عنوان الموضوع : محتارة بزواجي انصحوني تكفون؟ مجابة
مقدم من طرف منتديات نساء الجزائر

محتارة بزواجي انصحوني تكفون؟



السلام عليكم ورحمة الله وبركاته
مساء / صباح ..الخير عليكم جميعا عضوات سيدتي

بدخل بالموضوع بدون مقدمات وابي منكم النصيحة وابيها نصيحة تفيدني تكفوون كلكم بنات او نساء عضوةات اومشرفات انا في حاجة لآرائكم ووجهات نظركم .

انا عمري 24 سنة وانا فعمر اصغر من كذا تقدمولي خطاب واااجد وكلهم ماعليهم كلام بس كنت ارفض بدون تفكير اتحجج بدراستي وصغر سني واني مابي اتزوج الحين وكذا واحد ورا واحد لحد ماتخرجت من الثانوية بعد كم سنة تقدملي ولد عمتي بس ماكان يناسبني ابدا من كل النواحي بالاول وافقت بس بعد مااستخرت رفضت وصارت شوشرة على هالسالفه لدرجة عمتي زعلت مننا وحتى صارت ماتسلم علينا .

مالكم بالطويله بعد كل هذا اكتشفت ان فيني عين وحسد والحمدلله تعالجت وتغيرت اوضاعي
بعد فترة قصيرة من علاجي وعن طريق مواقع الزواج فالنت راسلني شاب فالموقع عطاني اسمه بالكامل وكلمني عن اهله وظروفه وكل شي وطلب رقم اهلي عشان يخطبني منهم وفعلا اتصلت اخته على اهلي وطلبتني واهلي سألوا عنه فمنطقتهم .ناس واجد ومنهم شيوخ مدحوا فيه وزكوهـ وبعد اسبوع جا عندنا وجلس فضيافه اهلي 3 ايام وصارت الشوفه الشرعيه بينا وبعدها سألوه اهلي البنت عجبتك مازلت تبيها ...قال ايه حنا شارينكم

رجع لاهله على اساس يعمل الفحص فمنطقتهم وانا اعمله هنا ويتم الترسل بين المركزين الى هنا الامور اوكي... بس الغريب انه تأخر لمدة اسبوعين او اكثر لااتصل ولاسال ولاحتى رد خبر هل هو مازال شاري او غير رايه .اخيرا اتصل وقال انه عمل الفحص بس يتاخر عندهم رحت انا افحص وطلعت نتيجتي سليمة والحمدلله بعدي يمكن بـ10 ايام طلعت نتيجته وطلع عنده الكبد الوبائي b وعلى قولتهم اخف انواعه ومايلزمه علاج بس يلزمني انا تطعيم وقائي

طبعا يتم تراسل الاوراق والنتايج عشان استخراج الشهاده بين المركزين عندنا وعندهم وهالشغلات تاخذ وقت لوماوقفت على راس الموظف وزنيت عليه
ابوي متواصل معه وكلم له واحد يعرفه ع اساس يمشيها بسرعه الغريب انه بعد مارسل النتيجة حقته وتقريره قفل جواله يومين ولاسأل عن شي
وبعد يومين اتصل فيه ابوي وكلمه بشدة قال اذا غيرت رايك قول بس لاتسوي هالحركات يقول ابوي انه تلخبط لماقال كذا وقال لا ابد ماغيرت رايي والبنت ابيها وشاريكم بس عندي ظروف وهالظروف انه امه واخته مرضانين واللي اعرفه انا ان مرضهم موجديد من زمان مرضانين.
الحين كل المشكلة انه باقي على استخراج شهادة الفحص ورقة من عندهم تثبت انه موافق على ارسال النتايج وهالورقه مايمشي شي من دونها حاولوا ماتصير واللي بالمركز عندهم يقولوله سرية وماتطلع

وانا يابنات احس انه في شي غاااامض مااعرفه مع انه يحلف انه مصارحني بكل شي واخته تمدح فيه تقول انا عندي بنات وما الف وادور ..بس قبل يومين اتصلت فيني تقول له يومين متضايق لاياكل ولاينام

احس انه في شي بس ماني عارفه وشهو ولاابي احط بذمتي بس كأني بديت اخاااف تكفوون يابنات الله يوفقكم انصحووني وش اسوي انا من فترة طويلة محد تقدملي وهالولد فرصتي الوحيدة تحمست لما الشيوخ مدحوهـ ولاني امنيتي اتزوج من برا منطقتي فرحت فيه بس هالحركات والغموض والتاخير اللي حاصل خوفني وموعارفه اتصرف راسي قام من التفكير تكفوون وقفوا معاي .

>>>>> ردود الأعضـــــــــــــــــــاء على الموضوع <<<<<
==================================


وعليكم السلام ورحمة الله وبركاته

من رأيي تصبرين شوي وماتستعجلون عليه حتى توضح لكم شخصيته وظروفه اكثر
خاصه انه من برا منطقتكم وماتعرفون عنه شي ..
وانتي ادعي ان الله يكتب لك اللي فيه الخير مع هذا الخاطب
وان اذا فيه شر يصرفه عنك ويعوضك ب اللي خير منه ..


...


__________________________________________________ __________

,, لا تستعجلين اختي انتظري شوي يمكن هو متضايق من شي غير الزواج لو مايبيك ماقال انه شاريك ,,,الايام الجايه راح تثبتلك ايش سبب ضيقته ... والله يسعدك ويكتب لك اللي فيه الخير ,,,


__________________________________________________ __________

>>>>>>>>>>>>>>>>>>>>>.


__________________________________________________ __________

ماتستعجلون عليه حتى توضح لكم شخصيته وظروفه اكثر


__________________________________________________ __________

اختي انا مره قرات في النت انه من علامات المسحوره بعد اعجاب الخاطب واهله بها انه يتضايق بدال تفكيرك اقراي سورة البقره وارقي نفسك واذا مارجعلك لاتحزنين لانه مومن نصييبك والي يصير بعد الاستخاره هوالخيره باذن الله لاتخافين استغفرالله واتوب اليه