اه يابنات والله تعبت...تكفون اعطوني حل....
عنوان الموضوع : اه يابنات والله تعبت...تكفون اعطوني حل....
مقدم من طرف منتديات نساء الجزائر
اه يابنات والله تعبت...تكفون اعطوني حل....
السلام عليكم ورحمة الله وبركاته...
مشكلتي في بيتي متزوجه ولي 5 سنوات وعندي 3 اطفال والحمدلله المشكله انه بيتي صغير جدا 3غرف والمطبخ و2حمامات اكرمكم الله يربط بينهم سيب واحد فقط وضيق كمان المصيبه انه الشقه قديمه ومانقدر نستأجر غيرها لان ايجارها رخيص بس ابغاكم تعطوني حل اغير فيها بس باافكارحلوه ورررررخيص راح اقلكم عيوبها وانتم اعطوني الحلول ....التصدعات في خشب الابواب والله يااخوات ان مكسر يعني الخشب الي في الجدار الزوايا محفوره وتطلع منها صراصير والبويه متقشره ودائما توسخ البيت والمطبخ والحمامات من فوق وسخانه ومتقشره ومجلس الرجال والحريم صارت قديمه وانه احنا غرفة المعيشه هي مجلس الحريم اكلنا شربنا وجلستنا كلها فيها وكلها بطرما يعني كنب ارضي والصراصير مبهذلتنا بالله عليكم ابغى منكم افكار حلوه ومناسبه ......الله يرزقكم الجنه ان شاءالله
>>>>> ردود الأعضـــــــــــــــــــاء على الموضوع <<<<<
==================================
اولا حبيبتي لازم تقضي ع الصراصير استخدمي مبيد او اي شيء لان لو حتى بيتك ف قمه الروعه وفيه صراصير ف نظر الناس بيشوفه ولاشيء وعشانك صحتك وصحه اولادك لازم تهتمي بنظافه بيتك
تقدري تغيري الوان بويات البيت وتحطي الوان حلوه وفاتحه وتكثري اماكن الاضاءه ف البيت
او تاخذي تجاليد تجيك للحائط والوانها واشكالها حلوه
موووووووووووووووفقه حبيبتي
__________________________________________________ __________
شوفي يوم تقدرون تروحون برا البيت وهاتي دوا الجره من الصيدليه البيطريه وصبي بالمجاري وبالبلاعات وخففيه مع ماي بسطل وكبيه بالمطبخ والحمامات واطلعي برا البيت لان الدوا ريحته قويه بس بيقضي على كل الحشرات واولها الصراصير.. جددي الصبغ حطي الوان حلوه شوفي انا صبغت البيت لون النسكافيه والصالون سويته سيلفر وهي بس بويات لكن الكل انهبل عليها لانها الوان غريبه وحلوه وغرف النوم سويتها اورانج وغرفتي سويتها عنابي فولفيت والبيبان سويها تخطيط او تعتيق وحطي مرايا او لوحات... البيبان اذا جو يصبغونها بيسوون لها سنفره بتصير كانها جديده .. وبالنسبه للفتحات بالجدران هاتي جبس واترسي الفراغات.. لا تزحمين البيت بالاثاث اختاري اثاث سيمبل وخلي البساطه عنوان لبيتج ،، مهما كان نظافتج لمجرد ماتشوفين صرصور تقرفين وتكرهين المكان ابدأي خطوه خطوه ياعمري وبتلاقين البيت تغير مره وحده .. موفقه وربي يسهل امرج.
__________________________________________________ __________
البنات ماقصروا بالتوفيق يارب
__________________________________________________ __________
صدقيني اهم شي تشوفي حل لموضوع الصراصير والباقي سهل
البويه موضوعها سهل
العامل باليوم بياخذ منك 100 الى 150 ريال ممكن يخلص الدهان بنفس اليوم للبيت كله
والبويه اسعارها متفاوته
بالنهايه ::: الي بيرضى بيعيش
اهم شي انك تحسي بالسعاده مو بالمظاهرررررررر
يامااااااا ناس بيوتهم متل القصور
اقسم بالله لو تشوفي حياتهم داخل بيتهم وكيف تعاملهم تقرفي منهم
وكمان من فلوسهم,,,,, مو كل شي المظاهرررررررررررر
والله اتكلم عن تجربة واقعيه امامي
الله يوفقك
__________________________________________________ __________
المشاركة الأصلية كتبت بواسطة « حـرgف من الرgحـ » 
شوفي يوم تقدرون تروحون برا البيت وهاتي دوا الجره من الصيدليه البيطريه وصبي بالمجاري وبالبلاعات وخففيه مع ماي بسطل وكبيه بالمطبخ والحمامات واطلعي برا البيت لان الدوا ريحته قويه بس بيقضي على كل الحشرات واولها الصراصير.. جددي الصبغ حطي الوان حلوه شوفي انا صبغت البيت لون النسكافيه والصالون سويته سيلفر وهي بس بويات لكن الكل انهبل عليها لانها الوان غريبه وحلوه وغرف النوم سويتها اورانج وغرفتي سويتها عنابي فولفيت والبيبان سويها تخطيط او تعتيق وحطي مرايا او لوحات... البيبان اذا جو يصبغونها بيسوون لها سنفره بتصير كانها جديده .. وبالنسبه للفتحات بالجدران هاتي جبس واترسي الفراغات.. لا تزحمين البيت بالاثاث اختاري اثاث سيمبل وخلي البساطه عنوان لبيتج ،، مهما كان نظافتج لمجرد ماتشوفين صرصور تقرفين وتكرهين المكان ابدأي خطوه خطوه ياعمري وبتلاقين البيت تغير مره وحده .. موفقه وربي يسهل امرج.
:i con18:
كلااااااااااااااااام سليم مية بالمية
جزااااااااااااااااااااااك الله خير
بس انتبهي من الجرة ترااااااااااااااااااااااها قوية
تسبب حسااااااسية الصدر
وتكتم
اذا بتحطوووووووووووووها في البيت اسكنوا في فندق أو روحي لبيت أهلك
كم يوم
رد مع اقتباس
