عنوان الموضوع : مااعرف اهتم بنفسي -تم الاجابة
مقدم من طرف منتديات نساء الجزائر

مااعرف اهتم بنفسي



السلام عليكم ورحمه الله وبركاته قررت اكتب مشكلتي وابي من يساعدني لاني ماني عارفه كيف اساعد نفسي انا بنت عمري 19 ومخطوبه مااعرف اهتم بنفسي مثل البنات ماعرف وش اللي يناسبني من لبس وشعر ومكياج والله اتحسر على حالي لاني مو حلوه واشوف بالجامعه بنات حلوات ومهتمات بنفسهم واقول ماراح الوم خطيبي اذا طالع بغيري مع انه يحبني لكن اكييد الشكل يهم الرجال وبعد ماعندي ثقه بنفسي ماعرف اسولف ولا اناظر بعيون احد ولا اركز بالشكل مو حيا لكن تعودت ودايم لحالي ماعندي صاحبات ولاوحده كان عندي صاحبات وتركوني وتركتهم لانهم للمصلحه مايكلموني الا للمصالح وكم مره حطوني بمشاكل بسبب طيبتي الزايده وما اقول كلمه لا حتى على حساب نفسي وراحتي ولاعندي راي والحين تركتهم وابي اتغير لما يكلمني خطيبي احس اني قدامه ما اعرف شي دايم هو اللي يسولف وانا ساكته واسمع له واذا قال لي تكلمي ما اعرف وش اقول واسكت مااستحي منه لكني احس ان ماعندي سوالف او شي اتكلم فيه وبعد عندي هوايات وماني عارفه كيف اطورها لاني بديت انساها وانسى من اكون ابي اغير حياتي اكون قويه شخصيه واحب نفسي مثل البنات تكفون ساعدوني وعلموني من وين ابتدي

>>>>> ردود الأعضـــــــــــــــــــاء على الموضوع <<<<<
==================================


والله انا زيك بس الفرق ان عمري 14 ومو مخطوبة وعندي صحبات
يـ رب يساعدونك البنات
واستفيد معاك


__________________________________________________ __________

ررررررررررررررررررررررررررررررررررررررررفع

انا مثلكم كمان بس حبيت ارفع الموضوع

اوف معليش انا ماركزت بكل الموضوع لاانا عندي صاحبات وكل شيء بس مشكلتي ماحب اتشيك زي البنات ولا احط مكياج


موووفققه


__________________________________________________ __________

ياحياتي خليك اولا واثقه من نفسك تكلمي واختلطي بالناس وافتحي مواضيع ايا كانت حتى لو بسيطه
المهم تتكلمين وتفتحي مجال للحديث وصدقيني احنا يالحريم ماشاء الله نسرد مابجعبتنا
سالفه ورى سالفه وراح تلاقي نفسك بالساعات وانتي تتكلمي
تكلمي باللي شفتيه بالتلفزيون او بموضوع سمعتيه في الجامعه او هواياتك اللي تحبيها
اسئليه عن عمله ميوله وش يحب وش يكره وش كان يحب يتخصص قبل تخصصه هذا وش طموحه
وش تخطيطكم للزواج او حتى بعد الزواج
ومن هالشغلات
اصحاب المصلحه اكرهم لانهم من اسمهم مصالح فقط
بنات خالاتك وبنات عمك وينهم ؟؟
كوني صداقات وادخلي بالمجوعات اللي تعرفيهم من قبل ولا تقولي استحي اذا بتستحي ماراح
تطوري من نفسك
عززي ثقتك بنفسك كثيررر
دايم رددي انا جميله انا انيقه انا شاطره انا مؤدبه انا قداره على الانجاز انا قداره على التحدث بثقه
اطري الشغلات والافكار السبيه من عقلك هي اللي بتدمرك
ومو كل الرجال يعشق الحلوه لا الرجل ينظر للعقل ايظا ويجذبه
كم جميله ولكن بلهاء
ولا تقارني بين نفسك وبين اي احد ثاني كلا وله شخصيته وشكله الخارجي
ارضي بما قسمه الله لك حتى ترتاحي وتريحي زوجك
وانتبهي تقوليله هالكلام وتفتحي عيونه على شغلات هو مو حولها
الحل بيدك ....
اغرسي الثقه بنفسك وعززيهااا



__________________________________________________ __________

^^^ صادقه الاخت


واخذي فلوووس من اهلك ورحي لسوووق اشتري ملابسس كووشخه شناط احذيه نظارات شمسيه كشخه اكتسوارت حاولي تنسقين ركزي بلبس بنات الجامعه شووفي الموضه كيف شووفي اي حاجه تعجبك دوريها بالسواق

اصبغي شعررك درجات الرمادي او البني الغزالي شقري حواجبك شيل شعر وجهك وجسمك واستخدمي خلطات لووجهك وجسسمك
اهتمي بمظهررك باناقتك وربي يركضوون وراك النااس انا من النووع انحررج لما اشووف وحده كشخه حيل واسللوبها دلع وربي انهبل
ولما تجيك وحده شكلها عادي جدااا تصير بنظرري عاديه
هاذا وانا بنت فمابالك خطيبك تكشخي وانبسطي ياقلبي تووك شباب
بكره لاكبرتي وتزوجتي وجاك عيال ندمت ع شبابك
ولاتقوولين انا مو حلوووه
لانووو والله العظيم اعرررف بنات شيوون مررره وسوى تغير جذري للوك من ناحية لون الشعر والقصه والاسنان اذا مو مرتبه ركبي تقويم واذا صفرء سوي تنظيف
والبسي عدسات وربي تطلعين قمررر خمس طعششش صدقيني جررربي ورح تشوفين نفسسسك ملكة جمال


__________________________________________________ __________

انا مع الاخت الي فوووق واااجد اشياااء بامكاانك تسوينها واهم شي خليك واااثقة من نفسسك اهم شي الثقة طيب الله يوفقك حبيبتي ,,,