عنوان الموضوع : والدة طليقي الحبيبه
مقدم من طرف منتديات نساء الجزائر

والدة طليقي الحبيبه



بسم الله الرحمن الرحيم

اخواتي العزيزات بغيت مشورتكم بشي .. يعني مو مره كايد .. بس بغيت المشوره من الاخوات الكبيرات ..

انا تزوجت عن حب لما كان عمري 17 سنه .. كانت اسعد اعوام حياتي و الحمدلله .. انا و زوجي كنا نعشق بعض لدرجه خرافيه .. و الكل كان يتكلم عن حبنا و حياتنا كيف مثاليه و كده ..
درسنا الجامعه مع بعض .. تخرجنا مع بعض .. حتى توظفنا مع بعض .. احنا الاثنين اطباء .. لين صار عمري 21 سنه ..
بعد هذي الاربع سنوات صارت مشاكل عووووووووزه .. و صار لازم نتطلق .. و فعلاً تطلقنا .. بس علاقتنا فضلت مرره حلوه .. يعني نلتقي بالعمل .. و عادي مثل كل الزملاء .. التعامل بيننا مره عادي ما تغير شي .. و نتعامل مع بعض بكل احترام و رقي ..
طيب وين المشكله ؟!!
المشكله يا بنات في والدة طليقي ..

هالحرمه يا بنيات مهما اوصفلكم ما راح تفهمون وش كثر هالحرمه طيبه و محترمه و كانت تحبني ..
هي لها بنت واحده صغيره .. و تعتبرني انا بنتها الكبيره .. كانت تحبني مووووووت و انا بعد كنت احبها .. و كنت اكلمها كل يوم و اسأل عنها و احكيلها و تحكيلي و نروح لهم كل نهاية اسبوع .. يعني عطلة نهاية اسبوع ببيت اهلي و عطلة نهاية اسبوع ببيت اهله ..
و ما قصرت وياي ابد .. حتى بعد الطلاق حاولت كثير انه تصلح بيننا بس ما كان ينفع ابد .. كل شي خلاص انتهى بيننا من هذيك الناحيه ..
المهم انها كل سنه تسافر لزوجها بالبلد اللي يشتغل فيها "ابو طليقي" .. و انا يوم ترجع من السفر اكون محضره البيت و مجهزه الاشياء للضيوف "لأن بنتها صغيره تو بالثانوي و تكون مسافره معها .. و سلفتي مو ذاك الزود عليهم" ..
المهم العام الماضي كان الطلاق توه يوم جت هي من السفر .. و لما جت انا رحت لها و حمدلت السلامه و رحت .. مع انها حاولت تخليني اقعد و نسولف و كذا بس انا البيت كان يرجعلي مررره ذكريات مع طليقي و ما قدرت اقعد ..
و بطول هالسنه ما كلمنا بعض غير كم مره بس .. و احس نفسي مررره تفشلت معاها و الحرمه ما قصرت وياي ..
المهم انها بترجع من السفر بعد شهرين ان شاء الله .. برايكم اروح لها و اسلم عليها و كذا عادي مثل الضيوف العاديين و لا ما اروح و لا وش اسوي ؟!!
و الله مره محتاره شوروا علي بنات

>>>>> ردود الأعضـــــــــــــــــــاء على الموضوع <<<<<
==================================


هلا مو غلط انك تروحي لعندا انتي عم تقولي انو كانت منيحة بس اذا فيكي تشوفيها برا منو بتغيرو جو ومنو ما بتتاثر نفسيتك ولا شو رايك؟


__________________________________________________ __________

ليش ماترجعي لزوجك وترتاحي


__________________________________________________ __________

سمي بالرحمن وارجعي الرجلك

انا مدري وش خفيات الامور وخلفيات الطلاق

بس الامر الظاهر الامور كلها طيبه

ويمكن الي فرقتكم عين او حسد

خليكم اقوى من الظروف وارجعوا

وين بهالزمن تلقين ام رجل طيبه ؟؟

الا م رحم ربك

الله يصلح شانكم

اتمنى تمر هالشهرين

ومن ترجع امكم من السفر

تلقاك مرتبه البيت والاستقبال كالمعتاد

استخيري بالرجوع الطرق سالكه بأمر الله

وخلوها مفاجئة للعجوز تفرحون قليبها

الله يهديكم ويسخر لكم لبعض

ويسخر لي الي عندي


__________________________________________________ __________

عااااااااااااادي عامليها كأي امرأة تحبيها
لان ليس له ذنب


__________________________________________________ __________

ليش يا أختي ما ترجعي لزوجك مادام أمو مليحة معك ؟؟؟؟ وعادي تشوفيها بس لو تعزيمها مطعم أو مكان خارج المنزل ... في هدا الزمان صعب تلاقي حمات طيبة لا تضيعيها من اديك