عنوان الموضوع : خطيبي مو مالي عيني .. افيدوني انصحوني محتاجتكم -لصحتك
مقدم من طرف منتديات نساء الجزائر

خطيبي مو مالي عيني .. افيدوني انصحوني محتاجتكم



السلام عليكم

مشكلتي انه خطيبي ابد مو مالي عيني

انا عمري 19 و اهو عمره 21
انا كنت اتخيل فارس احلامي
يكون طويل و حلو و وسيم و شعره يسوي فيها حركات

و خطيبي مو طويل
اطول مني بـ اشوي
و هالشي مرررررا معقدني
احس انه الناس اذا بتشوفنا بيقولون اخوها
وانا كنت ابغي فارس احلامي يبين عليه انه اكبر مني بكثيييير

وما احس انه خطيبي يعرف لنفسه من ناحية البس و الكشخه
اهو شكله مقبول

و مررررررا طيب و حنون و اخلاق وما بلاقي مثله
ويحبني من خمس سنوات
و شخصيته حلوه
و ماخذ الأول ع الطلاب
شاطر في دراسته
و كل شي فيه زين

بس مو ممممممممممممالي عيني
مرات اذا كلمته اعصب
ما احترمه
وانا لي اسبابي
لانه من قبل ما سوا نفسه ثقيل جنبي
قبل لايخطبني كانوا بنات خالاته دايماً يتكلمون عنه
وكان دايم يسأل عني
و مرات يلاحقني
و اهو من النوع الي شعره كدش
صح انا وافقت عليه و اهو بهالشكل
بس لمن شفته و طلعت معاه و شفته قريب
و شفته بهالشككككل
تحطططمممممت
ما احس بهيبته

انا اعصب عليه و هالشي بالححححححححححححححيل يضايقني
بس والله غصب عني
اهو بعد عليه كلام ينرفزززززني
والله احاول امسك نفسي و اقول مابعصب وماراح انفعل
و بسوي له هيبه
بس اذا كلمته ينرفزني
دايماً انسان متحطم و يقول انا حظي مقرود و يقول اشياء
سوالفه صارت بايخه بنسبه لي

و كل ما احاول انسا الاغلاط الي غلطها
بس ما تروح يجي شي في بالي العن من كذا

اهو فاهم الخطوبه غلط
و عرف بهالشي
و قال انا مادري انه كذا بس ربعي انصحوني اني اسوي كذا قالوا البنت تحب كذا
و تعذر لي و كل شي

و مستعد يسوي كل شي يرضيني

بس اهو مو مالي عيني ابببببببببببدن

انصحححوني
افيدوني

هل بعدين في المستقبل بيملي عيني ولا خلاص من اول مرا اذا ما ملى عيني
يعني حتى بعدين ماراح يملي عيني ؟؟؟

انا تعبت
فيه اشياء عارفه انها بتتغير في الزواج
ولا ابغي اطيره من يدي
بس انصحححوني
افيدوني

>>>>> ردود الأعضـــــــــــــــــــاء على الموضوع <<<<<
==================================


حبيبتي المهم اخلاقة ودينة مو المهم شكلة ؟؟ الشكل ماهو كل شئ
بعدين بعد ماتزوجينة خلية اصبعة بيدش وبيتغير طبعة وبتخلية على كيفش زي الالعاب لماتلعبي فيها على مزاجش


__________________________________________________ __________

بسم الله الرحمن الرحيم

حبيبتي اولاد الناس مولعبه نرتبط وبعدها ماملى عينك؟؟؟؟؟؟
ليه مارفضتي الارتباط من قبل ؟؟؟؟؟
مو بشر مثلك له قلب .. وله كرامه وشخصيه ؟؟؟؟
يعني ابد ماتقبلين تبقين دقيقه معاه لو كنتي مكانه وينظرلك نفس ماتنظرين له ؟؟؟
الجوهر داخله هو اللي يهمك .. وحرصه على رضاك ماملى عينك؟؟؟
الشكل تغيرينه مع الوقت وهو متقبل هالشيء...
وجالس يدورمن اصحابه وش يرضي البنت اللي هي انتي؟؟؟ويعمله لك
خافي الله فيه اولا.. ولاتخسرينه ... من اجل مظهره ؟؟؟
بنات كثير عند ازواجهم المظهر لكن الجوهر معدوم...
مظهره مايعطيك العاطفه ولا الحنان ولا رجل يحقق لك ماتتمنينه ... بل جوهره
تحياتي اختك شماليه كفو


__________________________________________________ __________

الطول والشعر والجمال ما كل شي بالدنيا اهم شي اخلاقه ودينه يا ما بنات اتزوجن شباب اشكالهم حلوة بس شافوا الويل
حاولي بينك وبين نفسك لما تشوفيه تركزي بمعاملته ما دام يسوي المستحيل عشان يرضيكي هتشوفيه احلى راجل بالدنيا..
واذا ع اللبس والكشخه عادي انزلي انتي واياه السوق واختاري الي يعجبك

والله يوفقك مع خطيبك واذكري الله


__________________________________________________ __________

الله يهديك يا بنت الناس انت هلا بتعامليه هالمعاملة السيئة وما رح تعرفي قيمته الا بعد ما تخسرينه
يا اختي فكري بس في الاشياء الحلوة فيه و حاولي تحبيه و هذا قدرك ونصيبك فأحمدي ربك انو متخلق وطيب . بشو يفيدك الطويل والوسيم وهو متكبر عليك ومتسلط ويعاملك مثل الحيوان الاهم الاخلاق والدين والمعاملة الحسنة هذول بيدومو اما الوسامة فبتروح مع الزمن. وحطي نفسك مكانو لو هو الي بيعاملك هالمعاملة شو رح يكون احساسك قبل ما تطاولي عليه او تعملي اي شي حطي نفسك مكانو وشوفي اذا بتتقبلي هالشي او لا


__________________________________________________ __________

اهو شكله مقبول

و مررررررا طيب و حنون و اخلاق وما بلاقي مثله
ويحبني من خمس سنوات
و شخصيته حلوه
و ماخذ الأول ع الطلاب
شاطر في دراسته
و كل شي فيه زين

اذا جاءكم من ترضون دينه وخلقه فزوجووه وانت قلتيها واعترفتي بنفسك
فمابالك فوق الدين والخلق هالاشياء كلها ماشا الله تبارك الرحمن
يابنت قوولي الحمد لله
فيه ناااس تتمنى وااحد اقل شي يحترمها او يحس فيها
او اقل شي يكف اذاه وشره عنها
لاترفسين النعمة برجلك وتندمين
مافي انسان كامل وياليتك ذذكرتي فيه عيوب تستاهل الا كله شكل وماشكل
وهالاشيا مو مهمة ولا تعتبر مقاييس
استخيري والله ييسر لك

بس مو ممممممممممممالي عيني

اعذريني اختي السموحة العيب فيك انتِ مو فيه
ماعندك قناعة
القناعة دايما تكون ف الحلو والمر المفروض
فما بالك انت الي ذكرتيه مافي شي سيء

الله ييسر لك اموورك ويصرف عنك الشر ويوووفقك وييسعدك