عنوان الموضوع : لو انحطيتي بهالموقف وش تسوين,, -لصحتك
مقدم من طرف منتديات نساء الجزائر

لو انحطيتي بهالموقف وش تسوين,,



بسم الله الرحمن الرحيم

عزمتني سلفتي الجديدة على بيتها انا واهل زوجي وعزمت كمان اهلها ... كنت انا اول الواصلين من اهل زوجي وكانو اهلها موجودين ..

انا رحت انا وولدي الصغير عمرة 3سنوات ونصف كانت الجلسة حلوة لكن لمن قدموا القهوة
وباشروا بالحلاوة باشروا بصحن منوع من الحلى ..انا اخترت قطعتي وولدي جا ويبغى قطعة اخت سلفتي مايبغى من النوع الي اخترته انا..

فانا قلتله عيب ياماما هذا حق الحرمه روح خذ من الصحن والصحن كان قدامي فوق الطاوله.. ولدي راح يبغى ياخذ قطعه .. وقبل لاياخذ الا اختها الكبيرة تقوله لا ياماما لا عيب مانمد يدنا انا اعطيك وتشيل ولدي وتجلسه عندي .. والله انحرقت على ولدي المسكين ..انا اتربط لساني ماعرفت ايش اقوللها بجد بجد اتفاجأت عمري ماشفت احد كذا يكسر نفس الاطفال..

ومن بلاهتي سلفتي تقول لاختها عادي ياشيخة لاتزعلينه وانا من شدة احراجي قلتلها البزورة يبغالهم وحدة تشد عليهم عادي.. قامت سلفتي شكلها انحرجت قالت لاختها خليه ياخذ بالعافية..

قمت انا قلت لا خلاص ياخذ من عندي والا اختها الي خاصمت تجيب الصحن لولدي وتقول هيا خذ اختار قلتللها شكرا خلاص ياخذ من عندي ماراح يكملها .. قالت لا والله ماغير يختار الي يبغاه ..

موقف مرة غبي انحرقت فيه على ولدي مرة وانقهرت منها ..اول مرة نتقابل مع بعض ونتعرف وكذا تسوي.. بس انقهرت اكثر من سلبيتي ماعرفت ابين زعلي اوتحفظي من الي سوته مع ولدي ..لأ رجعت اتكلم واهرج عادي ...

بالله ايش رايكم ؟؟؟؟

>>>>> ردود الأعضـــــــــــــــــــاء على الموضوع <<<<<
==================================


عادي ياختي لاتخلين هالموقف ياثر عليك
ويوتر العلاقه


__________________________________________________ __________

ياحبيبتي الحمد لله طلعت سلفتك تعرف الاصول وتعرف تتفادى المواقف المحرجه
ماعليك
تحدث كثير من هالمواقف وننساها
ربي يحفظلك ابنك

تحياتيييييييييييي


__________________________________________________ __________

من جدك انتي الله يهديك الموقف مررررررررررررررره عادي ويمكن هي تحب النظافه والايتيكيت عشان كذا ماتحب الحوسه مرررره عادي الموقف ياقمر


__________________________________________________ __________

عااااااادي و الله بعض الناس ما يحبون الصغار يقربون من الاكل و انا منهم الصدق
و موقف سلفتك اكثر من حلو و اختها بعد ما قصرت رجعت الصحن للولد
لا تصيرين حساسه


__________________________________________________ __________

بس بنفس الوقت هي تبغى تعلم ولدك ان ماياخذ شي من يد غيره

وربي يخلي لك ولدك وتبلغين فيه يارب