عنوان الموضوع : حرمان الأمومة
مقدم من طرف منتديات نساء الجزائر

حرمان الأمومة





اليوم بكيت بكاء مرير جدآ جدآ

والله مو اعتراض على حكمة ربي

بس الحرمان قاسي

انا متزوجة 2 ونص ولسه ماانجبت

واليوم رحت للطبيب مراجعه

ومسوية تحليل هرمون البرجسترون يوم 21 من الدورة

وكنت اتمنى يقولي ان الهرمون نازل

عشان اخذ علاج واحمل بعدها

قالي التحليل ممتاز

بنات سويت متابعه اباضة

هرمون البروجسترون يوم 21 من الدورة

واشعه بالصبغة

وتحاليل هرمونات كاملة

وقياس بطانه الرحم

وكلها ممتااااااااااااازة

وزوجي عمل تحليل مرة وحدة ومن زمان يمكن سنه وشوي

وكووووووويس

باقي شي واحد بسوية واتمنى يطلع مو كويس

عشن اتعالج منه واحمل

الي هو العينه الي بعد الجماع بساعتين

بيشوفون من خلالها يمكن يكون عندي اجسام مضادة

للحيوانات المنوية

ادعولي يكون هذا السبب واخذ كورتيزون واحمل

والله تعبت ماتتخيلون صرت اخذ كلوميد بس عشان يمكن اني احمل

وانا ماعندي ضعف في التبويض ولاشي

بتقولون من وصف لك كلوميد وانتي ماتحتاجين

بقولكم

رحت لدكتور يمدحونه في مستشفى حكومي

ويقولون كويس مررة

رحتله يوم 13 من الدورة عشان يشوف لي التبويض

ولا سوالي سونار ولاشي رغم ان تحاليلي كلها قدامه

قالي خذي كلوميد 3 شهور واذا ماحملتي اعطيك ابر 3 شهور ثانية

تخيلو بنات دكتور يقول كذا بدون مايشوف الأباضة حقتي

انا ماكنت مقتنعه اني اخذ العلاج لأن تحليل هرمون البروجسترون ممتاز جدآ يوم 21 من الدورة

والأباضة بدون علاج 22

بس اذت العلاج قلت يمكن يصير حمل ونفسيتي زفت من الكلوميد

ماتتخيلون

والألم تاعبني

رغم ان اليوم 10 من الدورة وتخيلو وصل حجم البويضة لغاية20 يعني من هنا لغاية

يوم 13 من الدورة بيكون حجمها وصل 27 والله اني بموت من الالم

يعني كيس غير صالح للتلقيح

شسوي بنات قولولي شسوي

واذا ماطلع عندي اجسام مضادة شو اعمل

والدكتور رافض فكرة انه يسويلي طفل انابيب يقول انتي ماتحتاجين

وانا عمري 27 واذا وصل عمري 30 نسبة النجاح تقل

والله نفسيتي زفت زفت زفت

بتقولين اقري سورة البقرة قريتها سنه كاملة

والحين اقراها بس مو دايم

استغفري استغفر كثير باليوم

صلي صلاة الليل انا اصليها

تصدقي حاطلة لي جزدان خاص للصدقة

وفي شغله ثانية مأثرة علي كثير

انا قبل لا اكمل سنه من زواجي شفت منام

وحده من اقربائي تقولي وهي ماسكة ولدها

مابيصير عندك مثلة

وفسرته وطبقآ لأسمها لأن اسمها امينه

قال الشيخ التفسير انه ماراح ترزقين بذرية

طبعآ ذاك الوقت تحطمت كثير

وللحين اعاني حطوا نفسكم مكاني

كيف بتحسون

احس اني لو اموت والله ارحم

مابي اتحسر على حالي

واشوف الي تزوجوا خلفوا وانا لا

مابي اشوف نظرات الشماته في عيون الي يكرهوني

احس ان ربي غاضب علي

مايسمعني مايحبني

انا ادري اني مو معصومة من الغلط

لكن انا ماسوي كبائر

لاخنت لازنيت ولاشربت

وماحفظة على صلاواتي وصيامي

والأذكار

نفسيتي في الحظيظ وزوجي قاسي

مزاجة متقلب ولا يراعي الوضع النفسي السيئ الي امر فيه

اهم شي يطلع ويكشخ بس

ماقول مايحبني يحبني ومايتحمل يشوفني ابكي

بس كثيير يضايقني بتصرفاته وكثير يعاملني معاملة سيئة

ولايتكلم معاي بحنية

حتى كلامة العادي بعصبية

انا تعبانه ابي حد يساعدني ابي حد يرحني ويشيل عني

جزء من الهموم

احس اني قربت للجنون وكل ماقول لزوجي ابي طبيب نفسي يرفض

يقولو وش تبين اهلك يقولون

يقولون خلاها مجنونه

يقولو اذا تبين تروحين للطبيب النفسي اطلقك

وكل ماسمع وحده من عايلتنا صارت مريضة نفسيآ انجن واقول اني بصير مثلهم

لأن بعايلتنا ثلاث صارو مرضى نفسيآ بسبب ازواجهم وعيالهم

اه ياقلبي

حرمان الامومة صعب جدآ جدآ

ودي اصير ام بس مافي امل لأني مو عقيم لكن كتبت رب العالمين

اعذروني على يأسيي لكن انا صاحبة منامات متحققة جدآ

والكل يخاف من مناماتي

كثير اقول يارحيم يارحيم

ادعولي الله يوفقكم ادعولي

>>>>> ردود الأعضـــــــــــــــــــاء على الموضوع <<<<<
==================================


الله يكون بعونك ويفك كربتك يارب ويرزقك بالذرية بحق هذي الليلة العظيمة ليلة الجمعة اللي تجتمع فيها

الملائكة يالله ارزقها يارزاق ياكريم ياعظيم الصبر اختي الصبر اشغلي نغسك عن التفكير ولاتنظرين للامور

بسوداوية احسني الظن بربك لاتقولين مايحبني مايسمعني قولي الحمد لله اني بصحتي وغيري يتمناها الحمد

الله اني تزوجت وغيري يتمنى الزواج الحمد لله على نعمة النظر واشياء كثيرة يستحق الحمد هذا امتحان من

رب العباد ومايبتلي الا المؤمن حماتي بقت 14سنة تتعالج والان مع الصبر والارادة القوية والاستغفار عندها

بنتين وخالي بقى يتعالج 15سنة والان عنده ماشاء الله خيررررر وحماتي المسكينة عطوها على بلاطة قالوا

لها زوجك مافيه عيااااااااااااال وهذي باقية معه وتعرف انها طول عمرها ماراح تشوف الضنا على الاقل انتي


فيه امل


__________________________________________________ __________

مشكلتك اليأس
ترى في كتاب حلو اسمه سحر التصور العقلي
هذا انا ترى قبل كم شهر نفسيتي زفته مثلك ويمكن ازيد بعد ماقريت شي بسط من هالكتاااب تغيرت كليااااا حتى وحده من عايلتنا كانت مريضه نفسيا وراحه عند دكاترا ولا شفت قرت هالكتااب وربي الكعبه انه تغيرت نفسيته وصااارت متفائله وهذا اللي عالجهاا
انا اقولك قصتي
انا لي سنه وتسع اشهر من تزوجت ولا الله رزقني بطفل مع اني كنت اتمنى احمل من اول ليله لاني مجنونه بالاطفال بس مالله كتب
تقولين اتمنى يصير فيني شي عشان اتعالج واحمل والله العلاج مو سهل انا زوجي يعاني من قله في عدد الحيوانات المنويه وكله ياخذ علاج ولا يفيد لاتفكرين يعني العلاج بيعالجك احمدي ربك انك انتي وزوجك سلمين لان ممكن اي لحضه يجيك طفل
مشكلتك اليأس والثقه ان خلاص مابتجيبين اطفال بسبب هالحلم
يقول الله انا عند ظن عبدي بي فأن ظن خيرا فله وان ظن شرا فلة
فأنتي اذا قلتي الله خلاص مابيعطيني صحيح الله مايعطيك غير اذا احسنتي الظن بالله وتيقنتي ان الله بيعطيك
وفي شي ثاني مكتوب عرفته من كتاب سحر التصور العقلي
ان انتي لو تصورتي شي وتيقنتيه راح يصير مثلا تقولي ان عندي ثقه ان الله بيعطيني ولد هالشهر ولا هالفترة عندي ثقه بالله انه بيعطيني وعلقتي صور اطفال في كل ارجاء البيت يقوم عقلك يهيء جسمك لطفل مع اصرارك وعزيمتك راح تجيبين طفل
حتى انتي ماتشوفين المريض لما بيسون له عمليه يحاولون يرفعون من معنوياته قبل العمليه لان لو صارت معنوياته منحبطه راح تفشل العمليه لان جسمه ماراح يساعد الاطباء غير اذا كان المريض متفأل راح تسهل العمليه لن خلايا جسمه كلاه مساعدتهم
شوفي لاتفكرين اني اقول كلام من راسي ترى والله هذ الواقع يقول الله يمحي ويثبت وعنده ام الكتااب الله يقدر يغير اي شي مكتوب لك حتى لو مكتوب انك ماراح تجيبين عياال لو تقربي من الله اكثر راح يمحي ويغير ويكتب لك درزن عياال حبيبتي لاتسوين اعمال كم شهر ولا حتى سنه وتقولين الله ماعطااني خلاص مافي امل لا هذا السبب اللي ماتحقق الدعاء لان تقولي ياربي عطني ولا عندك ثقه كامله ان الله جد بيعطيك
وبعدين في شي ثاني
ساعات الله يبتلي الانسان اللي يحبه لانه يبي يسمع صوته في الدعااء ويبيه يتقرب ااكثر اعلمي انك من الاشخاص اللي الله احبهم فبتلاهم
ان الله لايضيع اجر المحسنين استحاله ينساك قال الله ادعوني استجب لكم لو الله مايبي يعطينا كان ماقال ادعوني استجب لكم
الله ضمن لنا الاستجابه ويبينا بس ندعيه
وفي شي اخير بقوله هو احد الشيوخ يتكلم يقول انت تقول الله دعيته ولا استجاب لي انتي ماتدري يمكن الله بدل مايعطيك ولد ولا فلوس طول عمرك ولا يمكن وخر عنك مرض خبيث انت ماتعلم مالله سوااه لك من فضل دعائك له
تعلمت من هالحياة انه لازم تثقين بالله وبنفسك بعد
انا عندي ثقه بالله مع انه زوجي مريض ولا ياخذ علاج بس عندي ثقه ان هالسنه انا بحمل وبجيب طفل
وراح ارد واكتب في المنتدى هذا اني جبت طفل بفضل ثقتي بالله
الله ماراح يخلينا تثقي فيه ولا تيأسي
انا قبل شهر كنت مثلك بس لما غيرت من نفسيتي صارت حياتي احلى وترى انا جربت الصياح والزعل والحزن وهموم الدنيا ولا شفت لها فاايده وترى الزوج مو دائما يساعدك ويشيل عنك الهم والغم مالك الا الله كنت قبل لما اسمع البنات يقلون لي ثقي بالله ادعيه اقري قران اقول في نفسي ماقتنع حيل بالكلام لاني كنت غبيه بس الحين تغيرت وهذا تغيري هذا اللي بيرزقني طفل الله اي الله هو يسمعني الحين ويشوفني ويحس فيني الله بس مافي احد يحس فيك كثره
اجلسي اخر الليل واشكي له وربي يسمعك ولما تشكي له ترتاااحي انا حييل ارتحت يوم تقرت من الله سبحان الله الله بلانا بالهشي عشان يزيد ايمانا به وهذا نعمه من الله
فقولي في كل وقت وفي كل مصيبه الحمد لله ع كل حاال
وفي شي ترى لاتظغطي ع نفسك انا تزوجت وعمري 18 واقول يارب احمل قبل مادخل 20 وهذا الضغط له تأثير ترى مو سهل انتي توك سنتين فكيف اللي 4 ولا 5 و10 و15 سنه ماجابو عيال قولي الحمد لله وانا راضيه بالله
ترى الرضى عن النفس شي مهم في التوفيق
عذرا ع الاطاله حبيت افيدك من تجربتي بالحياااة
ولا تستهيني بكلامي فأنا اعطيتك تجربتي في هالحياه ويقلون خذي الحكمه من افواه المجانين


__________________________________________________ __________

وش اقول انا ياختي لي 5سنوات وداخله ب6 ولامره حملت وام زوجي واخواته يتمنون الموت ولا احمل علشان يزوجونه ووحده من اخواته تزوجت بعدي ب4سنوات والحين بتولد وكل ماشافت اخوها قالت لا تروح تعالجها لسى بدري وامه عمرها مادعت لي ولا لولدها بالذريه علشان انا لااحمل تخاف ربي يستجيب دعائها واحمل تقول انها مستجابة الدعوه واعدائي شامتين وهم اهله الي المفروض اكثر ناس يتمنولي الحمل بس في النهايه اقول يمكن خيره وزوجي حياتي معاه جحيم بس احمدي الله


__________________________________________________ __________

حبيبتي الحل باذن الله بسيط وراح تدعيلي اقراي سورة مريم لمدة 3 احدات متتالية اي كل يوم احد لمدة 3 احدات يمرون اقرايها بنية ان ترزقي بذرية صدقيني وهذه سرها عجيب لكل من جربوها وان منهم ونصيحة اخرى تفيدك كثيرا عند موعد الاباضة يكون هناك الم خفيف في جهة اما المبيض الايسر او الايمن يعني ان البيضة سوف تنزل من الجهة التي يكون فيها الالم فحاولي بعد الجماع ان تنامي ولو لساعة على الجهة التي تنزل منها البيضة اي الجهة اليمنى او اليسرى فهذا الشيء يسهل التلقيح كثيرا

حبيبتي اتمنى اسمع اخبار حلوة عنج وترزقين بذرية صالحة

اي شي تحتاجين اختج متقصر ان شاء الله


__________________________________________________ __________

عزيزتي ادري فيك وعارفة شعورك بس مشكلتك الأساسية انك يائسة لازم يكون عندك صبر وأمل بالله لاينقطع

لك سنتين ونص وفيك كل هاليألس أجل كيف اللي يصبرون 10 ولا15 سنة صحيح انه الانتظار صعب لكن الصبر مطلوب انتي طرحتي مشكلتك وكانك تقولين لاتعطوني حلول اجربها تبغين حل اكيد مضمون يخليك تحملين والحقيقة مافي حل غير الدعاء ولااي علاج اوطريقة راح تنفعك غير الله سبحانه تقولين قريت قرآن وتصدقت واستغفرت ومع هذا فيك يأس ليش ماتقولين انه ربي مأخر هالشي امتحان لك يزيد به الثواب عنده وانه سبحانه ان شاء الله راح يرزقك رزق أكثر من اللي تنتظرينه وانتي الحمدلله الين الحين كل فحوصاتك زينة يعني المفروض ماتيأسين كيف اللي مسكينة يكون عندها عقم ولا مشكلة صعب علاجها أو يطول علاجها فانتي في نعمة ياقلبي احمدي ربك عليها واصبري واحتسبي الأجر.

شي ثاني أبغاك تنسين حكاية أحلامك هذي لو كل انسان ظل يتابع احلامه وشوشاف وفسرها وجلس ينتظرها تتحق كان ماحد سوى شي كل واحد ينتظر حلم يمشي حياته صحيح احيان الحلم يتحقق وكونه تتحقق احلامك انا برأيي انتي شاغلة عمرك في الأحلام وشوشوفتي فيها فصارت مسيرة حياتك انسي ياقلبي هالأحلام وعيشي حياتك وفوضي أمرك لله وتوكلي عليه ومن يتوكل على الله فهو حسبه ويرزقه من حيث لا يحتسب وقوي ايمانك وخلي أملك بالله كبير ولاتيأسي وتقطعي الرجاء والله ييسر أمرك ويرزقك الذرية الصالحة

يارب ارزقني وارزقها الحمل عاجلا غير آجل اللهم أمين