عنوان الموضوع : ليتني ماتزوجت -تم الاجابة
مقدم من طرف منتديات نساء الجزائر

ليتني ماتزوجت



السلام عليكم ورحمه الله وبركاته
ببداء بالموضوع ع الطول واتمني تساعدوني من دون اهانت او تجريح
انا عمري 20 سنه تزوجت السنه الي راحت وياليت ماتزوجت زوجي دايم طالع برا هو راعي صيد ومادريت انه راعي صيد الا عقب الزواج يطلع وينام بالبر مع خويه ويخلي وحده من خواتها تنام عندي بحكم ان بيتنا عند اهله طفشت من الحال وكذا مره احاول اقنعه انه مايطلع وهم مافيه فايده ابد تخيلو البارح راح الساعه ثمان باليل ورجع اليوم الساعه 12 وجلس عند امه وبعدين جاني ونام وصحا العصر ونزل لامه وراح للبر مع خوياه ودق علي وقال انزلي لامي انا طفشت حاولت اصبر بس مو قادره طلبت الطلاق اكثر من مره وهو رافض بحجه انه يحبني اي حب هاذا انا عجزت اصبر خلاص المشكله يطلع باليل ويقول انزلي لامي يعني كني ماخذه اهله مو هو وذا كلامته قعد يجيب لي اعذار او يعصب ويطلع هو مو حاس ابد بالي قاعد يويه الصيد ماكل عقله وخويه ماغير يتصلون عليه والله يابنات طفشت افكر اروح للبيت اهلي بس مودي اكسر خاطر امي طلباتي يعني يطلع واخر همه انااا خلاص ماليت وربي اتمني تساعدوني والله اني قاعد اكتب لكم وانا قاعده ابكي من القهر ليش انا حظي كذا اخوه مدلع امرته وانا اتعس وحده بدنيا مع هاذا الرجال وهو بعد عمره 28 سنه يعني كبير علي بس وش ازين يوم رفضته امي هواشتني بحجه انه ولد اختها تكفون ساعدوني مالي خلق هادنيا ابدا طفشت وكرهته اتمني اني ماتزوجت بس ساععدوني وش اسوي

>>>>> ردود الأعضـــــــــــــــــــاء على الموضوع <<<<<
==================================


قولي له يا انا يالصيد والبر
بصراحه وش هالرجل وش هالعيششة
مجنون صييددد؟؟؟
حاوولي تعاقبينه او تقسي عليه بطريقتك
وتخليه يخفف الطلعه لحد ما يبططل بالمرة


__________________________________________________ __________

أختي الله يهدي زوجك ويسخره لك ويكرهه بالصيد
كلميه بهدوء وخليه يخصص وقت قصير للصيد أو يوم او يومين بالاسبوع كذا

بس لاتمنعينه دامه يحب الصيد

وقولي له ان لك حق عليه وواجب عليه ان يخصص لك وقت ويعطيك وقته

واذا مانفع معه كلمي أحد كبير يكلمه أبوك أو أبوه أو أحد أخوانك أو اخوانه

رجال لرجال وأبد لآتدخلي الحريم بالسالفه عشان لاتكبر المشكله

..

وعليك بالدعاء والأستغفار وقراءة القرآن
بعد كل صلاه خصصي وقت للدعاء وقراءة القرآن واشغلي نفسك طول اليوم بالأستغفار وخصوصا بأوقات إجابة الدعاء .. يوم الجمعه , وقت نزول المطر , .. وصدقيني الله بيستجيب لدعائك
لكن عليك بالصبر وراح تشوفين


__________________________________________________ __________

هلا أختي الصراحه معك حق إنه مايجلس في البيت هذا شيء متعب حاولي تكلمي أبوكي يكلمه وأنتي ازعلي لما يجي وأمك بعد لانها خاااالته يعني زي أمه بس أحب اقولك لا تضاااايقي من عمره انتي قلتي إنه كبير من قال لكي لاتحاولي تقنعي نفسك بهذا الكلام بالعكس عمره صغير 28 ولسه في طيش الشباب راح يعقل ان شاء الله وانتي أصبري عليه شوي ترى لسه ماتعود على جلسة البيت المهم الله يعينك ويصبرك يارب العالمين وترى كلمة طلاق مو سهله يابنت الناس أدعي الله ان يهديه ويحنن قلبه عليكي وبعدين هو مايرضى يعني فعلا يحبك بس لسه ماتأقلم على حياة الزواج المهم ربي يسعدك يارب ويصبرك لكي تحياتي


__________________________________________________ __________

احمدي ربك انه زوج رجل بمعنى الكلمة واخوياه مطانيخ صيد وبر وعلوم مافيها عيب ولا حرام
وماهو من هالرجال اللي تجمعهم استراحات وبنات وسفريات دشاره
انتي معك حق بس كلميه بهدوء والافضل انك ماتكلمينه و ماتزنين عليه هالسالفه كل شوي
لا خليك عمليه خلي جوو بيتك وناسه وفله وشاركيه هوايته مو تطلعين للصيد هههههههه
لا بس سولفي عن اخر رحلاته وش سوى وش صار احلى موقف واصعب موقف في مقانيصه
وكذااا
صدقيني وهو في المقناص راح يتذكرك
واي موقف يصير لهم في رحلتهم يصير مشتاق متى يجيك ويقول لك عنه
ويشاركك وناسته ومغامراته (الرجل طفل كبير) بكلمتين تأخذين عقله وتفكيره
ترى افضل من ان يجي تعبان ويلقاك قدامه مبوزه وشايله الدنيا على راسك
ونفس الموااال كل شوي
دعواتك لي


__________________________________________________ __________

وأنا حبيبتي بقلك استهدي بالله وروقي أعصابك

معليش محدا مرتاح بهالعالم ... كل وحدة عندها هم وإنتِ هاد الهم اللي كلتبه ربنا عليكي ولو شفتي هموم غيرك بتهون عليكي مصيبتك

والدعاء بعد الصلاة وبقيام الليل بانه الله يسخرلك زوجك ويهديلك ياه إله مفعول سحري .. شايفة أدي ربنا كريم .. بيبلينا وبعينا

الحمد لله على كل حال ...