عنوان الموضوع : مجـــــــــــــــرد بـــــــــــــــــــــــــــــــــوح -لصحتك
مقدم من طرف منتديات نساء الجزائر

مجـــــــــــــــرد بـــــــــــــــــــــــــــــــــوح



بسم الله الرحمن الرحيم

السلام عليكم

ي اخواتي مشكلتي انا متعجبه فيها

انا كنت مسماه لولد عمي والحكي بعد مو واضح ومسلم به

والخواطر بيني وبينه متقاربه

كان وسيم لدرجة عاليه جدا جدا لدرجة البعض لصرنا باماكن عامه يحسبه اوروبي ويستغربون

واحنا نسمع انه يتكلم عربي

المهم عمي الثاني حط عينه عليه لوحده من بناته

وبنات العايله عليه حطم كل وحده تبيه

صفاته الاخلاقيه يعني زينه وميب زينه بذاك الوقت طفوله ومراهقه وتقلبات تعرفون

لكنه من وجهة نظري كان مستقبل رجل فيه غيره ويكره التبرج واذا اذنب يندم ويجلس مع نفسه ويحب الصلاة والمساجد

المهم انامع هالانسان بمد وجزر مو لاني قبيحه بس مو بمستوى جماله ولا وسامته

المهم بنات العايله شاغلهم منهي نصيبه

كنا نجتمع بالاجازات وهو يلمح لي كثير بس انا مااعطيه وجه

من جهه اهلي شديدين باشد من معنى الكلمة ومن جهه انا صغيره ومااعرف شسوي

ومن جهه مستبعده للفارق الجمالي

المهم صاروا اهله لاجونا يلا جبناك لفلانه الي هبلت فينا عندها

ودوني لفلانه ودوني لفلانه هذانا جبناك لها

ومن هالحكي ومن هالتعليقات

المهم هالانسان تسلل لاعماقي بهدوء بدون ما احس او افتعل او اتعمد

المهم كل ماكبرت كل مازاد غلاه لدرجة حبيته اكثر من نفسي

ومن شافه مالامني

والله اني احيان اقول هذا فلان كيف جمال يوسف المذكور بالقران الكريم

المهم العوايل بينها مشاحنات عاكستنا الظروف مادخل المجال الي يبي

تصعبت ظروفه الماديه وتعقدت ظروفنا الاسريه والي تولى كبر الموضوع امي سامحها الله وامه

المهم حصل اني شفته صدفه في بيتهم وانا بمرحلة الجامعه وكد تغطيت عنه وغبنا عن بعض

دخل بغرفه كنت نايمه فيها وصحاني ورما علي عباتي وقفت على رجليني

وجايسألني عن حالي واحوالي وشفيك نايمه هنا بهالوقت احد مزعلك اختي فلانه زعلتك(مشهوره انها ملسونه ع الكل) واخرماقال : انا خايف تضيعين مني بعدين وين القاك

المهم خرج من عندي

وانا كني بحلم ومن وين هالجرأة جته ؟عالم محافظه لدرجة الجنون وكلهم مجموعين بغرفه جنبنا الباب بالباب

المهم هالموقف حرك اشجاني وصرت معد اشوف ولا اسمع ولا ابي من الدنيا الا اني التقي بهالانسان

حتى لو اعيش معه بخيمه بصحراء

المهم ماقدامي غير ربي

صرت مانام الليل اصلي واختم وسمعت عندكل ختمه دعوة مستجابه

ختمه دعيت الله بالسياره وجات

ختمه دعيت الله بالهدايه وتطوع

ختمه دعيت الله بالوظيفه وتوظف

ختمه دعيت الله يرزقه المهر



بيوم وانا بالختمه ان الله يجمعنا على خير بديتها بس ماخلصت

دخلت المطبخ اسوي حليب دخل ابوي يكلم امي

يقول فلان كلمني ويقول : ياعمي ابيك تساعدني على الزواج

قلت ابشر منهي الي تبيها (ابوي متيقن مثلي اني انا المقصوده) يقول قال : وحده من خوالي موب القريبين لا البعيدين

انا من هول الصدمة وبنفس الوقت ماابي امي وابوي يحسون بشي مدري وين انا

انا حبيته حب اكثر من نفسي تعرفون يعني ايش اكثر من نفسي

لدرجة اذا انخطبت اقفل على نفسي وسط الدولاب وابكي بقلب محروق واقول والله محد يغلبك علي

لو يموت وما اتذكر غير كلمته : اخاف تضيعين مني بعدين وين القاك

المهم صعقت وطلعت لاختي الصغيره ابكي زي المقروصه

الحقيني يافلانه فلان خطب غيري اختي ناظرتني من فوق لتحت وقالت طيب هم يبونك كذا تنجنين

اختي من ضمن العالم الي كانت تتطلع له ورغبانه فيه ويوم وقع الاختيار علي حقدت من ضمن بنات العايله

والله ياجماعة الخير ياشفت بعين اختي شقيقتي فرحه ماشفتها بأحد

المهم انا كرهت نفسي وتغربت من نفسي لدرجة فصخت ملابسي ولبست قميص اختي

كني اقول الي صارله كذا موانا او اني مت ذيك الساعه... مدري شعور غريب وبس

المهم شفت الموت الوان كل كلام الدنيا ماتوفي شي بصدري على قد ماحبيت هذاك الانسان

لدرجة ابتهل لله الليل الطويل يارب لوجينا يوم القيامه وماعندي الاحسنه وحده عطه اياها ودخلني النار مكانه

حبيته حب يمكن مافي بشر حبه احد

المهم

زواجته هذي ماتمت حاول يرجع الامور

انا طبعاً وصلت نقطة اللاعوده ولايمكن ارجع له..... من قو الصدمه

صرت لاناموا اهلي اطلع السطح وانزوي بركن وابكي الين اتثنى واسأل ربي

ياربي بدل قلبي بقلب جديد من عندك لانه هو مو بقلبي هو صار قلبي

هو انسجة قلبي وشراييني واوردتي

ضعفت وتعبت وصفرت والعله الي بالقلب بالقلب

بعدها بفتره سمعت انه خطب وتملك

يوم زواجه صمت لمدة اسبوعين ليش ماادري ؟

طحت بفراشي مريضه غبت عن الجامعه شهر وانا مااغيب يوم وممتازه وم الاوائل بقسمي

المهم بعد الشهر رجعت جسد بلاروح كل ممر بالجامعه او قاعه اشوفه فيه

لاني كنت امشي وهو معي من كثر مو عايش بوجداني احسه معي بكل مكان

المهم انخطبت وتملكت طبعاً كنت ابي كذا من باب الانتصار الي تملكني ابن حلال وطيب

وحبني حب جنوني لدرجة لاتوصف

كل ماشافني قال مكاني من هالزين محجوز بشهار

المهم امه شافت هالحب طارت وجن جنونها وجلبت بخيلها ورجلها على هالجريحه

وهوطلع ولد امه وزاد الكسر كسر من الي ابيه نصر

المهم صابرت وصبرت وجبت اطفال وانا بين الناس مومياء

بين كبرياء انثى جريحه ماتبي تعترف بالهزيمه وبين حياة صعبه مع رجل انهزامي وام متسلطه

حصل طلاق واول ماسمع ولد عمي بطلاقي كل يوم وهو عندنا

لين خطب انا من داخلي خلاص ماابيه

بس ابيه

المهم ابوي الله يغفرله شرط شروط عقدت الامور

وكلمني : واسلوبه كأنه يتكلم مع وحده نازله من كوكب ثاني لدرجة يقولي : تعرفين المي تعرفين الرز اذا قلت زحمه يقول تعرفين الزحمه

المهم تكلم كلام طويل عريض وقال سبب فرقانا امي وامك امي تقول بكرا عيالك يتخانقون زي ابوها وعمها وكلالالالام يوجع انا مالي دخل فيه

المهم قال والله انه اصعب يوم مر بحياتي يوم زواجك انا ابيك تقعدين بلا زواج وطالبك من الله بالجنه

قلت كذا؟ يعني اعيش حياتي وحيده على حساب انانيتك وسماع العذل فيني وانا مااذنبت

قال تدرين يوم زواجك ماحضرت واني مرقد بالمستشفى

تراني احبك وانا طفل وانا ولد وانا رجل وانا شايب واحبك لين اموت واحبك ليوم القيامه

المهم وقف الحكي

وتزوجت انا غير ابو عيالي ويوم درى انهبل اتصل على جوالي ومارديت

وبعد فتره اتزوج وحده على مرته

وانا انفصلت من الرجل ورجع يطلبني وسديت اذاني

ورجعت لابو عيالي يوم رجعت ولد عمي تعب وترك عمله وترك الحياة وحلق لحيته وترك الامامه بالمسجد وصار يدخن وحاله انقلب ولو الموت مايسلم على رجلي اويجلس معاه او يسولف معاه ابد ويقولون اخواني يقعد يشيله ويحط بالنظر

وبس جالس في بيتنا تارك اهله وبيته وعياله وجالس في بيت اهلي وانا اصلا منيب موجوده بالمنطقه كلها

انا خلالاص طبعاً هو عندي ايئس من اليأأأأأأأأأأأأأأأأأأأأأأس

بس كل الي اطلبه ان الي حرمه عليه بالدنيا على التأبيد الله يحرم عليه الجنه على التأبيد بس

هذا طلبي من الله

المشكله الحين بالسنتين الاخيره كل ماتخانقت مع رجلي يقفز ولد عمي بمخيلتي وابكي ايااااااااااااااااااااام ولياااااااااااااااااااااااااااااالي متواصله كلي حنين

ودايم اقول خلاص بيموت واموت ماحس بحناني ولاعمري حطيت راسه على صدري وضميته

تنتابني هالحااااااااله بشكل يعزلني عن اهلي وناسي وعيالي وكل حياتي

ايام وارجع لحياتي الطبيعيه

ي اخواتي هذا مجرد بوووووووووووووووووووووووووح والا انا ادري اليأس قال كلمته

انا مالي طموح مستقبلي فيه

انا اليوم بالاربعين وعيالي رجال وهو مقرب الخمسين وعياله رجال

>>>>> ردود الأعضـــــــــــــــــــاء على الموضوع <<<<<
==================================



بصراحه احسك حقوده
وليه ذا كله ؟؟؟
المفروض تعرفين الاسباب وبعدها تحكمي وتقسي قلبك
والمشكله حتى بعد ماعرفتي ان السبب امك وامه لسا حاقده عليه
مااتوقع هذا حب
اللي يحب بقلب وعمق وجنون ينسى ويتخطى العثرات ويسامح
ويعيش مع من يحب فيما بقى له من سنين
واسمحي لي انتي قلبك قاسي ويمكن ميت
مو حب حبيبتي هذا ممكن تحدي فقط تبين تثبتي للاخريات اني انا من فزت بقلبه فقط لا غير
واخذته رغما عنكن
خسااااااااااااااره والله تلاقي واحد يحبك هالحب وتتنازلي عنه بسهووله وببرود
لكن انتبهي لزوجك واولادك حاليا



__________________________________________________ __________

انا معك انه اهان كرامتك وجرحك
بس كل هالحب منك ومنه كان يخليكي تغفري له ولا شو؟؟؟؟؟؟؟؟؟؟؟؟؟؟
المهم لاتفكري في شئ غير زوجك وعيالك وكفاكم طلاق وزواج
الله يهون عليكي


__________________________________________________ __________

حبيبتى انتى قلتيها بلسانك مجردبوح انسى وتناسى وعيشى نعم عيشى لاولادك ولزوجك وبيتك وفى قصص حب ماتكتمل بالزواج ولللاسف تكتمل بالزواج والنهايه طلاق يعنى ياليتها مااكتملت انا وحده من الناس ماتت قصه حبى قدام عيونى دفنتها وخليتها ذكرى للمشاعر الصادقه وكملت طريقى بكل قوة ماخليت شى يوقف بطريقى وتزوجت وانجبت وعايشه لااول وحده ولااخر وحده وتقبلى مرورى


__________________________________________________ __________

خلاص ماعاد باقي بالعمر كثر اللي راح

بتقضيها بكى

باختصار اللي فاااااااات ماااااااات

عيشي حياه طبيعيه


__________________________________________________ __________

حبيبتي حذار

انت تخونين زوجك بهذه المشاعر

كان امامك الاصلاح والغفران واخترت هذا الطريق

اذن كوني قويه واصلحي قلبك