عنوان الموضوع : ؛:،زوجي والعنصريه الزايده ابي حل ساعدوني؛:، -لصحتك
مقدم من طرف منتديات نساء الجزائر

؛:،زوجي والعنصريه الزايده ابي حل ساعدوني؛:،



السلام عليكم ورحمة الله وبركاته
حبيت اطرح لكم مشكلتي في المصروف فتحت لي زوجي موضوع انه يعطيني مصروف كل شهر 500 اجمعها واشتري بها في الصيفيه انا وعيالي ماوافق معيي قلت طيب 300 معيي قلت 200 معيي قلت 100 كل شهر معيي
اففف يابنات هذا كل بخل 100 وش بينقصه يقول الي تبينه بعطيك بس احلى لما يكون معاي مصروف هذا الشي الاول
الشي الثاني السوق وما السوق اخخخخخ صرت اكره اذا جات مناسبه غصبن ينزلني في الايام العاديه يقول انا بقضيلك الي تبين مايعجبني ذوقه والمناسبات مايقصر ينزلني بدون مااتكلم بس في الايام العاديه يقول لا ميحتاج تنزلين اخ طفشت والمشاغل مايحي ينزلني لكوفيره تقص شعري والله كم حاولت معيي يقول انتي قصي قلت له باخذها البيت برضه معيي اذا فتحت له موضوع المشغل يزعل ويخاصم ويحطها الحبه قبه كانها مصيبه مادري وش تفكيره والشي الثالث الحدايق مايحب نروح حدائق فيها اختلاط حريم ورجال يقول قلت حيا والله بعضها حلوه ومحجبين انا شفتهم رحت مع اهلي مره وعجبتني اطفش اذا نبي نتمشى حطنا في صحراء قاحله وغطاء علينا بالتيزار ولا نشوف شي والى عند شجره يابسه وغطو علينا بالسيارات ولا نشوف شي وش ذا الغيره الزايده ابي اتمشى ابي اشوف الناس والله انقهر اذا شفت وحده تحكيلي رحنا ورحنا مو حنا مالت علينا حتى عيالي عجبتهم يقولون ليه ياماما بابا مايودينا هذه الحدائق يقولون بابا مايعرف يمشينا هههه والله كم حاولت فيه بس اقوله ابي نتناقش في الشي هذا ابي اعرف السبب معيي يقول لاتفتحين هذا الموضوع خلاص ويخاصم يقول انتم تبون الانفتاحيه وقلت الحيا والله العظيم يابنات مااخرج الا متحجبها بس على فكره حتى اخوانه الي اكبر منه كذا يشتكون منهم حريمهم واخوانه الصغار عكس تماما
بس انه طيب واخلاقه حلوه بس هذا الشي مكرهني فيه
ابي تساعدوني ابي حل له

>>>>> ردود الأعضـــــــــــــــــــاء على الموضوع <<<<<
==================================


معقوله 15 مشاهده ولا وحده ردت


__________________________________________________ __________

والله مادري ياختي هو بخل ولا دين
بعض الرجال عليه دين بس مايعلم زوجته
يعني من النوع الكتوم
واذا يعطيك بالمناسبات كويس ترى في حريم ابدا ماعندهم شيء لا مناسبات ولا غيره
ولا يطبون الاسواق
اما الحدائق افضل لك وش تبين فيها خاصة بالحر وييييييه قرف وحر
الحين حبيبتي صارت السالفه عكس
صايرين الحريم هم اللي يغازلوا ويبصبصوا بلا حيا ولا احتشام
وطالما تقولي كويس والله انها نعمه يااختي احمدي ربك
في زوجات تصحى وتنام على السب والشتم والضرب والاهانات
لا تشوفي اللي افضل منك شوفي اللي اقل واحمدي ربك
واولادك ......
قوليلي الحين الاولاد بزمنا هذا يعجبهم شيء ؟؟
انا اشوفها باولادي اجيب واحط واشتري واطلع ومع كذا اطلع مقصره
مدلعين حبيبتي اولاد هالزمن
وشوفي حالنا احنا صغار نجلس بالاشهر بلا طلعات وتمشيات


__________________________________________________ __________

الله يعينك خيتي....


__________________________________________________ __________

يطلعكم للصحراء احسن من غيره في بعضهم البيت سجن مؤبد

اما المصروف خوذيه للسوق واشتري اللي تبين وخليه يدفففففففففففع

والكوافيره تعاملي مع وحده من اللي يطلعن عندك للبيت تقصلك وتصبغ لك بالبيت


قولي الحمد لله افضل من غيرك يكفي زوجك عنده اخلاق


__________________________________________________ __________

لاتبوووق لا تخااف ياعمري وحده عجووزه مره سألتني ليش ماتجين ولاتطلعين مثل باجي الحريم قلتلها زوجي مايحب يازعم يغار..قالت سبحان الله ياعمري الحرامي يقول يابيتي والخاين يقول يامرتي وجااابتها على الجرح..اي دين هذا اللي يخلي الزوج بخيل ومتعصب وسياسته قمع وبس؟؟الدين يقول خيركم خيركم لاهله..والمصروف والله ضروري الشغله مو بس تبي تشتري اغراض هم تحتاج الحرمه وجبه من مطعم كاكاو من بقاله اذا راحت لاهلها تباشرلهم شي مره من مصروفها..وبعدين لو كنتي تاخذين مصروف بقولج اذا رحتي عد اهلج طلعيلج كوافيره تتفقين معاها دايم تجي ضبطج بس مااش الاخ مقفلها من كل الجهات..حبيبتي انا عانيت مثلاتج ليما صارت مره مشكله وتدخل اخوي وجابنا قبال بعض وقال اطلبي اللي تبينه اول شي قلت مصرووف خخخ والحمدلله صار يطلع كل شهر مصروف لو انه حاقد علي الى الان بس بقريح اهم شي قام يصرف..والله ياعمري النوعيه هذي مالها الا حلين وثالثهم صعب دان عندج عيال بس خليج على الصبر والدعاااء لعل الله يهديه ويحنن قلبه والثالث طرف ثالث يتدخل ويحل الامور اللي معلقه بس ما أأيد الا اذا كان فيه مشكله عووده يتدخل طرف ثالث تعاليله بالسياسه والحيله والكلام المقنع يمكن الله يهديه وترا النقطه من الماي تنزل على حجر مع الايام تؤثر فيه وتحفره وكثر الدق يفك اللحام..ربي يهديه لج ويسخره ويجعله من احسن الرجال ويرزقه الكرم باخلاقه وبجيوبه يارب قوولي امين