عنوان الموضوع : افيدوني وش اسوي حصلت شريحه في سياره زوجي وأنا اشك فيه انه يكلم من وراي -تم الاجابة
مقدم من طرف منتديات نساء الجزائر

افيدوني وش اسوي حصلت شريحه في سياره زوجي وأنا اشك فيه انه يكلم من وراي



أخواتي انا اثق بكم كثيرا لذلك اردت ان استشيركم بمصيبتي
أنا مره شكيت بزوجي انه يكلم وصارحته وقلت له انا اشك فيك وانك تشحن وتخلص الشحن بسرعه وهذي مش من عوايدك واني شفت صوره خليعه في جواله وقررت بعدها اني مااكمل مراجعه للاطفال الانابيب لانه ماعندنا اطفال وهو يحبني ومايقدر يستغني عني
وحلف بالله انه مظلوم وانه ماعنده الا شريحه وحده
وان لصوره اللي شفتها واحد زميله ارسلها بلوتوث ودافع عن نفسه حتى صدقته ووافقت على اكمال مراجعتنا
المهم مره كنت معه بالسياره ونزل البقاله و حصلت شريحه تحت الدعاسه
وأخذتها وشبكتها بجوال معي وخليتها شغاله لعل وعسى أحد يدق واليوم الثاني دق رقم أكثر من مره واخذت الرقم ودقيت عليه من رقم جوالي وطلعت بنت تكلم وسويت نفسي اني غلطانه واخذت اسمعها وعرفت انها باي منطقه هي وبعدها أحس أني بموت من القهر وش اسوي اللحين زوجي يغازل وحده غيري مع اني حلوه ودايما اتغزل فيه بمووووت من القهر اللي قاهرني اني كل صباح قبل لااداوم ارسله رسائل غزل وهو أكيد يأخذ هالرساءل ويرسلها لها
واللحين الشريحه عندي وماراح ارجعها لاني متاكده مستحيل يسأل عنها لاني بقوم الدنيا على راسه هو فقدها بس مايقدر يتكلم
هل اللي سويته صح ؟

واللحين عنده اجازه من الدوام علشان الاختبارات ومره طلع ودورت بالغرفه وحصلت حبوب منشطه هل أخذ حبه منها علشان يكون عندي حجه أحد الايام ولا اخليها


صحيح اللي أقوله سلبيات لاتطاق في زوجي بس والله انه مدلعني دلع محد شافه ويحبني واللي ابيه يعطيني اياه علشان كذا ا مافكر في الانفصال واقول اذا جبنا عيال ربي راح يصلحه

ارشدوني يابنات ويازوجات أخاف اني غلطانه وانا ماادري

>>>>> ردود الأعضـــــــــــــــــــاء على الموضوع <<<<<
==================================


الله يصلح الحال يا اختي
اذا على الشريحه لا تواجهيه اذا ما سألك
واهتمي فيه زياده عشان ما يدور غيرك
لانك اذا واجهتيه رح ينكر وتصير مشكله ويحط اللوم عليك ويقول انك ما تثقين فيه
عشان كذا تفتشين من وراه
والله لو شافك مهتمه فيه وهاديه لا تسالينه وين راح وليش اتاخر وووو رح يستحي من نفسه
اما على المنشطات اذا هي مخدرات قصدك فهذي لازم تنصحينه بالهداوه
وبيني له انك خايفه عليه وانك تحبيه ولازم يبطل
عشان اذا صار عندكم اولاد ان شاء الله تربونهم بدون مشاكل وخرابيط
الله يصلح حالكم ويهدي لك زوجك ويرزقك الذريه الصالحه ...




.


__________________________________________________ __________

مشكوره أختي على الكلام والنصيح الرائعه بس ماعلقتي بخصوص الحبوب المنشطه ترى يهمني رايك لاني شعرت بانك عقلانيه وانا من النوع العقلاني وجزيتي كل خير


__________________________________________________ __________

كل الرجال كذا جعلهم للمرض انا زوجي العن واحد 24 ساعه معاكسات والمشكله انا عارفه وساكته لاني مابي اتطلق يكفي خواتي مطلقات والناس بدات تعايرنى على خواتي كل يوم وحده مطلقه


__________________________________________________ __________

الحبوب المنشطة تاكدي منها
واذا تاكدتي انها مخدرات سوي نفسك ترتبين المكان اللي موجوده فيه وهو موجود
بعدين قولي له وش هذا عاد شوفي ردة فعله وقولي له انك شفتيها في التلفزيون انها تجيب العقم...
والله يصلحهم لازم الحيلة


__________________________________________________ __________

الله يعينني ويعينك ان شاء الله ومشكوره على الرد