عنوان الموضوع : ساعدوني حياتي راح تدمر والسبب أختي وصديقتها المشعوذة -لصحتك
مقدم من طرف منتديات نساء الجزائر

ساعدوني حياتي راح تدمر والسبب أختي وصديقتها المشعوذة



أنا عندي مشكلة كبيرة جداً أتمنى تجدون لي حل لمشكلتي لأن خلآص حيآتي رآح تنهدم ونفسيتي جداً تعبانة جداً والسبب أختي
وصديقتها حسبي الله ونعم الوكيل فيهم أرجوكم ساعدوني أنا في خطر المشكلة أن أختي تكرهني جداً وتتمنى لي الموت في أسرع وقت ممكن وأنا بالنسبة لها عدوتها اللدودة وماتحب لي الخير وتبغى لي الأذية وتنتقم منى وانتقمت مني
راح أقولكم قصتي بس أتمنى أنكم ماتطنشوني ربي يوفقكم وتعطوني حل بأسرع وقت ممكن مشكلتي أن أختي تعرفت على وحدة في المحل اللي كانت تشتغل فيه وهذي اللي تعرفت عليها كانت زبونة والحين صارت صديقتها حبيبتها وأختها وأنا عدوتها المهم هذي صديقتها أكبر مشعوذة شفتها في حياتي وأختي عارفة أنها مشعوذة وتبيها تساعدها وتوقف وياها أنها تنتقم من كل اللي تكره وفعلاً حققت لها اللي تبيه وأختي حكت لها عن كل شي يخص حياتي الشخصية وأسراري بالبيت ماخلت شي الا وقالته لها
وكذبت وسوت نفسها المسكينة والبريئة وأنها ماتسوي شي وأنها مظلومة المهم هذي المشعوذة بنت أبليس حسبي الله ونعم الوكيل فيها استغلت الموقف وقامت تخرب وتفتن وقالت لها أنها أكشفت لي وقالت أني أنا ماحبها وأني أغار من ذكائها وطبعاً كل هذا كذب على أنها مشعوذة كبييرة وأنا كل كلامها صح ومضمون وقامت كل يوم يومياً تجي بيتنا حتى أنها تجي من الساعة 4 العصر وتطلع 10 بالليل وهي متزوجة بس زوجها مايجيبها تجي وتروح بالموزين المهم تعرفت علينا وتعرفت على أمي وعاد أمي من النوع اللي يصدق بسرعة ويثق بسرعة راحت المشعوذة وش سوت قالت لأمي أن أحنا مسحورين ولازم نفك السحر والااذا مانفك راح نموت ولازم تعطوني فلوس كثير وقامت المشعوذة تخليهم يتسلفون من الناس كلهم حتى والله العظيم صاروا الناس تتكلم علينا حسبي الله ونعم الوكيل فيها وقاموا فوق كذا أخذوا ذهبي وباعوه وعطوها فلوس وكل هالكلام اللي قالته لهم غلط موصحيح بس تبي فلوس وهوأصلاً مافيه سحر حتى زوجها اللي هي أختي طلقها لأن الناس قامت تتكلم عليها لأنها تتسلف وطلبوا مرة ثانية مني ذهب وقلت لهم ماعندي خلص الذهب وتروح المشعوذة وتقول لهم الا عندها ذهب وخاشته وبعدين قلت لهم أي أنا عندي ذهب وماراح أعطيها ولاشي لأني مومصدقتها وقامت المشعوذة الله لايوفقها تتكلم علي وتحش فيني وتفتن علي لدرجة أنها قامت تشوه سمعتي وشرفي وكل شي وماخلت شي في سمعتي الا وشوهته خلتني وحدة ماأسوى حسبي الله ونعم الوكيل فيها ربي ينتقم لي منها وأقنعت أهلي وشوهتني وزيادة أختي قامت تصدقها وأتفقت معاها لدرجة أنها خلتهم يطردوني من البيت حتى والله العظيم صار لي سنتين ونص ماشفت أمي وأبوي حسبي الله ونعم الوكيل فيها وأخواني يدورون عليها يبغون يشتكون عليها عند الشرطة
وهي أختفت بس أختي الملعونة حسبي الله عليها تتواصل معها الى الآن عبر الجوال عشان يعرف مكانها وأنا متأكدة أنها تعرف مكانها وربي نفسيتي جداً تعبانة خايفة تشوه سمعتي بنت الحرام عند زوجي حسبي الله نعم الوكيل فيها مادري أشتكي عليها عند الشرطة بس ماأدل بيتها وأخواني واقفين معاي يبغون يشتكون عليها وربي ياناس تبغى تدمرني ماعرف شسوي حتى أهلي أقطعتني منهم حتى أنها حاقدة علي وصايرة تعبي راس أختي المطلقة اللي هي صديقتها وقاعدة كل شوي تحفر وتكشف علينا خربت بيتنا الله لايوفقهم انا أبغى أشتكي عليها عند الشرطة يدورونها بس ماأعرف كيف الطريقة دلوني اللي عنده خبرة ينقذني وربي راح اتدمر من الساحرة المشعوذة هذي قاعدة تفضح فينا
ساعدوني الله يوفقكم دنيا وآخرة لاتنطشوني بمشكلتي طلبتكم أخواتي بالمنتدى هذي المشعوذة وأختي مايخافون الله حسبي الله عليهم وأفوض أمري لرب العالمين بس أبي حل أودي المشعوذة السجن لأنها دمرتني دلوني على مكان أو رقم عشان اشتكي على الظالمة اللي ماتخاف الله أوهمت أمي وأمي الحين نفسيتها تعبانة وأنها تبغى تساعدنا وهي دمرت حياتنا الساحرةساعدوني وربي مقهورة وأبكي ..

>>>>> ردود الأعضـــــــــــــــــــاء على الموضوع <<<<<
==================================


اول شي الله يعينك بس والله ما عندي اي خبره بهاذي الاشياء وادعي اللهم اكفنيهم بما شئت والله يكفيك شر أختك واللي معاها والله يصلح حالكم..
ثانيا صدقيني انك اضفتي أشياء بموضوعك خليتي الموضوع طويل وصار اي وحده تدخل وتشوفه طويل تطلع بدون ماتكمل يعني وهذا رأيي اذا تبغين مره ثانيه تضيفين موضوع اختصر قد ماتقدرين وان شاء الله تكونين فاهمه علي حبيبتي..


__________________________________________________ __________

اولا
حبيبتي الله يعينك على مابتلاك واسال الله لك الفرج
ثانيا ..
حطي ببالك ان اللله يحب المؤمن القوي ومن هالشيء وقفي ودافعي وكلمي امك واشرح لها الوضع
استغرب انك ساكته كل هالسنين والحين تشتكين
ليه ماتعرفين ان هيئة الامر بالمعروف والنهي عن المنكر يتصيدون هالاشخاص ؟؟
وزوجك وينه ؟؟؟
طامااخوانك معاك ليه ساكتين هذا وهم رجال وعارفين العلوم ليه
ماتتصرفون بسرعه وتوقفوها عند حدها
وزوجك المفروض مسكتيه وقلتيله الوضع كذا وكذا
حتى اذا سمع شيء مو كويس يوقف معاك
لا تخليه اخر من يعلم ويجيه التخبيص من برا
انتي بريئه كلميه وربي معاك ماراح يخيبك
مافي الا الشكوى وبسرعه على هيئة الامربالمعروف
وخبريهم بذهب العايله اللي راح ويجيبوه غصب عنها
واختك ذي اعوذ بالله منها
وادعي اخر الليل وانت على سجادتك والله بينصرك غصب عنهم كلهم


__________________________________________________ __________

حسبي الله ونعم الوكيل طيب بلغي عنها بالهيئه والله يجيبون راسها الله يكفيك شرها


__________________________________________________ __________

لاحول ولاقوة الا بالله العلي العظيم

حسبك الله ونعم الوكيل فيهم الله ينتقم منها ياااااااااااارب وياخد حقك منها وان شاء الله البنات يفيدوكي


__________________________________________________ __________

حبيبتي خلي اخوانج يراقبون اختج ساس البلا..لاتصدقين انهم بس متواصلات من الجوال اكيد يشوفون بعض ويتقابلون..بعدين اخذي رقمها من جوال اختج وسووا عليها ملعوب..من شريحه ثانيه باتفاق مع الهيئه عشان تمسك متلبسه ،، يعني هذي تعتبر مفسده بالارض ولابد من محااكمتها..الشرطه ماراح تفيدج بشي الهيئه هم متخصصين للاشكال هذي،،واختج شلون اخوانج مخلينها جذي براحتها؟؟..اخيه مال قص رقبه وطاااعون يشيل هالاشكال من على وجه الارض سحر ودجل وشعوذه اعووذبالله ناس ابد ماتفكر باخرتها استغفر الله العظيم..لاتحيبين طاري لزوجج عن اي شي مو ناقصه انتي ينخرب بيتج..خليج على قلب واحد وايد وحده مع اخوانج ولابد ماتنكشف هالحرمه وتروح بستين داهيه..الله ينصركم عليها ويخزيها يارب..موفقه يالغاليه وربي يحميج من كيد الشياطين والانس يارب.