عنوان الموضوع : ام زوجي سبب مشاكلي (اللي ماتحب الكلام الكثير والطويل لاتدخل) -تم الاجابة
مقدم من طرف منتديات نساء الجزائر

ام زوجي سبب مشاكلي (اللي ماتحب الكلام الكثير والطويل لاتدخل)



اخواتي باابدا في الموضوع ع طول..
انا لي6 شهور متزوجه وام زوجي تغاااار ع عيالها مره من حريمهم ونكديه بشكل مو طبيعي وياليتها تحب عيالها لا انانيه بشكل يعني مستحيل تفرح عيالها او تعطيهم شي واذا جابو لها هديه او شي ماتبين،انها فرحانه او عجبتها بالعكس تذمها او تقول ماابيها..
المهم من قبل اتزوج واهلي يقولون حاولي تكسبيها لاتدخلي معها بمشاكل ومن هالحكي عاد انا قلت انا بااكفيها خيري وشري بااسلم عليها وبس ماراح اجلس معها او اكثر زيارات انا ساكنه معها بنفس البيت بيننا بس باب يفصل
وقلت ولدها،هو حر معها،مالي،دخل يطيعها او لا اهم شي ماتصير مشاكل
ومن،يوم،تزوجت هذا اللي صاير مالي دخل فيها اببببد بس ماتوقعت حياتي بتصير كذا تنكد علييينا مررررررره يعني كل مااطلع مع زوجي لازم تدق عليها تهاوش وانا ابي وابي،وابي وجيب وسوو وتتهاوش معاه ويسكر ومره صارت،مشكله وسمعته يتكلم مع اخوانه وامه يتهاوشون في بيتهم بس صوتهم يوصلني لان بيننا بس باب وتهاوش هو مع امه لانها جلست تقوله انت كل شوي تطلعون تتمشون انت وزوجتك،وكذا بعدين طلعت،هي زعلانه واخوانه يعاتبونه اخته واخوه واسمعه يشتكي لهم يقولهم من تزوجت كل مانطلع مكان ونرجع اجي عندها تقول روح روح لزوجتك ها راضيتها ها سويتلهاا قالوو له انت تعرفها،وكلنا نعرفها امي كذا من زمان ومفروض ترضيها وماتفضل زوجتك عليهاا المهم انا سمعت زوجي وهو يقول لاهله انها تتكلم فيني عنده
وهي كل ما وداني،مكان تدق عليه تقول ودني السوق او اي مكان اذا اعتذر او قالها مشغول تقول،وزوجتك ليش توديها،وليش وليش،مع انهاا عندها غيره 2متزوجين وساكنين فوق عندها وعندها 3مو متزوجين عندها بالبيت وانا اسكت ومااقول شي مهما كان هذي امه وفوق هذا كله اذا جيت اطلع لسلفاتي اكل لااازم امر من بيتهم او من الشارع فاامر من،بيتهم واذا طلعت شي تقول ايش اقولهاا وعادي بس كل ماطلعت تروح تقول لزوجي ليش تطلع لهم وانا ليش ماتعطيني احيانا يكون زايد غدانا وهي تسوي يعنني تقرف من الزايد فصعبه اعطيها بس انا وسلفاتي عااادي وكل مره بمشكله تقول لزوجي زوجتك ليش ماسوت،وليش مافعلت وليش وليش، وبابنا اللي بيني وبينهم اذا نسينا نقفله مانشوفها الا وهي واقفه مره كنت بغرفة نومي وماعلي الا ملابسي الداخليه وزوجي كان عندهم ورجع نسي مايقفل الباب زين بس مقفول يعني مااشفتهاا الا هي فاتحه الباب وداخله غازها خلص وتبي تطبخ قهوتها عندي
بس سكت وماقلت شي ولازعلت
واخر شي هالاسبوع لي3ايام اروح المستشفى وهي تعرف تدق ع زوجي ابيك توديني،ولو اعتذر تقوله وليش زوجتك بتوديهاا يقولهاا خلاص ويوديها انا اقول عادي بكيفه امه بس اخر شي قبل امس هي تحسب بااروح المستشفى دقت قالت له ابيك توديني، قالهاا رايح عندي نادي قالت وليش زوجتك بتوديهاا قالهاا لا ماراح تروح اليوم وانا قلتله اني ابيه يوديني لاهلي وسكر وقلت له ابيك توديني لاهلي قال اوووك وانا كنت جوعااانه وهوو،موو راضي ياكل معي قلت خلاص بااروح عند اهلي اكل معهم قال خلاص وانااا اساسا تعبانه شوي بعدين قال ماراح اوديك الحين بااوديك مع امي خايف يوديني وامه،تزعل، قلت له بس جوعانه بااروح اكل معاهم قال مابتموتي جوع قلت بااسكت يمكن يغيير رايه ولبس وجا بيطلع جلست اترجاه يوديني قبل يطلع عياا مرره قلت اوووك وطلع دقيت عليه وقلتله، بااكلم اهلي يجوولي قال لاا قلت الا بااكلمهم دامك ماتبي توديني عشام امك ماتزعل خلاص اخواني يجوو لي ودقيت ع اخوي جا لي وبعدين ارسلت له مسج انا عند اهلي ارسل اذا عندهم لاترجعين وبعدين دق قال مين جالك، وليش وكذا، قلت له انا قلتلك باروح خلاص قال باادق ع اخوك اللي جالك ودق قاله ليش تجيلهاا وانا مو راضي وخلها تجلس عندكم وهيك قاله اخوي عادي وبس والحين انا عند اهلي وش اسووووي تعبت من امه بسسببها ماعاد يطلعني زي اول وفي كل شي تخرب علي

>>>>> ردود الأعضـــــــــــــــــــاء على الموضوع <<<<<
==================================


اختي الغاليه لاتحزني انتي لازلت عروس ومن الطبيعي انت تخرجي مع زوجك باستمرار وامه تغار وتريد ان تشعر باهتمام ولدها حاولي ان تتحمليها وان تكسبيها باسلوبك صالحي زوجك وارضيه واعترفي له بغلطك وتعاملي مع والدته بحكمه ولاتتركي لها المجال لتحرضه عليك وقدري موقف زوجك فهي والدته ويخاف ان يغضبها وهذا طبيعي وفقك الله وسخره لك


__________________________________________________ __________

سلامات اختي الي فوق شفيك؟ خفي عليها
هيا جاية تشكي همها مو تزيديها هم

ماعليك منهاا ياصاحبة المشكلة...

وان شاء الله بيردك وهذا زوجك ماله غنات عنك
والله يصلح حال امه معك ان شاء الله

ويارب الاخوات يساعدونك




سبحان الله وبحمده سبحان الله العظيم
استغفر الله ربي واتوب اليه


__________________________________________________ __________

اختي الغاليه كلام الي فوق لا ياثر فيك وشو تحطين راسك براسها وش هالكلام المهم انا بقولك شغلتين اول شي لا تعاندين زوجك بهذه انتي غلطتي الصراحه يعني خليك له سند بحيث يدخل البيت يلقى راحته وهو حرام متوهق من امه ووده يطلع ويستانس معاك بس الام لها حق وما يبي يهضمه وكلنا ترى نفسك يا الغاليه وربي انا مره كنا بنروح للكويت وانا بالسعوديه وحنا من الشرقيه والكويت قريبه منا وتوني متزوجه لي تقريبا شهر ونص وقال لامه يما بنروح انا وزوجتي للكويت قالتله لا والله تروحون وحنا امس قايليلك ودينا قلت مالي خلق هم امس كانوا طالبين منه يوديهم وهو قال تعبان واليوم قلت بروح معاها وخواته كلهم قاموا عليه وربي نذبحك وربي تشوف لو رحت وانا جالسه قدامهم سكت وقلت يلا وهو قالي اعوضك بدالها يا حبيبتي كل الامهات كذا ومن حقهم ولدهم بس امه بزياده وانا عارفه شعورك وحاسه فيه عدل وادري تنقص على حياتك بس انتي اعتبريه اجر واكسبي زوجك ماراح اقولك اكسبي امه لا اكسبي زوجك وخليه يعشقك وبكذا انتي بتصيررين بعينه الواو ادري انك سويتي هالشغله لما رحتي لاهلك مع اخوك لانك منقهره وقلبك كان محروق وربي حاسه فيك وصارت زي رده الفعل العكسيه بس انتي بهالطريقه باعدتيه عنك وصارت امه هي الي صح عشان كذا يبيلك شوي تتحملين وبحكم انك عروس جديده فهي تغار منك اكثر من باقي عيالها تحملي شوي وادعي ان ربك يسخر لك زوجك واهله واهتمي بزوجك واسمعي كلمته وراعي امه بالكلمه الطيبه ياالغاليه وما في اسهل منها ادري يمكن صعبه عليك بالنسبه للي تسويه معاك بس اسمعيني وطبقيه مده شهر وباذن الله بتحسين بتغير كلميها كل يومين مره وواستعملي معاها اللسان الحلو ومافي اسهل منه هلا يا خلاله اخبارك يا الغاليه والله خاطري اجي اجلس معاك اسمع سواليفك العسل مشتاقه لشوفتك حتى لو شايفتها قبل يوم قوليلها والله اني اعزك واغليك زي امي وربي انك تاج على راسي وعليك من هالكلام مجامله واحتساب لللاجر ومنفعه لنفسك وبالاسبوع مرتين سوي اكله عدله ووديها لها مثلا كل اثنين وخميس وزينيها وكل يومين مره خذي قهوتك وحلاك ووديه لها وتقهوي وحلي معاها العصريه مده نص ساعه بس وكل شهر مره جيبيلها هديه مره دهن عود مره قطعه قماش كشخه مره تكرمين جزمه تصلح لعمرها مره عبايه مه شيلتها ومن كذا ومره بخور الى حد ما تخلينها تحبك وتصير تبديك على نفسها وربي لا تقولين هي غير ما يصلح معاها لا بيصلح مهما كان هي بشر ومسلمه وبهالطريقه تعرفين وش بيصير بتجيبين زوجك جنبك ولك وحولك وبتكبرين بعينه وبيراعيك حيل وربي يسعدك ويوفقك ويرضى عليك ويسخر لك زوجك واهله واعذريني على الاطاله


__________________________________________________ __________

انتي غلطاااااااااااااااااااااااااااااااااانه >ـ<
الله يهديك بس


__________________________________________________ __________

أختي صاحبة المشكلة :
ياقلبي وانا بقول زي اخلاقي عالية
اولا اعتذري لزوجك
ثانيا حسسي ام زوجك انو ولدها لها لا تحاولي تاخذي منها قدامها
سايريها شوي
وفهمي كمان زوجك انه هذي حياتكم انتو الاثنين صعب دخول طرف ثالث
مين ماكان الطرف لانه امه على عينو وراسو بس انتي كمان زوجتو وتسوين له الي امو ماتقدر تسويه
حبيبتي ربي يفرج همك وييسر لك أمرك

*****
والاخت الي ردت فوق لو جريئة ادخلي بحسابك واتكلمي
وربي يوقعك بمشكلة ماتنحل منها عشان تعرفين كيف تتمسخرين وتردين عدل