عنوان الموضوع : طابه من الله ثم منكم انكم تساعدوني الطبيب يجيب
مقدم من طرف منتديات نساء الجزائر

طابه من الله ثم منكم انكم تساعدوني



تكفيييييييييين بالأداره طلعي مشكلتي كم مره كتبت وماطلعتوها.....

السلام عليكم اخواتي

طالبه من الله ثم منكم انكم تساعدوني وترشدوني على الطريق الصواب
انا سيده ابلغ من العمر 26 سنه

ايام وانا صغيره ابوي احرمني من الدراسه بحجة انه خايف علي من اختلاط البنات
وكان يقول البنت من بيت ابوها لبيت زوجها لقبرها..
احترمت رايه ولا قلت شي

بعد ماتوفى الله يرحمه
طلبت من اخواني اني ادرس وكان عمري 12 سنه وقتها.
لكن حتى هم رفضو

لين تزوجت وانا عمري 22 سنه وطلبت من زوجي اني ادرس
وماقصر معاي ودخلت تعليم الكبيرات وخلصت سادس.
ووقفت سنتين ماكملت عشان حملت مرتين
والحين بنتي عمرها 4 سنوات وولدي عمره سنه
نفسي اني اكمل دراسه بالاخص ان زوجي بعيد عني جسديا وسفراته قامت تكثر

لكن اللي معوقني عيالي
مدري ايش اسوي فيهم وين احطهم
قلت بكمل انتظام متوسط لتعليم الكبيرات
بس اخاف تعاملهم يكون معي شين وانا اكره احد ينفخ علي
يادوب تحملت وانا في سادس
وقلت بكمل منازل
بس اخاف اني ماافهم شي وارسب
لان استوعابي بطيء
والمناهج صعبه

فــ تكفوووووووووووون ساعدوني
وش اسوي
عشان بداية السنه الجديده ادرس

انتظر ردكم بفااااااارغ صبر...

>>>>> ردود الأعضـــــــــــــــــــاء على الموضوع <<<<<
==================================


الله يوفقك عزيزتي
ورفع للموضوع لعيونك
ان شاء الله السيدات يساعدوك بنصائحهم

ودي وتحيتي


__________________________________________________ __________

وعليكم السلام ورحمة الله وبركاته!!!
الله على هالهمه وعلى رقي التفكير والذوق الرفيع والاحترام
اختي الغاليه الابناء لايعيقون عن الدراسه أبدا ومهما كانت اعمارهم ...إن شاءالله تلاقي حضانه اوتستأذني من المدرسه إنك تجيبي اطفالك معك ...
وراح يقدروك بإذن الله...واستيعابك يزيد كل ماتعلمتي وكل ماقويت همتك واظنك كذلك ولى!!!!
ممكن نرسب ونفشل لكن نتعلم من هالفشل ونبدع ونتفوق وحتى لويصل الفشل لاكثر من مره
انا انصحك لاتكتفي بالدراسه فقط لا وإنما التحقي بتحفيظ قرآن لان العقل يستوعب اكثر ممانتصور
تعلمي وتعلمي وتعلمي وكافحي وكوني بعزيمه توازي الجبال تخرجي اجيالابارعين وللعلاء طامعين
وبوالدتهم مفتخرين...
اتمنى لك مستقبلا باهرا حفظك الله سبحانه واعانك على كل خير....
توكلي على الله سبحانه وسيري للأمام والعقبات لاتعيقك
والضربات القويه تهشم الزجاج لكنها تصقل الحديد...ولايأس مع الحياه....


__________________________________________________ __________

الله يوفقك

أهنئك على هالطموح العالي مو مثل بناات هالأياام تتزوج

وتترك الدراسة...

ان شاء الله تتسهل امورك..وكلام الاخت اللي قبلي منطقي...


__________________________________________________ __________

بارك الله فيكي ممكن يا اختي تجيبي وحده درسك وانتي با البيت
حتى تكوني مطمئنه على اطفالك


__________________________________________________ __________

المشاركة الأصلية كتبت بواسطة زهره الاردن
بارك الله فيكي ممكن يا اختي تجيبي وحده درسك وانتي با البيت
حتى تكوني مطمئنه على اطفالك

الله يجزاكم الاجر والخير
كل من ردت على موضوعي
لكن كيف اجيب مدرسه للبيت؟؟
وكيف هي اللي تعطيني الشهاده؟؟
ارجو التوضيح
حفظكم الله