عنوان الموضوع : يعايروني مجابة
مقدم من طرف منتديات نساء الجزائر

يعايروني



اهلين اخواتي الغاليات

انا مشكلتي كل محد شافني يعايروني ويقلون ليه انتي اشين خواتك واي من وين جيتي مو معقول اخواتك اجمل منك بسم الله شكلهم غلطوا واااه يابنات اجلس قبل ما انام ابكي واصيح وعيوني حمراء ووجهي منتفخ واحس روحي بتطلع ونا انسانة اخاف ربي واصلي وكل شي واحب لاخواتي كل شي واتمنى لهم الخير , لكن يوم اناظرهم اتالم بداخلي اقول مشاء الله ربي عطاهم نعم كثيرة واجلس اكلم نفسي يوميا وهالموضوع متعبني ودايم بالزواجات يوم يشوفون اخواتي يقلون لهم عندكم اخت يحسوبني جميلة مثلهم ويقولن هم ايه عندنا وعاد يوروهم صورتي واول مايشوفون صورتي يسكتون يقلون ويه اختلاف واللي قالي هالسالفة اختي بنفسها ماتخاف ع مشاعري , احس خاطري مكسور من كلام الناس وانا احمد ربي على كل شي لكن كلام الناس يعورلي قلبي ولا تقلوون لايهمك كلامهم لان فطرة الانسان يهتم وش يقلون الناس فيه , وصرت احس ماحتزوج بسبب الفرق بيني وبين خواتي حتى بالبشرة يابنات وربي بشرتي تعبانة وحالتي حالة وهم بشرتهم ناعمة وصافية , ادعولي فقط ابي افضفض وابيكم تريحوني لاني بجد نفسيتي تعبانة ويارب بس تكون خاتمتي ع خير وان ماخدت حظي بالدنيا باخده بالاخرة يارب

>>>>> ردود الأعضـــــــــــــــــــاء على الموضوع <<<<<
==================================


بإذن الله يكون لك حظ بالدنيا والاخرة
يا عزيزتي الجمال جمال الروح والاخلاق
انا عن نفسي اذا وحدة ملكة جمال واخلاقها شينة غصب اشوفها بشعه والعكس صحيح مدري اذا الناس مثلي.
تدرين انا اعرف وحدة كان لها 3 اخوات وهي اقلهن جمالاً لكن كانت خلوقه ومرحه وهي تعرف انها مو جميله زي خواتها لكن ما كانت تهتم ولا تاخذ الامور بحساسيه زايدة مع انهم كانو يسمعوها كلام حتى خواتها وامها كانت تقول هذه مرح تتزوج لكن اتزوجت ع 16 سنه بس للاسف تطلقت وما مر 5 شهور ع طلاقها الا واتزوجت والان وبعد سنين مشاالله عليها وربي احلا من خواتها
خواتها باين عليهم الكبر وهي لسا شباب. اعتفست بشرتهن وشعورهن سبحان الله وهي اللي يشوفها ما كنها تزوجت وخلفت سبحان الله
ربي يعوض صبرك خير لا تردي ع حد واهتمي بنفسك مو حلو الزعل لانه بياثر ع كل شي حاولي تكوني مبسوطه وقولي لنفسك لا انا جميله عشان تزيد ثقتك بنفسك
اسفه ع الاطاله
تحيتي


__________________________________________________ __________

قصي شعرك واذا كنتي سمينه انحفي وفيه حبوب تستخدميها 6 اشهر تخلي بشرتك صااااااااااافيه مرررررره والله وحده من الجماعه استخدمتها كان وجهها كله حفر والله يوم شفتها انفجعت ماشاء الله صافيه اهتمي بحواجبك شقريها واكشخي بتسيرين احلى منهم بكثييييييييير


__________________________________________________ __________

وش يعيرونك فيه ناقصه ايد ولا رجل الله خلقك واحسن صورتك قولي الحمدلله ولاتهتمين ناس ناقصين الحلا حلاة القلب والروح يمكن هم اجمل لاكن انتي صفاتك اخلاقك ملامحك اجمممممل منهم قوي قلبك وماعليك من الناس


__________________________________________________ __________

للأسف يحذفون الردود اللي تكتب من هالعضوية لكن نجرب نكتب ..
الثقه مطلوبه ومن يعايرك في وجهك ردي الصاع صاعين وزيدي انك مقتنعه بنفسك وعاجبك شكلك ولا ودك بشكل آخر ، حبي نفسك لأن الأساس هو الداخل لاتفكرين كثير بشكل سلبي مع الإهتمام بنفسك وجسمك ،


__________________________________________________ __________

خليك واثقه من نفسك ولاتلتفتين لكلامهم واهتمي بنفسك وطوري نفسك وماعليك منهم واحمدي ربك على نعمة العقل والدين والله يفرج همك يااااااااااارب