عنوان الموضوع : كيف اكسب رضا أمي مجابة
مقدم من طرف منتديات نساء الجزائر

كيف اكسب رضا أمي



السلام عليكم و رحمة الله وبركاته

تشجعت ان اطرح مشكلتي لديكم لما رأيت من تجاوب منكم الله ينفع بكم اجمعين

مشكلتي ( أمي )

انا بنت عمري 20 سنة
انا من طفولتي و مراهقتي و امي بعيده عني ( لظروف صحية )
بنت مراهقة قليلة دين و امها بعيده عنها و ماعندها اخوات- طبيعي رح تلجأ لطرق محرمة

كنت ع الشاتات و اكلم شباب و شغلات ما ترضي الله و رسوله
و كم مره امي تكشفني و ابكي عندها و تسامحني

نست انها بعيده عني كل البعد !

اعترف بغلطاتي و الحمدلله انا الحين تغيرت كثير و الكل يسألني وش غيرك

طبعا لا امي ساعدتني اترك خرابيطي و لا احد
انا وعّيت نفسي**
والله العظيم الي يومكم هذا نادرا انام ما ابكي ع لحظاتي التافهه و خوفي من حساب الله عليها ( الله يعفو عنا اجمعين )

امي الحمدلله راحت ظروفها**
طبعا انا عندي 6 اخوان

المهم
كل هالسته انا قايمه فيهم
الى اخوي الرضيع ( ينام معاي )
واخواني كنت اذاكر لهم**

امي بس روحات و جيات و جمعة اخوات و سفريات
وانا اذا تذكرت تعبها و كذا**
ارحمها و اصير اقوم ب دورها

ما اقول امي سيئة بالعكس - و راعية دين و صيام و ذكر و ستر

بس محد كامل**

و الى الان اذا شافتني امي ف غرفتي طولت
تفتح الباب تقول : هاه ! من متعرفه عليه هالمرة

( للعلم اني كنت قاعده احفظ القران بالجوال عشان لاتشوف القران معي - ابي حفظي بيني و بين الله )

انا اطنشها ما ارد بس ابتسم - و تروح !!

اذا شافتني اكلم وحده من البنات تجي تتسمع او تحرجني عندهم عشان تجبرني اسكر
صرت ما اكلم خير شر

ع قد ما اسوي لها ابي اكسب رضاها
ع قد ما انها دايم محقرتني قدام الناس و تضحكهم علي
و تقول صيري زي فلانه و علانه
و فلانه و علانه اللي تبيني اصير زيهم - صح محترمات بس اجزم انهم مو افضل مني

و للمعلومية : تمر علينا شهور بدون شغالة وانا اكرف كرف مو صاحي - بيتنا كبير مره
ومع ذلك اقسم بالله ماقد سمعت كلمة مديح منها الا يمكن مره او مرتين**

كيف اتعامل مع امي !
جد والله جربت كل انواع الرضا ولا يعجبها شي
امي كثير تقهرني
و مفضلة كل اخواني علي
ما قد سألتني تعشيتي ا تغديتي !
و اخواني ترفع لهم و تسوي لهم اللي يشتهون
انا مو من اهمياتها ابداً
( انا بنت و عندي احساس )
امي كثير تعورني
ماقد جبت لها هدية و قبلتها
و من بنات خالاتي وكذا تقبل كل شي منهم
و دايم تضحك و تسولف معاهم**
انا ماعمرها مسكتني قالت شخبارك ..

حتى اخبار الدراسة واذا علمتها مواقف وكذا
ماقد تفاعلت ابدا - اصلا من يوم ابدأ ف سالفة ع طول تمسك الجوال تكلم اي احد ( والله ما ابالغ )**
انا مايهمني اثبت ل أمي قد ايش تغيرت
الحمدلله الله يعلم بالصدور و طهارتها

انا بس ابي اكسب رضاها عشان الله يرضي علي !

انا والله خايفة ان ربي مو راضي علي عشانها مو راضية

و بالنسبة لحبها لي ..
انا متأكدة امي ما تحبني ، يمكن محبة الفطرة عشاني بنتها ..
ولا ابي محبتها اصلا بس ع الاقل رضاها
يمكن بعد الرضا تجي المحبة ()
طبعا هذا غير دعاويها !!!!!!!
( الله يقلعك ) ( الله لايوفقك ) ( الله يعينك ع نفسك تراك منتب متزوجة لان مافيه رجال عاقل يبي وحدة زيك الا واحد سكّير منتهى يفرغ شهوته فيك )


و بعد هذا كله ( انا مريضة بالفشل الكلوي - ولا علمت احد ؛ اروح انا و اخوي اسوي مراجعاتي واخلص الغسيل و ارجع وكأننا رايحين اي مكان ) مابي اقولهم و تضيق صدورهم علي !
خاصة ابوي ( لو ابوي غير الواقع كان اعتقد اعتقد انا كافرة الحين ) لان مافي ام مسلمة تخاف ربها و تحس بالمسؤولية تسوي سواة امي فيني ..
ابوي ! رجال يبكّي و بس ،
يارب لاتحرمني منه والله هو كل حياتي ..




اعتذر ع الاطالة
اول مره اشكي هالشكاوي
انا دايم صامته
بس جد احتاج كلامكم و دعمكم و افكاركم**
مهما كان ( بني آدم ضعيف ، و اخاف اضعف بعد تصرفات امي )



في امان الله ..

>>>>> ردود الأعضـــــــــــــــــــاء على الموضوع <<<<<
==================================


لي عوده للرد عليك يالغلا


__________________________________________________ __________

,,, الله يفرج همك خيتو ويهدي امك وترضى عليك ,,آمين ,,,مالك الا تصبرين عليها مهما كان هذي امك ,,,


__________________________________________________ __________

لااله الااللهشوفي اختي انااحكيلك قصتي وهذي اول مرة بحكيها انا بنت وحدة وامي ماانجبت غيري لان كان فالانجاب خطر عصحتها ورغم هيك انجبتني بعد 7 سنوات والمرض ازداد وكانت دايما تحسسني اني السبب وتشتمني وتهزاني وشغل البيت اتكفل بيه لانها مريضة بس لسانها لايكف عن اذيتي ولاتقبل اي شيء الى ان جاءت اللحظات الاخيرة من حياتها وعمري كان 17 سنة ..
في المدة الاخيرة كانت ترمقني بنظراتها وتتبعني ولاتريد ان انهض بجانبها ولكن لم تقل لي كلمة شكر او تحسسني انها تحبني وبعد ثلاثة ايام اخذ صاحب الامانة امانته ...ااااااه كم بكيت وتالمت رغم قسوتها وووو...علمت انها احن لخلق عليا والله يااختي حتى ان الجميع يشهد بتميزي فالطبخ وادارة المال وشؤون المنزل رغم صغر سني وحتى الان زوجي منبهر بي..
اتدرين لماذا...
لانه فضل الله اولا ثم هي رحمها الله والا لكنت تشتت وماعرفت اواصل وحدي بدون سند والان اتمنى ان ترجع لتشتمني لتضربني ...المهم اسمع صوتها ولو لحظة


__________________________________________________ __________

حبيبتي حاولي انك ترضيها باي طريقة كانت


__________________________________________________ __________

يعني ادخلي عليها بوسي ايدها