عنوان الموضوع : فاتورة الجوال قسم ابوي بيذبحني مجابة
مقدم من طرف منتديات نساء الجزائر

فاتورة الجوال قسم ابوي بيذبحني



السلام عليكم

انا مشكلتي مع موبايلي دايم ياخذون كثير على فاتورتي

تخيلووا ابوي مسددها من يومين ومن شوي اتصلت عليهم استعلم عن فاتورتي

الا يقولون لي

قيمت فاتورتك هي 50 ريال و اجمالي المبالغ المستحقة عليك هي 200 ريال
سؤالي وين قيمة الفاتوره
وانا والله ما اكلم الا قليييل مره ولا اطول في المكالمات
بس عندي واتس اب اكلم اختي في الامارات
وادخل الواتس من الشبكه حقتنا

عاد ابوي مهددني يقطع عني المصروف اذا صارت فاتورتي كثير

احين قولوا لي هل المشكله مني ولا من موبايلي
احين انا ممحتاره ايش هو المبلغ هل هو 50 او 200

>>>>> ردود الأعضـــــــــــــــــــاء على الموضوع <<<<<
==================================


جيب لك جوال شحن مو لازم فاتوره


وريحي راااسك




__________________________________________________ __________

ايه شحن احسن لك هذوول ياخذون رسوم 0واذا على الواتس اب جيبي لك شريحة بيانات 100بس للنت حلووو


__________________________________________________ __________

طعبا معك اخ وليست اخت كما ذكرت بمشاركه سابقه لكن ابغئ الخير للكل وطبعي احب اساعد

على العموم زي ماقلتي قيمه فاتورتك50 هذي الحسبه او التكلفه اللي ماتفوترت من اخر فاتورة اصدرت الين وقت اتصالك يعني من يوم ما ابوك سدد اخر فاتورة الين وقت اتصالاك عليهم عشان تستفسري عن فاتورتك
الشي الثاني المبالغ المستحقه عليك200 يعني قيمه فاتورتك المستحقه حق الشهر كامل اللي التزام عليك ان تدفعيه عشان مايفصل الخط معك

بطريقه اوضح نفرض انك بدايه شهر ميلادي طبعا كلمتي وارسلتي لمده شهر بالضبط بهالحاله طلعت فاتورتك اللي هي بتكلفه200ريال وخلاص بدء النظام يحسب لك من جديد تلقائي حق الشهر اللي بعده وطبعا لسه ماوصلنا لنهايه الشهر لكن الفاتورة الا الان مجموعها50ريال طبعا بدون الرسوم الشهريه المستحقه ع الشريحه وهالشي يعتمد ع نوع خط شريحتك لو تذكريه عشان افيدك كم.....

بدائل للفائدة//
1-يا انك تبدلي شريحتك لمسبقه الدفع زي ماذكرو الاخوات وهذي يبغالها شحن بطائق ع طوول
2-او انك تبقي ع وضع شريحتك مفوترة وتغيري باقتك ع حسب استخدامك وانا بصراحه افضلك هالشي بحكم اني كنت شحن اول وغيرت فاتورة اوفر وافضل بس للي يحسبها صح

وفيه باقات كثير تقدري تختاري اللي ودك وتحولي لها مجانا اول مره واذا ودك ترجعي للاولئ ب25ريال وطبعا ع حسب وضعك افضلك تاخذي باقه اسمها باقه واجد هي الانسب لك
فيه ناس تقول فاتورة عليها رسوم ليش ادفعها خلني شحن افضل لي للاسف هذولاء ملعوب عليهم من الشركات الا اللي مكالماته جدا جدا قليله ونادر مايشحن ودايم يغير ارقام يعني وضعه صعب وفيه ناس مرتاحه لها هي بالنهايه حريه شخصيه

اوضح لك الفكرة....

تكلفه الدقيقه مكالمه بالشحن=55 هلله
تكلفه الدقيقه مكالمه بالفاتورة=35 هلله+ رسوم اشتراك شهريا 20ريال
تكلفه استخدام الانترنت للميقابايت الواحد=2.45 ريال (للشحن و المفوتر)

الاغلب بيقول شحن ارخص واحسن ....طيب خلونا نحسبها
نفرض ان مجموع دقائق مكالماتك بالشهر180 دقيقه بمعدل 6دقائق يوميا خلال ال24ساعه كامله

لو شريحتك شحن راح تساوي 180ضرب55هلله=99ريال تدفعيها قيمه مكالماتك فقط بدون رسائل ولا استخدام انترنت

ولو انك شريحتك فاتورة راح تساوي 180ضرب 35 هلله=63 ريال تدفعيها قيمه مكالماتك برضو بدون استخدام نت ولا رسائل
بس وفرتي بجيبك 36 رياال طبعا شيلي منها 20ريال حق رسوم يصير وفرتي16 ريال!!!!
وهذي حسبه بسيطه والا انا متاكد راح تكون دقائق مكالماتك اكثر وكل ماكانت اكثر كل ماوفرتي ع نفسك واطمنك ان باقه واجد هذي اذا تعدت فاتورتك ال100ريال خلاص تلغئ رسوم الاشتراك اللي هي20ريال تصير رسوم زيروو

وبالنسبه لاستخدامك للانترنت عشان الواتس اب فقط انصحك تشتركي باقه100ميقابايات ب25ريال شهريا تكفيك حق سواليف فقط لمدة شهر لان بدون اشتراك باقه انترنت راح ياكل عليك الفاتورة وهي اكبر سبب ترفع قيمه الفواتي
وانشاءالله ماكون قصرت معك خيتو والله تعبت اصابعي بكتابه من الجوال بس اهم شي نفيد المحتاج بشي


__________________________________________________ __________

مادري ياقلبي

الله يكون بالعون يارب


__________________________________________________ __________

مثل مآحكو آلبببنات خذي لك شحن وآرتاحي