عنوان الموضوع : خنت زوجي واشعر بندم شديد الرجاء الدخول الطبيب يجيب
مقدم من طرف منتديات نساء الجزائر

خنت زوجي واشعر بندم شديد الرجاء الدخول



السلام عليكم ورحمة الله وبركاته

عزيزاتي انا بطرح عليكم مشكلتي واتمنى من الله التوفيق والسعادة لكل من ترد علي بدون عتب
الكتاب باين من عنوانه انا خنت زوجي بس لمرة وحده عن طريق موقع شات , بس اقسم بالله ما كان خاطر ببالي ها الشي . بس لو بتسالوني عن السبب لانه هو ما راعى مشاعري وكان يخوني اكثر من مرة وانا اسكت واسامح لحد ما قررت انتقم منه وارد عليه بالمثل , وتعرفت على واحد عن طريق الشات وعطيته رقمي وتكلمت معاه بالحب والغرام وكله صار بيوم واحد , والحمد لله ان ضميري رجع لي وادركت اني غلطانه , ولحسن حظي ان العلاقة بيني وبينه ما تطورت اكثر من الجوال . وثاني شي لما كنت اتكلم معاه فجاة دخل علي زوجي وكنت انا اتكلم بالجوال بوقت متاخر من الليل , وكانت شاشة الشات مفتوحه , ونهرني بشدة وقال لي ليش فاتحه الشات ومن تكلمين على الجوال , قلت له اكلم صديقتي وبعدين قال لي والشات ليش مفتوح ما اخبرك تدخلين شات قلت له يعني حلال عليك وحرام علي؟
انت تشك فيني ؟ وبعدين سكرت شاشة الشات . وهدت الامور ولما رن جوالي كان نفس الشخص اللي عطيته الرقم خفت ان زوجي ينتبه للرقم . صحيح انه عصب بس مشاها لي . بس قام من يومها يلاحظني ويشك ان في شي مو طبيعي لاني كنت متوترة وايد .
الحين يا بنات احس بتانيب الضمير وخايفة وايد على حياتي تخترب وانا ندمانة وما ابي اكلم شاب مرة ثانية .
هل يا ترى اطنش الشاب واخليه حتى لو اتصل علي . والا اقول له لا عاد تتصل بي لاني احب زوجي وما ابي اخسره , لاني بصراحة خايفة ان رقمي ينتشر وتصير لي مشكله .
تكفون عطوني حل ولكم دعوة بظهر الغيب من اختكم الندمانه .
عندي ملاحظة هي اني ما عطيت الشاب اسمي الحقيقي .

>>>>> ردود الأعضـــــــــــــــــــاء على الموضوع <<<<<
==================================




شوفــي بقولج آول شي ياروحي مب عشآنه مايرآعي مشآعرج تورحين تخونيه لا ذا مب حل كلش كلهآ وسآويس آبليس

آنزين آحين يوم آنتقمتي منه صآر شي آنحل ألموضوع رجعت علاقتج مثل قبل ؟؟؟؟ .. آكيـد لا فكرتي تدعين له فـ صلآتج ؟

فكرتي تقعدين معآه تسألينه وش اللي يخليه يخونج او وش اللي يبيه منج عشان مايدور عليـــه برا ؟؟

آممم .. شوفي إذا يخونج عن طريق الجات او المسن طنشيه ياروحي اكشخي وعيشي يومج مرده لج .. آهم شي مايتعدى انه يطلع معاهم اللي خبري خبرج



لا لا تقوليــن ( حلال عليــك حرام ع ) .. دىم مشآها لج وعدت الامور ع خيـــر خلاص ياروحي لا عاد تعيدينها مو كل مرة تسلم الجــرهـ وبعدين اهم شي انج حسيتي بتأنيب الضميـــر وندمآنه

دآمج ماتبين تخسرين حيآتج وريلج غيري رقمــج ولا كن شي صااار قطي كل شي ورا ظهـــرج ولا خربي الشريحــه اي شي يعني

آمممم .. والله زين آنج ماقلتي لي آسمج الحقيقــــي اممم طيب عطي الرقم حق احووج مثلا قولي له هااي واااحد كل شووي يدق او كلمي ريلج دامه مايعرف اسمج !!!

وان شاء الله امورج بتزين وتنحــــل وماتعيدينهـــــا

وإذا قفلت وياج من كل صوووب ادعي ربج .. وان شاء الله كل شي بيصير اووكـــي

عسى الله يسخركم لبعــض ويسعدكم دنيآ وآخره

دعواتج ان الله يحقق اللي فـ بالــــــــــــــــــــي


__________________________________________________ __________

غيري رقمك.. واذا خايفة يشك ليش بدك تغيريه اخترعيلك سبب ,,كبي عليه مي ضيعيه,, المهم غيريه..
وتوبي الى الله توبة نصوح لانه مش حجة تعصي رب العالمين مشانها...
وابدي صفحة جديدة مع زوجك وربي يسعدك


__________________________________________________ __________

غيري رقمك ولا تخربي بيتك وارضي بنصيبك ولا كلمي الشاب باحترام واطلبي نه لا يتصل عليك وتاسفي منه عشان ما يسوي لك مشاكل واحسن غيري الجوال وريحي نفسك


__________________________________________________ __________

مو كل شي ينحل بذا الطريقه
هو عمل يعني انا اسوي مثله
خليك أحسن منه واصلحي حاله
لا تردين أو غيري رقمك
وانسي الموضوع ولا عاد تفكري فيه
وتصرفي طبيعي مع زوجك وهو مع الايام بيشوف صدقك واخلاصك له
والله يبعد الشيطان عن طريقكم يارب


__________________________________________________ __________

احسن انك تغيرين رقمك عشان ترتاحين ومن ناحية زوجك هل هو بهذي الطريقة من يوم مااخذتيه ولا تغير حاولي تشوفين الاشياء اللي تشغله ويهتم فيها وسويها له انتي عشان مايلقاها برى وادعي الله يسخره لك وعيشي حياتك لان الرجال اذا حس انه محور حياة زوجته يرتاح ع الاخر ويطنشها لكن اذا شافها تروح وتجي وعندها اشياء اهم منه ينقهر ويحاول يقرب منها بس مو تزودينها وتسببين لنفسك مشكلة ومصيره في النهاية بيرجع لك بس بقولك شي مهم !!!!!!!!!!!!!!!!!!!!!!!!!!!!!!اذا اكتشفتي لاقدر الله انه يطلع مع وحدة او يكلمها يعني خيانته تطورت اياني واياك تصارحينه او تحسسينه انك دارية لانه رح يقلبها عليك وكنك يابو زيد ماغزيت وانتي الحين سوي انك واثقة فيه يعني ماتكونين دارية عن الشات وساكتة ترى الرجال اذا درى ان زوجته داريه عن خيانته وساكته يزيد
الله يعينك ويسخر لك زوجك