساوس وانتي بعد عطيه كلمتين ترفع روحه المعنويه الحين زوجك قوليله الله لا يحرمني منك ياسندي .. يابعدي اكلت ؟؟ ولما يروح ينام قوليله حبي تلبس كويس اخاف عليك من البرد بالليل تبرد وتتعب ولا تزعل من اخوي مع الايام راح يتقبل زواجنا وخاصة لم يعرفك انك اجودي ونشمي ومن هالكلام ماتدرين قد ايش هالكلمات ترفع الواحد للسما وتعطيه دفعه للامام بس ليه اخوك مااخذ موقف عنيف منه ؟؟؟ كان بينهم موقف عدائي من اول ؟؟؟

__________________________________________________ __________

الله يفرج همك
حبيبتي سايره زوجك و احكي معو حكي حلو