عنوان الموضوع : ذبحتني زوجته الاولى -تم الاجابة
مقدم من طرف منتديات نساء الجزائر

ذبحتني زوجته الاولى



السلام عليكم ورحمة الله وبركاته


مااعرف كيف امهد بس ببدا بالموضوع على طول

انا عمري 23 سنة متزوجة من 7 شهور وزوجي كان متزوج قبلي
يعني هو الحين مطلق والحمدلله كل شي فيه حلو وهادي وطيب لكن
في عله وحده اللي هي سيرة زوجته الاولى

انا تزوجته كان هو مأثث البيت جاهز كل شي المجالس والمطبخ وغرفة النوم وكل شي انا استغربت ان البيت جاهز كذا
سألته قال انا مأثثه وخليه عشان حاط في بالي اني بتزوج وماني فاضي اجلس اثث انا وياها <انا>

وعلى حسب كلامه ان زوجته الاوى ماكانت عايشة بنفس البيت اللي انا فيه الحين يقول انهم هو وياها كانوا ساكنين بحي ثاني وببيت ثاني
كل هالكلام طبعا اثناء الملكة

لكن بعد ماتزوجت وجيت البيت اكتشفت انه كان يكذب علي وان زوجته الاولى كانت ساكنة بنفس البيت اللي انا فيه الحين طبعا كيف عرفت؟
عرفت من أثاث غرفة النوم لأن باين أنها مستخدمة طبعا هو كان عايش بنفس البيت يعني الغرفة كانت موجودة وهو ينام فيها
لكن أنا لقيت حاجات في غرفه النوم بين انا تخص حرمة

لقيت في الادراج ربطات شعر ولقيت اكسسوارات وأنا عرفت من كذا انها كانت عايشة بنفس البيت,,,, وغير كذا كل صحون المطبخ والقدور وكل شيء في المطبخ مستخدم يعني مو جديد القدور واضح أثار الطبخ فيها
ولقيت لون مناكير صابغ على الكومودينا اللي جنب السرير
ولقيت في الدولاب حق الملابس سجادة وجلال صلاة يعني أكيد أنه حق حررررررررررمه

بس مع كل هذا اللي شفته أنا سكت ولا كلمته بس انقهرت من داخلي
ليه ع الاقل ماغير غرفة النوم هذا أهم شي يعني انا انام على نفس السرير اللي هي نامت عليه

وانا ماعمري جبت للموضوع هذا طاري عنده وليتني يوم أنا ساكته
هو بعد سكت ودمدم ع الموضوع

لا كل شوي من تزوجنا لازم يجيب سيرتها عندي
طيب انا وش دخلني تسولف لي عنها حرمه خلاص راحت الله يستر عليها؟؟

مستحيل يمر شهر بدون ماتجي يسرتها مرتين ثلاث مرات
مره يسبها ومره يمدحها ماعرفت له هو كارهها او يحبها وللآن ماقدر ينساها

ومع كل هذا ساكته ماعمري قلت له لاتجيب سيرتها والا سبيتها والا قلت فيها شي لاني اصلا مااعرفها

وانا بصرااااااحة مره متضايقة من هالموضوع ليش يجيب سيرتها
عيشتني في اثاثها اللي عاشت عليه ماقلت شي وسكت وسويت نفسي مادريت

بس أنه كل شوي يجيب سيرتها عندي والله انقرررررفت

وغير كذا دايم يحلم فيها كل شوي يصحى من النوم يقول حلمت بزوجتي الاولى وانا من تزوجته ولا مره حلم فيني

والله يابنااات مررره انقهرت منه مادري وش فيه يسوي كذا

واقرب شي جاب سيرتها فيه امس كنا طالعين نتمشى يوم دريت يوم جاب سيرتها قال تصدقين ان فيها جمال مو طبيعي عمري ماشفت مثلها حتى امي وخواتي غاروا منها

تخيلوا يابنات يعني يقول كل هالكلام وكني مو زوجته

انا مارديت سكت ولارديت لو بكلمة وهو جالس يسولف لين وصلنا البيت
يوم وصلنا البيت وقف السيارة وجيت بنزل قال لالا تنزلين حسبت عنده شي

قال اجلسي وجلست بالسيارة مانزلت و جلس يتكلم عنها
وانا مرررررررررررررررره ارتفع ظغطي وصرت مااناظره بس اناظر قدام

لا ويقول لي ليش ماحملتي للآن انا زوجتي الاولى حملت من ثاني شهر بس سقطت
قلت هذا شي من عند الله مااقدر اعترض عليه مع اني كشفت ومافيني شي سليمة

بس يقهررررررررررررني ليش يسوي كذا والله اني طيبة الحمدلله وأخلاقي عاليه وجميلة بشهادة كل من شافني
يعني مافيني شي ينعاب حتى هو يقوله يقول انتي حلوة وقلبك ابيض وطيبه وكل شي فيك حلو حتى اهله يحبوني مررره

ماادري ليه يسوي كذا بنات ساعدوني انا وش اسوي اسكت والا اتكلم
وهل يحق لي اتضايق والا انا ابالغ في ردة فعلي مرات اقول عادي مافيها شي

بصراحه انا تعبت من هالكلام بس مادري وش اسوي

طلبتكم ساعدوني الله يوفق اللي تلتفت لموضوعي وتعطيني من وقتها لو دقيقة

جزاكم الله كل خير

>>>>> ردود الأعضـــــــــــــــــــاء على الموضوع <<<<<
==================================


ياحبيبتي صاحبة المشكله
بالنسبه للاثاث الان لاتضايقي حالك وشيء راح وانتهى
مايسوى العتب لانه ماراح يتصلح شيء
يمكن ماكان عنده امكانيه ماديه يغير الاثاث بوقتها
الان نجي على موضوع كل شوي ويجيب سيرتها
لازم تجلسي وياه جلسه هادئه ويكون هو رايق وتكلميه بالموضوع
قوليله مايصير تجرح احساسي كل شوي وتمدحها وتجيب سيرتها
ان كانت هي احسن مني ليه مابقيتها على ذمتك ولاتزوجتني
وبطريقك وانتي تكلميه قوليله مو كافي انا ساكته انك كذبت بخصوص الاثاث؟
مو كافي انا نايمه على سريرها؟
مو كافي استخدم كل حاجاتها وكمان اثرها بغرفة النوم مامحيته؟
كمان كل شوي تجيب سيرتها؟
كل هذا العتب اريدك منك تقوليه وانتي بمنتهى الهدوء
عشان مايعصب ويضيع حقك ويعملك انتي الغلطانه
ان شاء الله اكون افدتك ولو بشيء بسيط
ونشوف باقي السيدات الفاضلات ايش راح يقولوا
اكيد عندهم اراء صحيحه مفيده

تحياتييييييييييييييييييي


__________________________________________________ __________

أنا رأيي من رأي أختي بكيزا

بس أنتي لازم تكلمينه من هالناحية
المفروض مايجيب سيرتها عندك أبد
وسكوتك ساعدة

وضحي له أن هالموضوع يضايقك
بس كوني هادية عشان مايكبر الموضوع وتصير مشكلة

والله يكون بعونك ويوفقك

تحياتي,,


__________________________________________________ __________

شوفي حبيبتي انا رايي من راي الاخوات بس في شغله حبيت احطهه في بالك يجوز هو يذكرهه جدامك لان يلمس فيكي شي يحسسه انك متضايقه يعني احتمال يبي يستفزك او يثير داخلك احساس بالغيره مو بالضروره يكون يحبهه بس اكيد هو حاس انك ماترتاحين لما يجيب سيرتها من رايي انك تسوين نفسك مومهتمه لموضوعها حتى لمايكلمك عنها قوليله اشوفك وايد تذكرها لو تبيك جان بقت عندك شنو انا مو ماليه عينك اذ بعددك تبيهه لي تزوجت ماظليت تبكي علاالاطلال او اذا تقدرين تطنشين لما يمل ويشوفك مو مهتمه افضل يظل مايييب سيرتهه لحاله لمايشوفك مومهتمه


__________________________________________________ __________

حبيتي أنت جيتي عندي على الجرح لأن والله تقريبا مثل حالتك بس فيه إختلاف أن زوجي كان خاطب وحده ولبس لبس الخطبه هذا نفسه يوم زواجنا ومادريت إلا بعدين من صوره شفتها رغم أنه حلف بأنه شالريها ولما سألته قال أنا ماكذبت والله شاريها بس للأسف مو لي
بس شسوي لازم أكبر مخي
القهر الحقيقي أنه كان يحب وحده جارتهم وتقدم لها14 مره تخيلي وأبوها يرفض أما ست الحسن والجمال
كانت تحبه ويقعد يحكي عنها وكيف كان خواتها يحبونها وهم كل يوم لازم يجيبون سيرتها قدامي بالمدح طبعا عشان بس يلعبون بأعصابي بس أنا ولا همني لسبب واحد أنه كثير تقدملي ناس وكلهم مناصب وووو
بس الوالد كان همه الدين بس للأسف المظهر مو كفايه تخيلي أيام الملكه قبل لايقول عن جوليت حقته قالي إذا جانا بنت وش رايك نسميها مابي أكتب إسمها وأنا على نياتي ياحسرتي

بس الكلمه الأخيره خليك ريلااااااااااااااااكس على الآخره ودامه يحب زوجته ليه تركها وخلي ثقتك بنفسك كبيره أنك الأحلى ولا ليش تزوجك
أما العيال فهذا من عند الله وماتدري الخير فين
وبالنسبه للأثاث لاتسكتي وبيني له أنها مامشت عليك إنه جديد أهم شيئ بهدوء وخليك هاديه
طبعا أنا أقولك كذا وأنا غيرتي نار بس أوضح عكس إلي بقلبي.
ياويلي حاسه بالقهر من زوجي تذكرت كلامه عنها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


__________________________________________________ __________

الله يسهل أمرك...

مثل ماقالوا الأخوااااات ( تحتاااجي جلسة هاديو صريحة)...