عنوان الموضوع : احترت مع زوجي
مقدم من طرف منتديات نساء الجزائر

احترت مع زوجي



السلام عليكم اخواتي انا بنت توني متزوجه وعمري 22 سنه الحمدلله اصلي ومحافظه ولابد من الذنوب بس المشكله بزوجي حنا نعرف اهله اصدقاء الاهل بس مو قرايب المهم اهله ناس محترمين ومحافظين وخواته محترمات وامه واخوانه المشكله بزوجي لما تقدم لي اهلي الله يسامحهم محد سال عنه بحكم ان حنا نعرف عيلته فالكل ظن انه نفس عيلته حتى بفتره الخطبه ابوي قاله انا سالتك على راتب قاله لا قاله سالتك عن بيت عن مهر قاله لاء وفعلا ابوي ما طلب منه شي قاله طيب اهم شي صلاتك ومحافظتك على بنتي يعني المهر هم حددوه وكل شي تمام الحمدلله المشكله اكتشفتها بشهر العسل هو مو راعي خرابيط وبنات مع انه شبابي وفري شوي بالاغاني وبلبس وبالتلفزيون وكذا بس ما يصلي ابد ابد انا انصدمت بشهر العسل حاولت انصحه كم مرا مافي فايده كلمت امه بعد شهر العسل قلت لها وصيه وادعيله قالت لي مو بيده ما يصلي وهو كان يصلي متقطع وتركها الحين مره وحده حتى هو دايم متضايق من لاشي مع ان وظيفه الف الحمدلله وراتبه وبيت ماثث عنده وانا مو مدح بس الحمدلله زوجه مثاليه واحبه حيل ودايم ادعيله بس شسوي معه ومره سمعت انه الي زوجها ما يصلي تتطلق منه لانه يعتبر كافر وانا ابد مو مفكره بهالشي لاني اعشقه حيل وهو معاملته تعتبر حلووه لي حرام انكر صح تصير مشاكل ومدري وشو ولابد منها بس كشكل عام طيب وكريم واي شي اطلبه يجيبه لي وحيل محترم اهلي طبعا ابوي مايدري للحين انه ما يصلي وكل ما يكلمني يسالني شلون زوجك شلون صلاته عسى ما ياخرها وانا اقول بقلبي يليت يصلي وياخرها اهون من مايصلي ابد بس الحمدلله ياارب المهم انصحوني وش اسوي احترت معاه

>>>>> ردود الأعضـــــــــــــــــــاء على الموضوع <<<<<
==================================


استمري بالدعاء والقول اللين

الله يهديه ويردو للطريق الصواب يارب


__________________________________________________ __________

السلام عليكم
بما انه طيب تاكدي ان الدعاء يغيره هو بس يحتاج شؤية دفعه باللين
لا تضغطي كثير وبنفس الوقت لا تقطعي كذا وكذا جيبي النصيحه كلام عادي سوالف بينكم كذا تمسكينه طرف الخيط ويبداء من نفسه
وياليت اذا تحطي لك شريط لك انتي مو له هو حتى يسمعه في البيت عن شيخ يتكلم عن الصلاة ونعيمها في الدنيا لا تبدائي بالعقاب لا ابدئي بالمغفره والنعيم وكذا

العقاب شيليه من راسك كلنا نعرف العقاب ابن ادم طماع يبي نعيم زائد فابدئي من هاذي النقطه
طبعا ماراح ينفع هذا كله بدون دعاء اذكري الله كثير احمديه على حسن اخلاقه ليزيدك

ما شاء الله عليكي اتمنى لك السعاده والتوفيق


__________________________________________________ __________

حبيبتي ارسليله عن عذاب القبر وتارك الصلاه واشتري اشرطه عن تارك الصلاه والموت ومن هالاشياء الللي تخوف ان اللي عندي كان في البدايه يصلي مرات في البيت وكنت ازعل لاني الحمدلله طلعت من بيت اهلي لازم عندنا الصلاه في وقتها وفي المسجد بعد وانا مااسمع اغاني الحمدلله لا زمان ولا الحين بس زوجي كان يسمع بس مو قدامي من وراي وانا اشوف انو هذا الشي قلة ادب وحرام وكل شي المهم كنت ادله على اناشيد يشتريها اقوله ودي اسمع هالنشيد والله العظيم انو الحمدلله خف كثييييير عن اول يعني اشوف سيارته شيلات واناشيد والصلاه الحمدلله بعد ماكنت اذكره بالله والموت والرسائل والقصص يعني الحمدلله صاير حتى الفجر ماشاء الله تبارك الله يوقت الجوال ويصليها في المسجد


__________________________________________________ __________

الله يفرج همك


__________________________________________________ __________

الله يصلح حال زوجك