عنوان الموضوع : ابويا ومشاكل مالها نهاية -لصحتك
مقدم من طرف منتديات نساء الجزائر

ابويا ومشاكل مالها نهاية



السلآام عليكم
انا بنت عمري 13 سنه امي وابوياآ بينهم مشآاكل
في البدآية
انا كنت احب ابويا مرا وكنت صغيره وهوٓ ما كان يرفض لي طلب
كآنت تصير مشاكل بين امي وابويآ
مثال ان ابويآا يطلب من امِي فلوس وهيَ ما تعطيه
لأن ابويا مقاول وكم مرا فلس وقعد ع الحديده
تصير مشاكل وصرآخ في البيت كلو
فترة ع فترة صآار ابويآ شخص ثآني
زي مرآ جبت شهآدتي حقت الابتدائي ورحت وريته الشهاده
فقلي ببرود : ايش المطلوب
وقتها انصدمت صدمة
بعدها صار ما يصرف ع البيت ويدخل البيت ويروح غرفته وما يطلع منها الا للحمام او لما يطلع من البيت
قبلها صح بابا سوا غرفة نوم ماما عايشه اكثر من 20 سنه وما عندها غرفة نوم لما سوا لها غرفة النوم ماما انبسطت مرا
بعدين صارت مشكلة بعد كم شهر ف راح بابا السرير خلاه لواحد
والتسريحة شالها يعني طرد ماما من الغرفه
ومرا جاب واحد بالغرفة وقفل الباب
انا ابصم بالعشره ان بابا ما سوا شيء غلط
بس ماما زعلت وطلعت ماما تدق عليه الباب وهوَ جا يضآرب معاها
وصرآخ وسب
ومرآ بآبا جا في العصَر وكالعادة لما يصحيني يرفز الباب ونصحى احنا مفزوعين
دق الباب عشان صلاة العصرر ودخل غرفته ولما رجع لقى اخويا نايم
ف جلس يسب ويصرخ واخويا ساكت
ويضرب اخويا الكبير الي عمره فوي الخمس والعشرين
وماما تقول سيب الولد ولما قالت كدا جا يضرب ماما
فاللحظة دي دافع اخويا عن امي ودف بابا بعيد عشان لا يضرب امي
وسبسب ابويا وطرد اخويا وطلع اخويا وهوَ صاحي من النوم بلبسه
وفمه ينزف دم
وغيرها من مشَاكل صارت
احنا عايشين برآتب اخويا الكبير الي هوَ 9 الاف والضمان 2 الفين
واخواتي الاربعه كل وحدة فيهم لها مكافئتها
يعني عايشين بدون اب .. كم مرا صحباتي يسألون ليش ما تتكلمي عن ابوكِ
اختي صارت تخاف من اي صوت ومو بس هيه كلنا
يعني انا لو سمعت صوت السيارات الكبيره تمشي في الشارع اقوم مفزوعه
ومشاكل مالها اول ولا تالي
زي كل افراحنا تنقلب نكد
اختي الكبيره لما انخطبت وقرب زواجها راحت ام زوجها اتوفت
والثانية كانت تكلم اولاد وطلعت مع واحد وما سوت شيء واخت هالرجال كانت معاهم واتزوجتوا اي كلآام
واخويا كان يكلم وحده اكبر منه بسنه ويحبها وصارت مشاكل بسببها
واتزوجها وهيه اجنبيه وبدون موافقه ويوم زواجهم ضاعت جوالاتهم والدعب وهوية زوجته او شيء خاص بيها
وحملت زوجته وبنته جات بدون فتة الشرج وسو لها عمليات
والثانية انخطبت وبعد الخطبة اكتشفت ان خطيبها بارد وخواف ويسمع كلام امه واتفركش الزواج قبل موعد الزواج بأسبوعين
ودحين زواج الكبير وانا مومطمنه لزواج دا
احس حياتنا كلها مشاكل
اعمام ما عندنا كل واحدفي حالو واحنا طلعنا من العمارة حقتهم
وابتعدنا عنهم
وخيلاني كل واحد يتكلم ع الثاني
صحيح يوقفوا معانا بس بعيدين عننا
يعني لوحدنا .. بدون اب بدون عيله
وكل فرحة لازم تقلب نكد
احس حياتنا فيها شيء
والله اني اكتب وعيوني تدمع
اول مرا اتتكلم واول مرا افضفض واقول اسرارنا
بس خلااص احس قلبي ح ينفجر
احس اني لسه صغيره ع المشاكل دي
انا متوكلة ع ربي وعارفة ان هذا ربي الي كاتبه
وان اكيد ح نفرح في النهاية
بس احتجت افضفض لأنو ما اقدر اتحمل اكتر من كدا
وحاليا ابويا عاطل او لأ مدري عنو
مدري هل لازم نبروا بس مع العلم انو احنا كافين خيرنا وشرنا
لا بنعطي ولا بناخذ

>>>>> ردود الأعضـــــــــــــــــــاء على الموضوع <<<<<
==================================


ياعمري الله يفرج عليكم كل البيوت فيها مشاكل صدقيني بس أنتو يبغالكم تتقربو من الله وتتوجهو اليه وتستغفروا وتحافظوا على الأذكار والصلوات في وقتها وقراءة سورة البقرة كل يوم وخلي كل أهلك يقرئوها وشغلوها كمان في البيت كل يوم وأدعوا الله أنو يفرج عليكم كربتكم ويجمع بينكم ويهدئي سركم ويحميكم ويحفظكم من كل شر وعليكم بأستغفار ثم الأستغفار صدقيني هوا مفتاح لكل الأقفال ويجلب لكم الخير والبركة مع التقرب من الله
بالنسبة لوالدك أدعو له بالهداية والصلاح والله يحنن قلبه عليكم أدعو له دائما مهما حصل فهوا والدكم وعليكم ببره يمكن لما يشوفكم حواليه وتفكرو فيه وتزوروه وتطمئنو عليه يهدي ربنا قلبو ويحن عليكم وحتى لو ما حصل ده الشيء لا سمح الله برضو ده والدكم وواجب عليكم بره .
ويارب يفرج عليكم ويرزقكم الراحه والطمئنينه وتذكري قول الله سبحانه وتعالي (أن مع العسر يسرا) ولا تنسيو تحافظوا على الأشياء الي قلتلك هيا ولا تيئسوا وتملو والله يكون معاكم يارب ....


__________________________________________________ __________

حبيبتي انت لسة كتير صغيرة حتى تنهمي لهذه الدرجة لا يسعني سوى الدعاء لك
الله يفرج عليكم
بس نصيحة خليكي قوية ولا تتصرفي بتهور بسبب العائلة واكثري بلدعاء لله ان يصلح حالكم
دمت برعاية الرحمن


__________________________________________________ __________

الله يفرج همك وهم الجميع يا رب
اقراي قران في البيت يمكن في عين او شي


__________________________________________________ __________


__________________________________________________ __________