عنوان الموضوع : ساعدوني بليييز ..... محتاجه نصيحهوحكمه في الموضوع -لصحتك
مقدم من طرف منتديات نساء الجزائر

ساعدوني بليييز ..... محتاجه نصيحهوحكمه في الموضوع



السلام عليكم ورحميه الله وبركاته
اخواتي احترت اكتب مشكلتي لمين انا من النوع الي ما احب اشتكي لاحد او اطلع باسرار بيتي بره البيت ما ادري كيف ابدا

انا سيده عمري 26 متزوجه ولي ثلاث سنين ونصف متزوجه الحمد لله رزقت ببنت وولد و انا سيده جامعيه وجميله جدا بشهاده الكل ولله الحمد

مشكلتي
انا انسانه غيوره جدا لدرجه ما احد يتوقعها ولا اثق بزوجي ما اعرف ليش السبب داءما اشيك على جوالي بالتفصيل وعلى جهاز الكمبيوتر والحمد لله خلال الثلاث سنين ما لقيت شيء ثير الشك
لكن بدا يطلع بشيء ثاني تخيلي يحاول يقنعني بالزوجه الثانيه مشكلته الاكبر انه ابو زوجي محطم الرقم القياسي في عدد زوجاته اتزوج ثمانيه مرات واربعه على ذمته الى الان يعني بصريح العباره هو انسان مزواج يعني زوجي تربى في بيت متعودين على تعدد الزوجات
وانا مستحيل ارضى وحده تدخل حياه وزوجي لو على حساب بيتي كله والى الان اعاني
يوميا من هالمشكله لدرجه اعتزل العالم احس مالي نفس بشيء لا بخرجه ولا بروحه ولا جيء
ابغى النصيحه ارجوكم وكيف اغير نظريه في هالموضوع


لكم تحياتي وشكري

>>>>> ردود الأعضـــــــــــــــــــاء على الموضوع <<<<<
==================================


ما ادري ايش اقول بس الموضوع راجع ليكي ولتقبلك للفكره يا انك تقبلي يتزوج او انك تطلقي اذا ما قدرتي تتقبلي الفكره يعني المشكله انه مافي حل غير القبول او الطلاق

الله يعينك ويفرج هم


__________________________________________________ __________

زوجك بيدك الى الان

اصرفي نظره عن الموضوع بالكليه

اول شي اتغيري انتي من ناحية الشك الي ماله دليل

الثقه بين الزوجين شي رائع

ولو فاتحك بالموضوع

قوليله : شكلك تبين اموت مجلوطه والا انتحر والا اشب بنفسي نار (سم الله عليك)

برري له السبب شغفك وحبك الشديد هو السبب

قوليله انا هالحين شايله هم الحور ان تفضل الله سبحانه وادخلنا الجنه

والحين بتجيب لي وجعه على قلبي والله لاذبحك واذبحها ومن الحركات الي يعني انتي فاهمه

ودايم عظمي الامر بعينه وانه المصاريف ثقيله بهالوقت والله يعين الي عيالهم واجد وكذا يعني تلميحات

واذا جاي طاري ابوه قولي يا محلاه كل صفاته حلوة لو هالعذروب الله يصبر امك ويثيبها الجنه على ماصبرت وصابرت

وهه ومن هالامور

بس هه البيت لازم يكون مريحه يعني مو تعباااان من كثر المشاكل والتحقيق ونظرات الاتهام

ترى الشك يطير الرجال تطيير

وانتبهي المسأله لاتدخل بعناااااد انتبهي خلك متفطنه لهالنقطه

عناد الرجال دمار

اركدي طالما رجلك ماوراه لف ودوران

ولعلمك الزوج اذا بيئته طلاق لايمكن يطلق

والي بيئته تعدد لايمكن يعدد

وهذا شي مشاهد وعليه دراسات

خلي بيتك جنه واولادك طيورها وخلي رجلك ملك متوج فيها

بس مجهودك بالفتره الجايه

توكلي على الله

وحاولي تتواصلين مع د ناعمه الهاشمي

فظيعه بهالامور

امنياتي الطيبه لك بحياة هادئه وسعيده


__________________________________________________ __________

شوفي حبيبتي حطي في بالج شي واااااحد بس،،انه لو العالم اجتمعوا على ان يضرووك بشيء لن يضروك الا بشيء قد كتبه الله عليك،،والعكس صحيح..يعني لو ربي كاتبله زوجه ثانيه وحطيتي رجل بالسما ورجل بالقاع بياخذها ،،ولو ربي مو كاتبله انه يتزوج لو يركض الليل والنهار عمره ماراح يتزوج،،بس انتي من ناحيتج لااااتفتحين له مجال من اي ناحيه،،خليج واثقه في نفسج،،يعني دايم إلبسي وتشيكي واهتمي في نفسج وبيتج وفي زوجج ووفري له جو صحي وجو يرضيه وربي عيالج بعيد عن اجواء المشاحنات والمشاكل..خلي بيتج باختصار جنه،،ولا تسوين مع زوجج مشاكل بسبب هالموضوع ولاتحاسبينه على شي هو ماسواه!!..ريحي بالج واخذي نفس عمييق وحطي في بالج اذا الرجل ارتاح في بيته مستحيل يدور على زوجه ثانيه حتى لو صار وغيره اقنعه وفعلا تزوج ماراح يتحمل وبيرجع لج انتي،،وهالكلام من تحربه شخصيه قاعده اقوله لج،،رب الاسره واللي عنده عيال مو بالساهل يتزوج ويهد بيته يالغاليه يمكن يجدد ويتزوج بس بعد فتره بيحس انه فتح على نفسه باب ماراح يتحمله،،مو معناة ابوه مزواج بيطلع هو مثله الا يمكن هالشي يخليه يكره التعدد بانه مؤكد عانى منه بس يمكن حاب يشاغبج ويرفه ضغطج حبتين،،اذا فتح مره ثانيه الموضوع معاج لاتسكتين له وتحسسينه انه عادي روح تزوج لا،،صارحيه انج ماتتحملين هالشي وانه بنات الوقت هذا مو مثل حريم اول صبارات..اذا ابوه قدر يعدد لان الزمن تغير الحين عو ماراح يقدر يعدد وبيتعب ،،عمره ماراح يرتاح وبيكون في مقارنه صعبه طبعا كلميه بمنتهى الهدوء،،وربي ان شاءالله يهديه ويسخره لج ويبعد عنج الوسواس الخناس..موفقه ودمتي بود.


__________________________________________________ __________

صح يالقبول يا الطلاق
تكون بيت لحالها طالما هو مقتدرر


__________________________________________________ __________

حلوة بشهادة الجميع

كلمة ترددها اغلب السعوديات !!!

ولا كنه الا الجمال شي نادر بالسعودية

والا اهو اهم شي بالحياة

المهم ماعلينا الرجال اذا حط فكرة الزواج براسه مستحيل

تقدرين تشيلينها حتى لو صرتي له 4زواجات

وهذا شرع الله ماتقدرين تعترضين

الله يكون بعونك