عنوان الموضوع : خطبني حيره من أمري الطبيب يجيب
مقدم من طرف منتديات نساء الجزائر

خطبني حيره من أمري



السلام عليكم ورحمه الله وبركاته
أنا في حيره من أمري واتمنى منكم المساعده بخبرتكم ورأيكم.. أتمنى من الإداره تنزل الموضوع بسرعه... لأنه رأيكم مهم جدا ...
أنا انخطبت كذا مره وفي كل المرات كنت أرفض بسبب الدراسه لأني في الجامعه ووايد مهتمه بموضوع الدراسه وكنت شايله فكره الزواج نهائيا من رأسي لغايه ما أوصل لمراتب كبيرة من الدراسات.. لكن لما كبرت وشفت الحياه بنظره صحيحه احس انه الوضع تغير وصار الستر مهم جدا للبنت قبل الدراسه والشغل.. أنا الحمدلله الكل يشهد بأخلاقي لذلك خطبوني كثير ومع الوقت أحس اني متندمه لأني رفضتهم وهذه الشي مسبب لي خوف و توتر للأني يمكن ما أتزوج وأظل عانس.. من يومين تقدم لي شاب وخايفه كثيييير من الموضوع عقلي يقول لي ارفضيه وفي نفس الوقت خايفه ما اقبل فيه.. مواصفات الشاب هو أصغر مني بسنتين و أيضا اكتشفت انه مدخن وكذلك انه له علاقات مع بنات.. الرجال عند الناس الكل يمدح فيه وأهلي واخواني كثير يمدحونه وأحسهم راضيين فيه.. لكن واحد من اخواني سأل عنه وعرف كل هذه الأشياء وقالي أنا لأنه ما يقدر يقول حق اخواني لانهم مارح يصدقونه.. لأنه الكل حاط في باله انه هذا الإنسان واايد محترم وهو من الأهل.. أخوي متأكد من الذي قالي اياه للأنه صديقه.. أهلي تركوا القرار لي ولما قلت لهم عنه قالوا اني رح اقدر اغيره وهذا كله رح يتركه أول ما اتملك عليه.. أنا واايد خايفه لأنه أصغر مني والأهم انه له علاقات مع بنات وخايفه هذا الشي يأثر علينا أو يظل على عادته .. أرجوكم وجهوني وساعدوني حتى آخذ القرار الصحيح ...

>>>>> ردود الأعضـــــــــــــــــــاء على الموضوع <<<<<
==================================


السلام عليكم فكري في عقلك ياختي اذا وافقتي وانتي عارفه لازم تكوني قد المسؤليه حتى لو رجع الى خرابيطه ماراح تقدرين تلومينه لانك وافقتي علي واخوك داري بالموضوع
يختلف عن الي له ماضي وكاتمه ويبي الستر عن الماضي المعروف وكل الي حوله عارفين هذا الشيء
الي يبي فعلا يستقر يسوي هاذي العمايل بالخفى وليس التشهير

استخيري استخري استخيري

وحبيت انبهك على فكره قلتيها لا والله الستر ليس اهم من تكوين نفسك قبل على الاقل تكوني مخلصة دراسه وتتحري الوظيفه وبشهادة المتزوجات اظمني حياتك بعدين اضمنيها مع زوجك
على الاقل شرط اراسه والوظيفه في العقد ولا تأجلي زواج لكن اختاري بحكمه واستخيري هاذي حياة ويترتب عليها انفس تاتي منكي وتربيه بجو اسري باقل توتر ممكن

استخيري استخيري استخيري ومممموووفقه


__________________________________________________ __________

استخيري اختي
وان شاء الله ربي يكتب لك الى فيه الخير وفعلا الستر اهم من كل شي خاصه في هذا الزمن


__________________________________________________ __________

الله يكتب الك الي فيه الخير ويبعد عنك كل شر


__________________________________________________ __________

ببساطه استخيري وشوفي نفسيتج بعد الاستخاره شلون بتكون،،وبالنسبه لاخلاقه صدقيني صعب تغيرين انسان وطباعه مهما كانت شطارتج،،من شب على شي شاب عليه،،يعني لاااازم تكونين سوووبر مانه عشان تقطرين تغيرين منه،،وبالنسبه لفرق العمر انا طاايم لي تحفظ حيال الامر هذا وحسب كل انسان وشخصيته وظروفه يتغير الوضع.موفقه وربي يدلج لطريق الخير يارب.


__________________________________________________ __________

استخيري اختي ما ندم من استخار الله يقدملك الي فيه الخير