عنوان الموضوع : ودي اسافر لكن الطبيب يجيب
مقدم من طرف منتديات نساء الجزائر

ودي اسافر لكن



السلام عليكم ورحمة الله وبركاته

حبيباتي والله ماكتبت مشكلتي الا ابي النصح منكم بعيدا عن التجريح رجاء



مشكلتي اني ان شاء الله الاسبوع الجاي بنسافر للطائف تمشيه وبنعتمر

وهذي العمره هديه من زوجي لي بمناسبة انه مر علينا 10 سنين زواج
الحمدلله

بتقولون وين المشكله هي في اهله
تخيلو العام عمرنا امه واخته وكمان اخته المتزوجه مع انه المفروض ماتروح لانه روحتها معانا كانت على حساب عيالي تبهذلو مالهم مكان بالسياره وضاقو لانه نخليهم يجو ورى على العفش واحسهم ماارتاحو ابد

وكمان ام زوجي الله يهديها تزعل بشكل مو طبيعي تخيلو طلعت للسوق انا وزوجي عشان ابشري لامي واخواتي هديه والله اني شريت لها نفس الي شريت لامي ولمن قدمتها لها الا القاهها زعلانه علي بشكل مو طبيعي
بس لني طلعت مع زوجي
واخته المتزوجه ماكان لها داعي تروح والله حشر بالسياره وبنتها الله يخليها لها مزعجه وبكايه لابعد الحدود وتبي كل شي لها ان راح احد اولادي قدام عن ابوه وجدته قامت تصيح ليش يروح والله ماتهنيت بالروح
والي حز بخاطري اولادي ابيهم يستانسون ويتوسعون في السياره
ويستانسون بعد الدراسه كله اسبوع وراجعين لهمها
والحين لمن قررنا نسافر قلت لزوجي انت قلت لي العمره فانا ابي اكون لحالي انا واولادي وانت وبس
وتخطيطنا انه نمشي من المدينه الي ساكنين فيها الى الطائف بعدين اذا خلصنا نسافر لاهله
بس مكدر خاطري انها بتزعل وبتنكد علينا مع والله اني ماني مانعه زوجي عنهم ولا حتى االفلوس اذا توفر معه ماخلاهم عطاهم وشرى لهم الي يبونه
ويجون عندنا ونمشيهم ويستانسون
بس كحريه لى انا وزوجي لا تزعل بشكل ماادري ليش
واختى اخذه اخو زوجي تقول فجاءه تزعل علينا ولاتكلمنا بالايام واختى تعبانه نفسيتها بسب هالزعل
واذا جت بنتها المتزوجه غيرتها 180 درجه ويتهمون بنت اختى بانها مو متربيه وان بنت بنتهم تاخذ من بنت اختى الاشياء الي مو زينه
مع انه والله والحق ينقال ان بنت اختى خوافه وخجوله ولاتبعد عن امها
والله تخيلو اختى وزوجها يضبطون غرفه لابنتهم وركبو ارضيه خشب راحت البنت مبسوطه لجدتها تبيها تجي تشوفها تخيلو كسرة بخاطر البنت ولا عبرتها

فمشكلتي ومشكلت اختى بزعل ام ازواجنا بدون مبرر تنام راضيه وتقوم زعلانه احترنا
مو مسموح لنا نروح ونتمشي ونسافر مع ازواجنا
مع انه بنتها تسافر لاي مدينه تبي ولا عليها من اهل زوجها وعندنا لا
لسانها وش طوله
والله تعبت ابي استانس مع زوجي ابي اختى تستانس تسافر تروح للي تبيه بدون زعل لانه حق لها
بتقولون اولادها فيه غيرهم شباب يسافرون للي يبون ولايفكرون ياخذونها معهم لكن عندنا لا نعتبر تجاوزنا الخط الاحمر

معليش طولت بس ايش اصلح ابي حل مرضي ابي استانس واسافر بدون مااشيل هم
شورو على يااخواتي

>>>>> ردود الأعضـــــــــــــــــــاء على الموضوع <<<<<
==================================


اختي عقبال المئة سنه بالحب والخير ان شاء الله
اختي روحي عمره تقبل الله مسبقا انبسطي انت وزوجك واولادك بمكا انو نيتك طيبه وصافيه ,,
يعني بس ترجعي جيبي معك هدايا للجميع بمناسبة العمره وانو مر على زواجك 10 سنوات
والله يهنيكي ويسعدك


__________________________________________________ __________

حبيبتي بقولك كللللللل الي قلتيه يهوووون وينحمل عشان بس شوفة الكعبة شوفة بيت الله الحرام والله العظيم كله يهون فكري كذا فكري بأجر العمرة وبمنظرك أمام بيت الله وروعة الاحساس وقتها ترى هذي نعمة الله مان عليك فيها وكثيييير غيرك يتمنونها وأنا وحدة منهم أقسم بالله أتمنى من ربي اني أصلي قدام الكعبة وادعي الله بكل الي خاطري ويارب الله يفرج علينا ويكتب لي رؤية بيته الحرام بقولك انتي احتسبي الأجر عند ربي في الي يسوونه وفكري بس بزوجك واولادك واحمدي الله انهم معاك ورايحين سوا ولاتشيلين هم أختك وهم بنت أختك وغيرهم لأ اتركي الخلق للخالق ولاتحملين نفسك فوق طاقتها ادعيلهم ولنفسك والله يوفق ويفرج هم الجميع ...وأبي أطلب منك طلب صغير من أخت لأختها ويارب ماترديني ..أبيك أختي تدعين لي عند الحجر الأسود انه الله ينصرنا وتطلع معاملتناوأن يرزقني الله بالزوج الي أتمنى وأدخل الجامعة..وجزاك الله خير ومافي شي يستاهل تشيلي همه من أمور الدنيا عيشي حياتك ولاتفكرين كثير


__________________________________________________ __________

مشكورات خواتي
يعني ماشيل هم واطنش ,,,, اكيد اني ابهدي لهم وماراح انساهم بس هل بتقبل الهديه او تزعل
والله اني محتاجه اعتمر والله من بعد زواجي مارحت الا العام وهم معي ’’’’’’ والله محتاجه اصلي وادعي ربي ببيته الطاهر
واختى مجرد انثي ماطلبتي شي يالغاليه والله ينصرك على من عاداكم ويزوجك من خيرة الرجال وتدخلين الجامعه بيسر

كلامكم يريح ,,, والله يهدي النفوس


__________________________________________________ __________

اللهم آميين يارب ...مشكورة أختي وجزاك الله خير والله يتقبل منك يارب وانتي سوي الي عليك وجيبي الهدايا ولاتفكرين وش يصير بعدها يقبلونها مايقبلونها شي راجع لهم المهم انك سويتي الي عليك وخلاص لاتشيلين هم رود افعالهم واستانسي بوقتك ومتعي عيونك برؤيةالكعبة ولاتنسيني من الدعاء....ربي ييسر لكم دربكم ويتقبل منكم طاعتكم يارب


__________________________________________________ __________

امييييييييييييييييييييييييييييين يارب
مشكوره اختى
والله يوفقك وييسر ربك
والله من كثر التفكير قلت شكلى خلاص ماني برايحه
بس باذن الله رايحه الله لايعوق بشر ~,,,والله ييسر امرنا وينولنا مرادنا ونشوف الكعبه ونطلب ربي الرحمه والمغفره والتوفيق