عنوان الموضوع : كرهتهم شتموني مجابة
مقدم من طرف منتديات نساء الجزائر

كرهتهم شتموني



اسعد الله ايامكم بكل خير
جيتكم يالغوالي وانا راجيه من الله ثم منكم تفيدوني وش اتصرف وش اسوي
انا صارت مشكله قويه بيني وبين زوجي قبل اربع شهور خلتني اطلب الطلاق المهم بعد شهرين علما بأني متزوجه صار لي 7 شهور رجعني زوجي ووافقت بالرجعه لانه اعتذر وطلبني وقال انه يعشقني مايقدر يعيش بدوني**لما رجعت بالصدفه طاح بيدي جواله الجالكسي وشفت الواتس اتفرج وفتحت محادثة اخته بشوف البي سيات الا اكتشف علووم وكلامه عني وكذبه علي عند اخته كلللل شي قاله كذب اني طماعنه فيه وانه مايحبني وانه كارهني واني مريضه نفسي واني مااستاهله وانه يصرف على اهلي واصلا اهلي مو بحاجته عشان يصرف عليهم انا كنت البس اجود الماركات واغلاها لما كنت عند اهلي ومعروفين بالعايله باللبس وحنا بخيررر الله مغنينا المهم واخته تجاريه بالكلام مافيه عياره ماقالتها وقالت ان الفقر بيدبحني وبرجع له ازحف مافيه سب ماقالته وانا ولله الحمد من اجمل النساء مافيني العيبه حتى اخلاقي معهم جدا عاليه حتى لما زعلت ورحت لاهلي ماحكيت**فيه لانه يوم من الايام كان زوجي**
بس هو كل شي شين قاله عني حتى فكر يتزوج قبل يطلقني وانا على ذمته عشان يقهرني **واخته تبحث له عن زوجه تقول اصلا ماتناسبك ماكنت ابي هالبنت زوجه لك بس الوالده اختارتها**برضو يقول اني الاحقه واطلبه يرجعني وهو ساحب علي واللي صاير اصلا العكس انا اللي ساحبه عليه
امممممي شتموها سبوها خلوها هي رأس الحيه على قولتهم وكل شي تحت راسها وانا اقسم لكم بالله انها كأنت ضدي وانها تنصحني وتمدح زوجي وواقفه معه
ودائما يقول لي ترى اختي تغلينا وتحب مصلحتنا واقوله على عيني وراسي وانا اغليها
انا لما قريت كل الكلام اللي يغث انههههرت جلست ابكي وصرت اعاتبه صح هو تغيرت معاملته معي للأفضل وصار يهتم طبعا الكلام اللي دار بينه وبين اخته كان في وقت الزعل بينا**
المهم قهرني كلامه انه يصرف على اهلي قهرني كذذذذذذبه لو كل اللي قاله صدق يمكن عادي عندي بس كذبوا علي قلت له اختك والله مااسامحها والوعد يوم الحساب وانت ماتوقعتك كذاب قال انا تكلمت لاني زعلان وصار يبرر وجلس يبوس ويستسمح ويطلبني اني انسى اللي قريته**
الحين كره اخته يسد الارض يجيني غثيان اذا شفتها الليل ما انام افكر في الكلام والاتهامات اللي قالوها عني انا احببببه بس بعد اللي قريته بردت مشاعري جاني تبلد**
يابنات حواء ايش التصرف التسليم اللي مثل حالتي وش اسوي وربي اني مجروووحه مقهوره لاني اكن لاخته الاحترام والتقدير وهم قالوا عني كلام يغث اهو بعد اللي قريته خاف اني اروح لاهلي صار يطلبني يقول تكفين لاتخليني انا اسف وصار يتعذر**
ابي نصايحكم ابي المغثه تروح من قلبي والكره اللي حملته لهم**

>>>>> ردود الأعضـــــــــــــــــــاء على الموضوع <<<<<
==================================


لاححول ولاقوة الابالله اذا هو اعترف سامحيه اكيد لحظة زعل واخته ماعليك منها بس اشرطي عليه انه يقلها ان كلامه مو صح والحي حتى مايعيد غلطته وتظلي معه وراسك مرفوع اماالطلاق فالمشكلة ماتستاهل هدي بالك


__________________________________________________ __________

الله يعينك ياقلبي ...

مدامك شايفه انه فعلا تغير ..

قولي له عشان اسامحك وقلبي يصفا ترد كرامتي عند اختك ومو بالواتس اب


لا ... وجها لوجه وقدامي ...

خليه يعتذر لك قدامها ويقولها ان الكلام اللي قاله ماله اساس من الصحه

ويذكرالكلام ويعدده ....


وبالمره هي راح يطيح وجهها لانها راح تعرف انك قريتي محادثتها مع اخوها


وخلي راسك مرفوع قدامها وواثقه من حالك


وحاولي تسامحي وتغفري وتنسي


وصدقيني الموضوع بس يمر عليه فتره راح تنسيه لزوجك بالذات وتغفري له


اذا اسلوبه طيب معاك


ربي يسعدك ويوفقك ويبعد عنك المشاكل يارب


__________________________________________________ __________

ياحبي اكيد كانت لحظة غضب والشيطان كان شاطر والا ماااعتذر لك زوجك
حاولي تنسين وماعليك من اخته عيشي حياتك لك ولزوجك فقط وش عليك من الناس والله كلام الناس لايودي ولايجيب الا الضغط والتوتر والامراض كفانا الشر


موفقه


__________________________________________________ __________

كيف كانت علاقتك مع زوجك قبل الطلاق؟.. واخته؟
انتي وش تحسين؟ انهم يجاملوكي، يساااايسوونكك، مو متقبلييينك اول الزواج؟
اذا كانت طبيعيه فهذي لحححظة غضب وخلاص يصير مب شايف شي قدددامه وبس يلعنن
فحاولي تتصالحي معاه حق الي قبللل وتسأليه من جد وفجلسه مصارحه.. سسؤال صريح ولازم تكوني مستعدده
'هل انت متقبلني وراضي فيني، ولا شايل علي؟... فيه صفه فيني ما اعجبتك وودك اغيرها... زي كذا مثلاً فكري'
بس خلي هالجلسه مصااااارحه على شكل لعبه عشان لاتحسون باحاسيس التحقيق وتشيلون ع خخاطركم
يعععععني يبالها اشياء كذذذذا تجدد وتعيد لكم ايام اوول $
الله يصلحححكم ويوفقققكم ويعيد حيآتكم مثل اول واحسسن $)
موفقهههه


__________________________________________________ __________

المسامح كريم